Сокулукта айдоо жерге салынган турак үйлөр түрттүрүлдү
(жаңыланган 20:15 05.10.2017)
Аталган курулуштар айдоого ылайыкталган менчик жер тилкелерине уруксатсыз салынганБИШКЕК, 5-окт. — Sputnik. Чүй облусунун Сокулук районуна караштуу Романовка айылында мыйзамсыз салынган турак жайлар жана фундаменттер түрттүрүлдү. Бул тууралуу Экологиялык жана техникалык коопсуздук боюнча мамлекеттик инспекциянын маалымат кызматы кабарлады.
Билдирүүгө ылайык, аталган курулуштар айдоого ылайыкталган менчик жер тилкелерине уруксатсыз салынган.
"Буга чейин түшкөн арыздардан улам инспекторлор аталган мыйзамсыз курулуштардын ээлерине бир жыл мурун эле эскертүү берип, соттук териштирүү иштерин жүргүзгөн. Бирок курулуш ээлери талапты аткарбагындыгы үчүн курулушту күч колдонуп бузууга туура келди", — деп жазылат маалыматта.
Эске сала кетсек, Мамэкотехинспекция айдоо багытындагы жерлерге өзүм билемдик менен турак жай куруп алгандарга түшүндүрүү иштерин жүргүзүп келет. Айдоо аянттарына жана үлүш жерлерге курулуш жүргүзүүгө тыюу салынган.
Белгилер:
Муфтийликке 9 киши ат салышууда. Талапкерлердин тизмеси
(жаңыланган 10:15 17.06.2021)
Муфтий 26-июнда шайланат. Буга чейин ал кысым көрсөтүү жана коркутуулардан улам, андан кийин эпидемиологиялык абалга байланыштуу эки ирет жылып кеткен.БИШКЕК, 17-июн. — Sputnik. Кыргызстан мусулмандар дин башкармалыгынын башчысы кызмат ордуна тогуз киши ат салышууда. Бул тууралуу Аалымдар кеңеши каттоо жана аттестациялоо комиссиясына таянып билдирди.
Муфтийликке талапкерлерди сынактан өткөрүү 24-июнда, ал эми шайлоо 26-июнда өтмөкчү.
Тандоо турунан өткөндөр:
- Нурбек Токтогулов;
- Султанали Гапуров;
- Шүкүр Исмаилов;
- Нематилла Жээнбеков;
- Ниязали Арипов;
- Убайдулла Сарыбаев;
- Шакир Маматов;
- Сайдамир Джейналиев;
- Замир Ракиев.
Белгилей кетсек, муфтий 5-апрелде эле шайланмак. Бирок кысым көрсөтүү жана коркутуулардан улам 29-майга жылдырылган. Бирок анда муфтият шайлоо өлкөдөгү эпидемиологиялык абалга байланыштуу июндун этегине жылганын билдирип, талапкерлерди кайрадан сынактан өткөрмөй болушкан.
Юстиция министрлиги "Акысыз адвокат" программасын ишке киргизүүнү пландап жатат
(жаңыланган 09:50 17.06.2021)
Программада түз байланышка чыгып, тема боюнча суроолорду бергендердин арасынан эки-үчөө тандалып, аларга адвокаттын акысыз жардамы көрсөтүлөрү болжолдонууда.БИШКЕК, 17-июн. — Sputnik. Юстиция министрлиги Коомдук телерадиокорпорациясы менен биргеликте "Акысыз адвокат" программасын ишке киргизүүнү пландап жатат. Бул тууралуу аталган министрликтин маалымат кызматы кабарлады.
Үч тараптуу келишимге министрликтин алдындагы Мамлекет кепилдеген юридикалык жардамды координациялоо борборунун директору Акжол Калбеков, Кыргызстандын адвокатурасынын Адвокаттар кеңешинин төрагасы Билим Райымкулов жана КТРКнын башкы директору Бактияр Алиев кол койгон.
"Акысыз адвокат" берүүсү ушул жылдын сентябрь айынан баштап обого чыгарылары кошумчаланды.
"Түз байланышка чыгып, тандалган тема боюнча суроолорду берген көрүүчүлөрдүн арасынан эки-үчөө тандалып, аларга адвокат акысыз жардам көрсөтөрү болжолдонууда", — деп белгиленди маалыматта.
Иш кандай чечилгендиги жана жыйынтыгы тууралуу ар бир көрсөтүүдө айтылып турат.
Белгилер:
Ошто эртең менен жер титиреди
(жаңыланган 10:30 17.06.2021)
Силкинүүдөн жабыркагандар жана кыйроолор жок. Ал Алай районунун Иркештам, Көк-Суу жана Нура айылдарында сезилди.БИШКЕК, 17-июн. — Sputnik. Ош облусунун аймагында бүгүн эртең менен очогунда күчү 3,5 баллга жеткен жер титирөө катталды. Бул тууралуу ӨКМ Сейсмология институтуна таянып кабарлады.
Жер титирөө саат 06:30да болгон. Ал Ош облусунун Алай районунун Иркештам, Көк-Суу айылдарында 3,5 балл, Нура айылында 3 баллга чейин сезилди.
Алдын ала маалымат боюнча, жер титирөөдөн жабыркагандар жана кыйроолор жок.