Мугалим Альбина Арстанбек кызы

Кыргызстандын эң татына мугалими: курсташтарымдын көбү кесибин таштап койгон

1715
(жаңыланган 10:18 07.10.2017)
"Эң ажарлуу мугалим – 2017" сынагында биринчи орунга татыган 21 жаштагы Альбина Арстанбек кызы группалаш кыздардан айырмаланып турмушка аттанбай, толугу менен сүйгөн кесибине берилген.

Педагог Альбина Арстанбековнаны №10 мектепте жогорку класстын окуучусу деп ойлошот. Өзүнүн айтымында, жаңы тааныштары мугалим экендигин укканда абдан таң калышат.

Ошентсе да анын биринчи класстагы 26 окуучусу анын курагына карабайт: өз ара оңой эле тил табышып алышкан. Альбина эч бир окуучусун бурчка тургузбайт, бирок эркелеп тентектик кылууга да жол бербейт.

— Эмнеликтен дал ушул кесипти тандап алдыңыз?

— Буга мен тээ балалыгымдан бери даярданып келгем. Кичине кезимде оюнчуктарымды, оролгон төшөктөрдү тизип алып, аларга "сабак өтчүмүн". Такта ордуна терезени колдончумун.

Кийин Нарын облусундагы Кара-Суу айылындагы мектеп босогосун аттаганымда эле алтын мугалимдеримди жакшы көрүп калгам. 9-класстан кийин апам педагогикалык окуу жайга тапшыруума уруксат берген. Алгачкы айларда куса болуп, классташтарымды сагынып жүрдүм. Анан мектептерде сабак өтүүгө көнүгө баштаган маалда окууну таштоо оюмдан кайттым. 

Занявшая первое место в конкурсе Самая красивая учительница — 2017 Альбина Арстанбек кызы
© Sputnik / Жоомарт Ураимов
Учительница Арстанбек кызы Альбина

— Арзыбаган айлык акыга да кайыл болдуңузбу?

— Үй-бүлө кура элекмин, андыктан 7 миң сом маяна мага жетет. Бирок баары бир көбүрөөк болсо, жаштар арасында мугалим болууга кызыккандардын саны өсмөк.

— Группалаштарыңыздын арасында да дилгирлер арбын беле?

— Биздин группадагы кыздардын басымдуу бөлүгү кесипти аркалап кетишкен жок. Көбү турмушка чыгышты, үй-бүлө күтүштү. 20 кыздан алтоо гана мугалим болду.

— Алардын жолу менен кетпегениңизге өкүнбөйсүзбү?

— Кандай болорун билбейм, алдын ала жоромолдогум келбейт. Балким жакында турмушка чыгам, мүмкүн азыр эмес. Маңдайга жазылганды көрөбүз.

— Иш күндөрүңүз кандай өтөт?

— Таңкы 8де сабак башталат. 11.20га чейин уланат. Андан кийин балдар үйлөрүнө таркайт, биз дептер текшеребиз, сансыз документтерди толтурабыз. Негизи ишибиз беш күндүк, бирок кээде документтерге байланышкан жумуштарды бүткөрүү үчүн ишемби күнү да чыгууга аргасызбыз.

Окуучулардын бир эле тизмесин директор үчүн, окуу бөлүм башчысы үчүн деп бир канча ирет толтурасың. Кымындай эле ката абдан сынга алынат. Документте бир ката кетирип алганым үчүн мага эскертүү беришкенде абдан ызаланып ыйлагам.

Жумуштан кийин үйгө кайтам, тамак жасайм, үй жыйнайм. Өз алдынча өнүгүүнү да унуткарбастан, сөзсүз китеп окуйм. 

Занявшая первое место на конкурсе Самая красивая учительница — 2017 21-летняя Альбина Арстанбек кызы
© Sputnik / Жоомарт Ураимов
Занявшая первое место на конкурсе "Самая красивая учительница — 2017" Альбина Арстанбек кызы

— Адатта окуучулар жаш мугалимдин башына чыгып алышат го…

— Жок, аларга чеги менен катаал болууга, ошол эле учурда балдар менден коркуп калбагыдай мамиле кылам. Мага алардын катылып жаткан өнөрүн ачуу жагат, ар биринин тамырын тартып, өзүнчө жол табууга умтулам. Азыр иштегениме бир эле жыл болду. Окуучуларым чоңоюп, 5-класска көчүп, менден узашканда гана жыйынтыкты көрүүгө болот. "Ай ушул Альбинанын классы!" деген нааразы кептерди уккум келбейт.

— Сизди мектепте кандай кабыл алышат?

— Башта мени жогорку класстын окуучусу деп ойлошчу, кийин көнүп калышты. Педагогикалык билимим бар экенин, мектепке тегин жерден келип калбаганымды ата-энелерге түшүндүрүүгө туура келди. Ортобузда эч көйгөй жаралбайт. Башка мугалимдердин да мамилеси жылуу, жардам берип турушат. Жамаатыбыз абдан ынтымактуу.

— Сулуулар сынагына кандайча катышып калдыңыз?

— Интернеттен курбум экөөбүз жарыя көрүп калдык. Курбум сүрөтүмдү жиберишимди өтүнүп туруп алды. Кесиптештеримдин бардыгы мени колдоду. Интернетте мага добуш бергендердин баарына ыраазычылык билдирем. 

