Кыргызстандыктар бекер билим алганы кайсы өлкөлөргө кетет? Инфографика

Жазылуу
Быйыл Билим берүү жана илим министрлиги аркылуу чет жактан билим алууга 500дөн ашык кыргызстандык кетет. Алардын арасында түрдүү адистиктер боюнча бакалавр, магистратура жана докторантурадан окуйм дегендер бар.

Sputnik Кыргызстан алардын санын жана кайсы өлкөлөргө көбүрөөк кетип жаткандыгын тактады.

Өкмөт аралык келишимдердин негизинде кыргызстандык жаштарга чет мамлекеттерден жыл сайын жүздөгөн гранттык орундар бөлүнөт. Аларга негизинен чет жактан билим алам деген дилгир бүтүрүүчүлөрдүн мыктылары тандалып алынат. Себеби кабыл алып жаткан тарап студенттерди тамак-аш, турак жай менен камсыздап, окууда ийгилик жараткандарга стипендия берет.

Бул жылы абитуриенттердин көпчүлүгү Россияга кетти. Анткени эки өлкөнүн билим берүү тармагындагы кызматташуусунун алкагында жергиликтүү студенттерге 400 гранттык орун бөлүнүп, ага 363 бүтүрүүчү өткөн.  Ал эми коңшу Казакстанга беш жаран барат.

Кыргызстандыктар негизинен чет өлкөгө эл аралык мамилелер, экономика жана бизнес, жаңы технология жаатында билим алууга дилгир.

Андан сырткары, түрдүү сынактарга өз күчү менен катышып чет өлкөлөргө кетип жаткан студенттер дагы жок эмес. Алсак, Евробиримдиктеги жогорку окуу жайларда магистратурада окуу мүмкүнчүлүгүнө жергиликтүү 13 студент ээ болду.

Жаңылыктар түрмөгү
0