Хирургтар. Архивдик сүрөт

Кыздар коендой окшош болуп баратат. Пластикалык хирургдун жинине тийген учурлар

1168
(жаңыланган 09:10 18.09.2017)
Бүгүн бишкектик "сулуулук" хирургунун кыжырына эмнелер жана кимдер тиерин билип көрөлү деп чечтик

Пластикалык хирург көнүмүш адаттар, кесиптештери жана сулуулукка болгон мода жөнүндө айтып берип, бирок окурмандардан анын сөздөрүн жүрөккө жакын кабыл албоону өтүндү.

Табыгый сулуулук үчүн күрөшкөндөр

Мен пластикалык хирургия жөнүндө Голливуд жылдыздарынын ийгиликсиз жасалып калган "беттерин" көргөзгөн шоу программалардан көрүп-билген адамдарды көп кезиктирем. Адатта мындай адамдар өздөрүнүн барбайган мурду, ийрейген буттары менен аябай сыймыктанышат. Ал эми биздин кызматты пайдаланган адамдарды көрдөн алып жерге, жерден алып көргө салышат. Мен аларды такыр түшүнбөйм, адам бир аз сулуураак болгусу келет экен, анын эмнеси жаман? Мисалы кыз кишинин мурду эркектикиндей болуп коңкоюп турса, мүмкүнчүлүгү болсо кичирейтип алганы жакшы да. Бир келген жашоосунда ар ким өзү үчүн чечимди өзү кабыл алат.

Хирургдар жөнүндө жаңылыш ой

МТV каналынан дүйнө жылдыздарына операция жасап, Мазерати айдап жүргөн хирургду көргөн тааныштарым менин маршруткада кетип баратканымды көргөндө таң калышат. Мен катардагы эле жаранмын. Тилекке каршы, теледеги хирургдардай көп акча таппайм. Анткени, бизде пластикалык операциянын баасы Моксвадагыга караганда үч эсеге арзан. Бирок, кудайга шүгүр, тапкан акчам өзүмө кенен-кесир жетет. Анткени хирургия оңой нерсе эмес, азыркы абалга жетүү үчүн мен көп жылдар бою чоң эмгек жумшагам.

Өзүнөн өзү аягандар

"Арзандын тузу татыбайт" деген сөздүн тирүү мисалдарын көп көрөм. Кызматы меникинен арзаныраак хирургга барып алып, кийин эки башка жакты карап калган көздөрүн оңдоткону келген кардарлар болот.

Мода

Коомдо сулуулуктун бардык аялзаты умтулган кайсы бир стандарттары бар. Узун чач, чейилген каш, кошулган кирпик… Айтор, баары эле сүрөттөгүдөй болгусу келет. Албетте, мага жардам сурап кайрылган ар бир аялзатын колдойм, бирок баарынын бири-бирине окшошкусу келгенине таң калам. Башка жагынан караганда, эгер ушул нерсе аялды бактылуу кыла турган болсо, мен каршы эмесмин.

Кесиптештер

Мен Бишкек, Казакстан, Россиядагы кесиптештердин эмгектерин ар дайым карап турам. Чынын айтсам, айрымдардын тилектештикти сактабаганына такыр түшүнө албайм. Көпчүлүгү башка хирургдардын жумуштарына көө жаап, ошону менен өзүнө упай топтоого аракет кылышат. Түшүнүп жатам, муну менен өзүнө кардар чогулткусу келип жаткандыр. Бирок кесиптештин картачылыгын көрүп, кардарга жардам бергиң келип жатса, жарыялабай эле кылып кой да.

1168
Белгилер:
ката, пластикалык хирургия, хирург, кардар, Бишкек
Тема боюнча
Тойдум! Студенттердин жинине тийген 8 учур
Фотографтын жанын кашайткан 7 учур
Электроника буюмдарын саткан соодагердин жинин келтирген учурлар
Чүй облусундагы Оруу-Сай лыжа базасы. Архив

Бейшембиге карата аба ырайы

63
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

63
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

111
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

111
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды