Көзү начар көргөн Сейтек Абдылхаиров

Кыргызстанда "Диснейленд" курам! Бишкектик карапайым жигиттин баяны

323
(жаңыланган 20:57 15.09.2017)
Көзү начар көргөн Сейтек Абдылхаиров аткаминерлердин көмөгү жок эле борбор калаадагы жаңы конуштардын шарттарын жакшырткысы келет. Өз демилгесин кантип ишке ашыра тургандыгын жаш жигит Sputnik Кыргызстандын кабарчысы Светлана Федотовага айтып берди.

Айланага көз чаптыргылачы. Эмнени көрүп турасыңар? Жакшы көргөн орундук, ачык түстөгү көйнөкчөн кесиптеш же тажаткан жарнамалык роликти көрсөтүп жаткан телевизорбу?

Мунун баарын күнүгө көрүп жүргөндүктөн маани деле бербесеңиз керек. Сейтектин жөнү башка, анын көздөрү көрүүсү орточо адам көрө алгандын 30-40 пайызын гана ажырата алат. Бирок аны менен баарлашуу дүйнөгө ал менден да кең көз чаптыргандай таасир калтырды.

Слабовидящий парень Сейтек Абдылхаиров во время интервью ИА Sputnik Кыргызстан
© Sputnik / Табылды Кадырбеков
Сейтек Абдылхаиров: ата-энем мени кадимки мектепке берген. Окууда көйгөйүм көп, башкаларга караганда мага татаал болду. Адамдар дээрлик көрбөй турганымды билишкенде жардам берүүгө аракет кылышат

— Угушубузча, Кыргызстанда "Диснейленд" курууну самаган жигит экенсиз…

— Биздин долбоор жаңы конуштардын жашоо шартын жакшыртууну көздөйт. Анүчүн биз адагенде ал жактарды жарыктандырып, андан соң, балдар ойноочу аянтча жана жергиликтүү тургундар эс алчу аймактарды курабыз. Кийин Борбор Азиядагы эң ири аттракцион паркын курууну пландаштыруудабыз. Ар тараптан бизге келип, асманга жеткирчүдөй аттракциондорго түшүп, катапультадан ылдыйлап, чоң кемелерде сүзүп кетип турушун каалайбыз.

— Мындай ой кандайча жаралды?

— Улуу инсандардын өмүр баяндарын окуган жагат. Уолт Диснейдин тарыхы кокусунан колума тийип калды. Ал көптөгөн банктарга өз долбоорун каржылоо өтүнүчү менен кайрылган экен, бирок баары андан баш тарткан. Бир гана адам ал ишке акча салууга макул болгон. Дисней канчалаган кыйынчылыктарды жеңип өткөнүн элестетип көргүлө, бирок эч убакта кол куушуруп отуруп калган эмес!

Мага бул улуу мультипликатордун баскан жолу гана таасир эткен жок. Бир топ жылдан бери балдар менен иш алпарам, алар мени аябай шыктандырып турат. Бир тууган агам жана досторум менен биргеликте долбоорду ишке ашырып, балдарга жардам берип келебиз. Маселен, Ак-Суу районундагы БЦП менен ооруган балдардын санаторийинин дубалдарына сүрөт тартып, ойноо үчүн аянт курганбыз. Балдар аябай ыраазы болгон. Ошондо жашоомду балдар менен иштөөгө арнагым келгенин аңдагам.

Акча топтоп, батуттарды (балдар секирип ойноочу желим) ар кайсы райондорго орнотуп келебиз. Бул кичине болсо да, баары бир аттракцион.

Слабовидящий парень Сейтек Абдылхаиров во время интервью ИА Sputnik Кыргызстан
© Sputnik / Табылды Кадырбеков
Сейтек Абдылхаиров: агам экөөбүздүн тукум кууган дартыбыз бар. Мен дарыланып турам, бирок бул дарттын айырмачылыгы – көрүү баары бир бара-бара начарлай бергенинде. Келечекте таптакыр көрө албай калышым ыктымал

— Сиздер орноткон батутта секирүүгө канча акы алынат?

— Бекер деп айтпайм, бирок мындай көңүл ачуунун 15 мүнөтү бир балмуздактан кымбат турбашы керек — 20 сом. Бир батуттун баасы 1,5 миң долларды түзөт. Бирок мындан киреше көрүүнү көздөгөн эмеспиз. Бул болгону көңүлгө жаккан иш.

— Долбоорлорду ишке ашырууда ата-энеңиз акчадан жардам береби?

