Архивдик сүрөт. Аль-Харам мечити, Мекке

Меккеде көчмө штабдын жыйыны өттү

93
(жаңыланган 15:21 27.08.2017)
Быйыл Кыргызстандан ажылык сапарга 4585 жаран барды

БИШКЕК, 27-авг. — Sputnik. Мекке жана Медина шаарларындагы ажылыкты уюштурууда зыяратчыларга кызмат кылуучу көчмө топтун жыйыны болуп өткөнүн муфтият билдирди.

Маалыматта ажыларды Мина, Арафат, Муздалифа өрөөндөрүнө көчүү, жайгаштыруу маселелери талкууланганы жазылат.

"Мындан тышкары, зыяратчылар үчүн ыңгайлуу автобустарды талап кылуу, палаткаларды бөлүштүрүү, ажыларга суу жана муздарды өз убагында жана жетиштүү деңгээлде жеткирүү сыяктуу маселелер ортого салынды", — деп айтылат билдирүүдө.

Эскерте кетсек, быйыл Кыргызстандан ажылык сапарга 4585 жаран барды.

93
Белгилер:
штаб, Ажылык, Мекке
Тема боюнча
Сауд Аравия Катардагы зыяратчылар үчүн атайын учак жөнөтүүгө даяр
Сауд Аравиясы ажылык сапарга келген катарлыктарга чек араны ача турган болду
Спортзалда машыгуу. Архивдик сүрөт

COVID-19 жуктуруп айыккандар спорт менен машыгууда эмнелерди эске алышы керек

2
Дарыгер бардык бейтаптарга эле дем алуу көнүгүүлөрүн жасатуу туура эмес экенин, анын да зыян жактары болушу мүмкүндүгүн эскертти.

БИШКЕК, 23-янв. — Sputnik. Коронавирус менен ооруп айыккандар суук мезгилде эшикке чыгып спорт менен машыкпашы керек. Бул тууралуу РИА Новостиге улуттук фитнес-коомчулугунун өкүлү, спорт дарыгери Елена Рябинкова айтып берген.

"Муздак аба, температуранын алмашышы жана абанын нымдуулугу мурун көңдөйү менен трахеянын ишине тоскоолдук жаратып, дем алуу органдарында былжырларды пайда кылат. Мунун кесепетинен вирустук жана бактериялык оорулар өөрчүйт. Андан ары өтүшүп кетсе курч респиратордук синдромдорго, миокардит, стресстик кардиомиопатия, аз кандуулукка, бөйрөктүн, жүлүндүн жабыркашына жана башкаларга алып келет", — деген Рябинкова.

Адис бейтаптарга илдеттин оордугуна жараша өзүнчө көнүгүүлөрдү жасатыш керектигин белгилеген. Маселен, бардыгына эле дем алуу көнүгүүлөрүн кылдыруу туура эмес экенин, анын да зыян жактары болушу мүмкүндүгүн кошумчалаган.

2
Белгилер:
машыгуу, спорт, оору, коронавирус
Тема боюнча
Кыргызстанда коронавируска каршы эмдөө үч этап менен жүрөт
Канды коюлантат. Коронавирус менен ооруганда жебей турчу азыктар аталды
КР калкынын канчасында коронавируска каршы антитело бар? Изилдөөнүн жыйынтыгы
Упаковки с вакциной Спутник-V в Мурманском областном центре специализированных видов медицинской помощи.

Кыргызстан Россиядан 500 миң доза "Спутник V" вакцинасын сурады

35
(жаңыланган 14:01 23.01.2021)
Министрдин айтымында, 500 миң доза вакцина 250 миң кишиге жетет. Тиешелүү кат өлкө президентинин милдетин аткаруучу Талант Мамытовдун атынан РФ башчысына жиберилген.

БИШКЕК, 23-янв. — Sputnik. Кыргызстан Россиядан коронавируска каршы "Спутник V" вакцинасынан 500 миң доза сурады. Бул тууралуу Sputnik агенттигине саламаттык сактоо министри Алымкадыр Бейшеналиев билдирди.

Анын айтымында, тиешелүү кат өлкө президентинин милдетин аткаруучу Талант Мамытовдун атынан РФ башчысы Владимир Путинге жиберилген.

"Азырынча Россиядан жооп келе элек. Россиянын саламаттыкты сактоо министри маселени жогорку деңгээлде чечүү үчүн кат жөнөтүүнү өтүнгөн. Өзүм Москвага иш сапары менен барганда да муну чечип берүүнү сурангам", — деди Бейшеналиев.

Министр 500 миң доза вакцина 250 миң кишиге жетерин кошумчалады.

Кечээ ЖККУнун Кыргызстандагы "Кант" базасына COVID-19 вакцинасынын биринчи партиясы жеткирилген болчу.

35
Белгилер:
вакцина, Алымкадыр Бейшеналиев, Кыргызстан, Россия
Тема:
Коронавируска байланыштуу Кыргызстандагы кырдаал
Тема боюнча
COVID-19га каршы россиялык вакцинаны түзгөн адис Кыргызстанда туулган
Кыргызстанда коронавируска каршы эмдөө үч этап менен жүрөт