Мектеп окуучуларынын китеби. Архивдик сүрөт

Мектептердеги китеп жетишсиздиги беш жылдын ичинде толугу менен чечилет

47
(жаңыланган 16:25 14.09.2017)
Учурда өлкөдөгү мектептерде орус тилдүү китептер тартыш

БИШКЕК, 14-сен. — Sputnik. Мектептердеги китеп жетишсиздиги беш жылда толугу менен чечилет. Бул тууралуу Билим берүү жана илим министри Гүлмира Кудайбердиева Sputnik Кыргызстан маалымат агенттигине билдирди.

Министр 14-сентябрда Бишкек шаарындагы кээ бир мектептердин колдонуп жаткан окуу куралдарынын абалы менен таанышып чыкты. Анда көпчүлүк билим берүү мекемелери жетишсиз окуу китептерин ата-энелердин жардамы менен сатып алып жаткандыгы белгилүү болду.

Текшерүүнүн жүрүшүндө Гулмира Кудайбердиева аталган көйгөй беш жылдын ичинде чечиле турганын айтты.

"Азыр каралып жаткан маселелердин баарын тактап, ишке ашырсак жана тиешелүү чараларды көрсөк, буюрса, беш жылдын ичинде мектептерди китеп менен толук камсыз кылабыз", — деди Кудайбердиева.

Учурда өлкөдөгү мектептерде орус тилдүү китептер тартыш. Алар менен мейтептердин 83,6 пайызы камсыздалган.

47
Белгилер:
китеп, Кыргызстан
Тема боюнча
Окуучулар жетишсиз китептерди интернеттен көчүрө алат. Министрлик каршы эмес