Президент Алмазбек Атамбаевдин Астанага барган иш сапары. Архивдик сүрөт

КМШ президенттери эмне менен учат? Самолеттер парады

1665
(жаңыланган 12:35 07.09.2017)
Россияда чыгарылган учакты менен Владимир Путин, анан Алмазбек Атамбаев гана пайдаланат экен. Ал эми айрым президенттерди кесиптештери "таштап" койгон учурлар да кездешет.

БИШКЕК, 6-сен. — Sputnik. КМШ мамлекет башчылары учкан учактар эмнеси менен айырмалана турганын Sputnik агенттиги билип көрүүгө ашыкты. Мында эки мамлекеттин башчысы атайын учактан баш тарткан.

Азербайжан

Прилет президента Азербайджана Ильхама Алиева в Москву
© Фото / Фотохост-агентство
Ильхам Алиевди ташыган Боинг 767-300 учагы
Боинг 767-300 учагы Ильхам Алиев жана анын жубайынан тышкары 157 тонна салмакты көтөрө алат. Учак Бакудан Бишкекке эки жолу учуп келе алат. Жолдон кошумча май куюу үчүн токтобойт дагы. Президентти ташыган учак жөн гана "Баку" деп аталат.

Армения

Прилет президента Республики Армения С. Саргсяна
© Sputnik / Алексей Филиппов
Серж Саргсян Европа өндүрүшүнөн чыккан Boeing Airbus A320 учагы
Армениянын президенти Серж Саргсян ары-бери Европа өндүрүшүнөн чыккан Boeing Airbus A320 учагы менен каттайт. Аталган учак учурда эң көп талап кылынган аба кемелеринин катарын толуктап келет. Учакка Армениянын желеги менен гербинин сүрөтү түшүрүлгөн.

Белоруссия

В Кыргызстан вечером 15 сентября прибыл президент Беларуси Александр Лукашенко в рамках саммита СНГ
© Пресс-служба правительства / Сабыр Аильчиев
Александр Лукашенко асманга көтөрүлгөндө булуттарды Boeing 738BBJ учагынын терезесинен көрөт
Александр Лукашенко асманга көтөрүлгөндө булуттарга Boeing 738BBJ учагынын терезесинен көз салат. Самолеттун ичи жүргүнчүлөр үчүн жасалган ыңгайлуулугу менен айырмаланат. Ал заводдон чыгары менен эле сатып алынган. Андан сырткары, Түркмөнстандын маркум президенти Сапармурат Ниязовго таандык болгон Boeing-767-300ER учагын да сатып алган.

Казакстан

Самолет на котором прибыл президент Республики Казахстан Нурсултан Назарбаев в Кыргызскую Республику. 14 апреля, 2017 года
© Пресс-служба правительства / Сабыр Аильчиев
Нурсултан Назарбаевди ташыган Airbus учагынын баасы 250 миллион долларды чапчыйт
Казакстандын мамлекеттик жетекчилерин ондон ашык учак менен тик учактар тейлейт. Өлкө президенти Нурсултан Назарбаев түрдүү эсептөөлөр боюнча бир жылда абада алты сутка жүрөт. Айрым маалыматтар боюнча Назарбаевди ташыган Airbus учагынын баасы 250 миллион долларды чапчыйт.

Кыргызстан

Президент КР Алмазбек Атамбаев, в рамках государственного визита в Российскую Федерацию прибыл в город Уфу Республики Башкортостан
© Пресс-служба президента КР / Султан Досалиев
Алмазбек Атамбаев 1993-жылы өндүрүштөн чыккан Ту-154 учагы менен учат
Кыргызстандын президенти Алмазбек Атамбаев 1993-жылы өндүрүштөн чыккан Ту-154 учагы менен учат. 2017-жылдын башында Россиянын коргоо министри Сергей Шойгу аталган учактын моделин эксплуатациядан чыгаруу керектигин айткан. Себеби 2016-жылдын 25-декабрында дал ушундай үлгүдөгү учак Кара деңизде кыйраган эле.

Молдова

Самолет на котором прибыл президент Республики Молдовы Игорь Додон в Кыргызстан
© Пресс-служба правительства / Сабыр Аильчиев
Молдованын башчысы Игорь Додон жеке учагы жок, ал катардагы каттамдар менен эле учат
Молдованын башчысы Игорь Додон жеке учак менен учпайт. Ал эл аралык сапарларына катардагы каттам менен эле барып-келип турат. Додонду бара турчу жерине чейин учагы бар кесиптештери жеткирип койгон учурлар да кездешет.

Россия

Президент России Владимир Путин выходит из самолета во время рабочего визита в Кыргызстан
© Пресс-служба президента КР / Султан Досалиев
Владимир Путинди ташыган Ил-96 учагын журналисттер "асмандагы Кремль" деп атап коюшкан
Владимир Путинди ташыган Ил-96 учагын журналисттер "асмандагы Кремль" деп атап коюшкан. Учактын ичинде бир нече иш бөлмөсү, чакан спорт зал жана жыйындар залы жайгашкан. Андан сырткары, кайра жандандыруу блогу да орун алган. Негизги басым коопсуздукка жасалганы айтылып келет.