— Ата-энем карапайым адамдар. Апам мамлекеттик иште катардагы кызматкер, атам өмүр бою "Кыргыз темир жолу" ишканасында эмгектенет. Ал ден соолук көйгөйүнө карабай дайым башкалардан да көп жана жакшы иштеш керектигин айтат.

Ойлорум арбын, мүмкүнчүлүккө жараша аларды четинен ишке ашырып келе жатам. Санаалаштарым менен Ысык-Көлдө жайкы пиццерия ачтык, ошону менен катар эле айыл чарбасы менен да алекпиз, чакан аянтта жүгөрү өстүрөбүз.

— Көрүүңүз туурасында сурабай кое албайм. Орток таанышыбыз сиз менен баарлашкандан үч айдан кийин гана начар көрө турганыңызды капысынан билиптир…

— Агам экөөбүздүн тукум кууган дартыбыз бар. Мен дарыланып турам, бирок бул дарттын айырмачылыгы – көрүү баары бир бара-бара начарлай бергенинде. Келечекте таптакыр көрө албай калышым ыктымал. Бирок төрт дубал ичинде жашоодон коркуп, алсыз болуп калгым келбейт. Ошондуктан колумдан келип турганда акыркы күчүмө чейин жан үрөйм.

Ата-энем мени кадимки мектепке берген. Окууда көйгөйүм көп, башкаларга караганда мага татаал болду. Адамдар дээрлик көрбөй турганымды билишкенде жардам берүүгө аракет кылышат. Бирок андай мамиле мени кыжырдантат, көмөк керек болуп калса кайрылам, үйрүлө түшүүнүн зарылчылыгы жок.

Слабовидящий парень Сейтек Абдылхаиров во время интервью ИА Sputnik Кыргызстан
© Sputnik / Табылды Кадырбеков
Сейтек Абдылхаиров: ата-энем карапайым адамдар. Апам мамлекеттик иште катардагы кызматкер, атам өмүр бою "Кыргыз темир жолу" ишканасында эмгектенет. Ал ден соолук көйгөйүнө карабай дайым башкалардан да көп жана жакшы иштеш керектигин айтат

— Ысык-Көлдөгү пиццерия боюнча кенен токтолсоңуз…

— 2015-жылы көл жээгинде суусундук саткан жер ачканбыз. Кийинки жылы пиццерия ачууну чечтик. Кафени ижарага алып, эмеректерин өзүбүз жасагандыктан 100 миң сомдон ашык каражат үнөмдөй алдык. Андан соң, адаттагыдай эле ашпозчу жалдадык, башка жумушчуларды алдык… Көп киреше таптык деп айта албайм, салган акчабызды актап алдык. Мында кеп материалдык кызыкчылыкта эмес, мындай ишти өнүктүрүп кетүү ар бир кишинин колунан келе турганында.

— Чындап эле эч кандай кыйынчылыктарга кабылган жоксуздарбы?

— Аймактарда "түшүнүктөр" менен жашаган адамдар азыр да бар. Маселен, бизди үстүртөн коргоп турууну сунушташты. Андай нерселер, албетте, көңүл чөгөртөт, бирок аларга баарын түшүндүрүп, өзүбүз студент экенибизди, ашыкча акчабыз жоктугун айтып сүйлөшүп алып жаттык.

— Сиздин оюңузча, борбор калаадагы жаңы конуштардын шартын кантип жакшыртууга болот?

— Азыркы тапта "Арча-Бешик" жаңы конушунун инфраструктурасын жакшыртуу боюнча долбоорду иштеп чыкканы калдык. Учурда брусчатка чыгарууга инвестор издеп жатабыз. Аны конуштарга төшөө планыбызда бар. Себеби калаанын борборунда гана эмес, чет жакасында да жакшы жана ыңгайлуу шарттары менен жашоого боло турганын адамдардын акылына жеткирүү чагы келди. Мындай долбоорлорго демөөрчү табыш кыйын, ошондуктан баарын өз күчүбүз менен жасоого талпынуудабыз. Адамдарга бюджетти өз алдынча эсептеп чыгып, акча топтоп, шамчырактарды орнотууну сунуштайбыз. Биздин кызматтарга төлөп берүүгө туура келет, бирок акысы жогору эмес. Колубуздан баары келерине ишенем!

323
Белгилер:
долбоорлор, жаңы конуштар, Арча-Бешик
Тема боюнча
WEF жетекчиси Кыдырмышев: бир телефондук чалуу үчүн 20 миң долларга сынгам
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

41
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

41
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

46
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

46
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

0
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

0
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок