Бишкектеги Тез жардамдын ишин роботтор илгерилетет

© Sputnik / Мария Савченко / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Борбор калаадагы медициналык Тез жардам кызматына автоматташтырылган башкаруу системасы киргизилүүдө

БИШКЕК, 7-сен. — Sputnik. Борбор калаадагы медициналык Тез жардам кызматына автоматташтырылган башкаруу системасы киргизилип жатканын Тез жардам кызматынын реанимация бөлүмүнүн башчысы Егор Борисов Sputnik Кыргызстан агенттигинин мультимедиалык маалымат борборунда болгон жыйында билдирди.

© Sputnik / Данияр СандыбаевЗаведующий отделением реанимации БССМП Егор Борисов
Заведующий отделением реанимации БССМП Егор Борисов - Sputnik Кыргызстан
Заведующий отделением реанимации БССМП Егор Борисов

Анын айтымында, адистер станциянын ишин жакшыртуу үчүн автоматташтырылган башкаруу системасын иштеп чыккан. Долбоор бир нече этап менен ишке ашат.

"Бул программалык камсыздоо биринчи кезекте диспетчердик бөлүмдүн ишин жакшыртат. Система чакыруу болгон жерге кайсы бригада жакын турганын жана кимиси барса эрте жетерин аныктайт. Андан сырткары, чакыруу түшкөн жерге реаниматологдун, кардиологдун, гинекологдун же башка адистин кимиси барса натыйжалуу болорун чечет", — деди Борисов.

Девушка говорящая по стационарному телефону - Sputnik Кыргызстан
Бишкектин Тез жардам кызматынын "103" номери иштеп баштады
Учурда Бишкектеги Тез жардам кызматы түшкөн чакырууларды кезеги менен кабыл алат. Ал эми компьютердик программа иш процессин кантип жакшыртуу керектигин аныктайт.

"Ар бир түшкөн чакыруу боюнча электрондук карточка ачылат. Ал жакта бейтаптын дареги жана оорусу жазылат. Анын абалы боюнча маалымат дарыгердин телефонуна түз барат. Ал эми айдоочунун телефонуна дареги жазылган маалымат жолдогу абалдарды эске алуу менен келет", — деди ал.

Жаңы системасы Тез жардам кызматынын ишин жеңилдеткени менен кошумча бригадаларга талап бар, себеби түшкөн чакырууларга кызматкерлер жетишсиз.

Жаңылыктар түрмөгү
0