Тажикстан

Самолет на котором прибыл президент республики Таджикистан Эмомали Рахмон в Кыргызстан
© Пресс-служба правительства / Сабыр Аильчиев
Эмомали Рахмон бюджетти үнөмдөө үчүн жеке учак сатып алуудан баш тарткан
Эмомали Рахмон бюджетти үнөмдөө үчүн жеке учак сатып алуудан баш тарткан. Ал негизинен жеке авиакомпаниянын кызматынан пайдаланат.

Түркмөнстан

Прилет президента Туркменистана Гурбангулы Бердымухамедова в Москву
© Фото / Фотохост-агентство.
Гурбангулы Бердымухамедов Boeing 777-200 учагы менен каттайт
Гурбангулы Бердымухамедов ага чейинки президенттин учагын колдонуудан баш тартып, Сапармурат Ниязовду ташыган учакты Александр Лукашенкого сатып, өзү Boeing 777-200 учагы менен каттай баштаган. Аталган учак бир учканда 20 миң чакырымга чейин уча алат. (Ашхабаддан Бишкекке жети жолу келип кетсе болот).

Өзбекстан

Самолет на котором прибыл президент Республики Узбекистан Шавкат Мирзиёев в Кыргызстан
© Пресс-служба президента КР / Султан Досалиев
Шавкат Мирзиёев Airbus A320 учагы менен учат
Шавкат Мирзиёев Airbus A320 учагы менен учат. Мындай учакты Армениянын президенти да колдонот. Мирзиёев Кытайга болгон сапарында Boeing 767-300ER учагы менен барган. Бул моделдеги учак менен Азербайжан менен Белоруссиянын да президенттери учат.

1665
Белгилер:
президент, учак, КМШ, Владимир Путин, Алмазбек Атамбаев
Тема боюнча
Көптөн күткөн жолугушуу: Атамбаев өзбек президенти Мирзиёевди тосуп алды

Шуулдаган парашют, айланган жер... Россиялык десантчылардын видеосу

145
(жаңыланган 21:45 09.08.2020)
Россиянын Коргоонуу министрлиги Туладагы Аба-десант гвардиясынын аскерлеринин парашюттан машыгуу учурунда секирген видеосун жарыялады.

Аталган кезектеги иш-чара Клоково аэродромунда жасалган. Аскерлер Туланын Слободка деген аймагынын жанына секирген.

Россиялык Су-27 АКШнын тыңчы учагын кайра кайтарды

Видеодон секире турган адамдын учактан абаны көздөй аттагандыгын көрүүгө болот. Бул ар бир адамды ар кандай абалга салган абал. Бирөөлөр ичиркенип жүрөгү шуу десе, экинчилерине адреналин. Видеодо парашютчунун асманда АН-2 учагынын ичинен сыртты көздөй кадам таштап, андан соң кескин айланып, андан кийин жаай каалгый жерди көздөй бараткан учурларды жана финалды, талаага келип түшкөн учурларды ырааттуу көрүүгө болот.

145
Белгилер:
парашют, Аскер, Россия
Тема боюнча
Кемелер парады. Россияда Аскер-деңиз флотунун күнүн белгилешти. Видео

Дүйшөмбүгө карата аба ырайы

118
10-августта түнкүсүн республиканын көпчүлүк аймактарында жамгыр жаап, күн күркүрөйт. Нөшөрдөн улам республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 9-авг. — Sputnik. Эртең,10-августта, Кыргызстандын бир нече аймактарында күн 36 градуска чейин ысыйт. Бул тууралуу Кыргызгидромет билдирди.

Нарын, Ысык-Көл аймактарында жана республиканын тоолуу жерлерине жамгыр жаап, күн күркүрөйт. Ош, Жалал-Абад, Чүй өрөөндөрүндө жана Баткен, Таласта жаан-чачын болбойт. Маалыматка ылайык, батыштан соккон шамалдын ылдамдыгы секундасына 4-9 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүй өрөөнүндө +30...+35, Талас жергесинде +28...+33, Ош, Жалал-Абад, Баткен облустарында +31...+36, Ысык-Көлдө +21...+26 жана Нарын аймагында +22...+27 градус болору айтылды.

Күндүн табы Бишкекте +33...+35, Ош шаарында +34...+36, ал эми Чолпон-Атада +23...+25 градуска чейин жетет.

118
Белгилер:
аба ырайы, Кыргызстан
Тема боюнча
Август ысык болобу? Бир айга карата аба ырайынын божомолу
Президент Белоруссии Александр Лукашенко голосует на выборах президента Белоруссии на избирательном участке в Минске.

Белоруссия: президенттик шайлоодо Лукашенко алдыда. Exit poll, БШКнын жыйынтыгы

0
(жаңыланган 23:43 09.08.2020)
Президент аталган өлкөдө беш жыл мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 79,7 пайызын алгандыгын exit poll жыйынтыгы көрсөттү. Бул туурасында БШКнын төрайыма Лидия Ермошинага шилтеме кылып Sputnik Ближнее зарубежье кабарлады.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында, жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Калган төрт талапкерлердин алган добуштары төмөнкүдөй болгон:

  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жыл мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

0