Занявшая первое место на конкурсе Самая красивая учительница — 2017 21-летняя Альбина Арстанбек кызы
© Sputnik / Жоомарт Ураимов
Занявшая первое место на конкурсе "Самая красивая учительница — 2017" Альбина Арстанбек кызы

— Курбалдаштарыңыз сымал Инстаграмда баракча ачып алып, жарнама менен каражат табууну каалабайсызбы?

— Жок, ал тармакта баракчам жабык, досторум гана окуй алат. Жарнама мага кызыксыз.

— Балалыктагы мугалим болуу кыялыңыз орундалыптыр. Кезекте эмнени багындыргыңыз келет?

— Анык күчтүү мугалим болууну самайм. Азырынча тажрыйбам азыраак, бирок бул кесиптин өтөөсүнө чыгууга умтула бермекчимин!

1715
Белгилер:
сулуу, мугалим, окутуу, Альбина Арстанбекова
Тема боюнча
Арстанбек кызы: мугалимдин маянасы азырынча жеке өзүмө жетүүдө
Карта ойноп жаткан адам. Архив

Инимди кумар оюндарынан кантип чыгарам. Бир тууганы санаага салган аялдын каты

9
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бир тууган инисинин жүрүм-турумуна нааразы болгон аял кайрылган.

Сиздерге психологдун кеңешин алуу үчүн кайрылып жатам. Менин да 35 жаштагы бир тууган иниме байланыштуу көйгөй жаралууда. Иним шаар жеринде турат. Үй-бүлөлүү, эки баланын атасы болсо да жаман адаттын артынан түшүп алып, аялын эле эмес бизди да түйшүккө салууда. Мындан жети жыл мурун үйлөнгөндө бир туугандар чогулуп, борбордон мейманкана тибиндеги бөлмө алып бергенбиз. Азыр ошондо турушат. Андан бери эч ирденбей койду. Келинибиз тигүүчү болуп иштеп, балдарынын окуусуна, тамак-ашына, күнүмдүк жашоого акча таап жүрөт. Кийим-кечектерине биз жардам беребиз. Аялы кетип калбаса экен деп сарсанаабыз. Анткени бир тууганыбыз үйдүн кожоюну катары жумушта иштеп акча таппайт. Тактап айтканда, акыркы 3-4 жылдан бери такыр эле бекерчиликке көнүп алды. Мурда мектепте иштечү, кийин таксист болуп жүрүп кырсыкка кабылып машинасын сатты. Ошондон бери эле өзгөрдү. Кумар оюндарына кандайча, ким аркылуу кызыгып кеткени белгисиз. Айланасы ошондой болуп жатабы, айтор, жоро-жолдоштору менен үйлөргө барып мелдешип карта ойнойт экен. Футболду да акчага мелдешип ойношорун уктум. Өзүнөн сурасак ачылып айтпайт. Жакшыраак жумуш издеп жатканын айтып кутулат. Мектептен жумуш таап берсек, айлыгы аз деп көңүлдөнбөйт. Жок дегенде кароолчу болуп бир жерге орношуп алса деле жакшы болот эле. Эмне ойлоп жүргөнү белгисиз.

Баары бүткөнсүп, эми компьютердик клубдарга да барып турарын келин айтып даттанууда. Ал да тажадым дейт. Бир күнү жашап жаткан бөлмөсүн сатып салса эмне болот деп да кабатырланабыз. Ушундай жагдайда психологго жекече кайрылууга болобу? Же жыйынтык болбойбу...

Гүлнара Жасоолова, психолог:

— Каттагы жигиттин эжесинин "жубайлар ажырашып, балдар атасыз калбасын" деген бир туугандык тынчсыздануусун түшүнүп жатам. Эгер адам жеке жүрүм-турумун, кылган ишин өзү көзөмөлгө алуу менен туура эмес жолдо баратканын сын көз менен карай алса жакшы. Анда кеңеш алуу үчүн психологго кайрылууга болот. Иниңиз үй-бүлөсүнө кайсы бир деңгээлде зыян алып келип жатканын же балдарына толук кандуу ата боло албай жүргөнүн алгач түшүнүшү керек. Антпесе психологго кайрылгандан пайда чыкпайт. Муну менен катар адамдын жеке каалоосу да болушу шарт.

Негизинен жашоодо көп нерсе тарбияга байланыштуу. Баланы кичинесинен эле өтө камкордукка алып, "тигини кий, биякка бас, сабагыңа бар" деп карай берсе ошого көнүп алат. Үйлөнткөндөн кийин "жашашсын" деп бөлмө да алып бергениңерди жазыпсыздар. Адам жакындарынын жетегине, алардын жардамына, жөлөп-таяганына ыңгайлашып алса, ар нерсеге башын оорутпай жүрө берет. Силер азыр санаа тартып тынчсызданып жатасыздар, бирок иниңизге азыркы жүрүм-туруму нормалдуу эле сезилиши мүмкүн. Анткени башкалар ал үчүн камкордук жасап, көйгөйүн чечип бергенге көнгөн. Үй-бүлө курганда да кожоюн катары жоопкерчиликти сезе албай калганынын себеби ошол. Бул жигитке жардам берүү үчүн алгач өзүнүн демилгеси, өзгөрүүгө каалоосу болушу зарыл. Андан кийин гана психолог жардам бере алат.

9
Белгилер:
жигит, кумаркана, Гүлнара Жасоолова, психолог
Тема:
Психолог менен баарлашуу
Тема боюнча
Күйөөм экөөбүздүн ортобуздагы мамиле сууп кетти... Келиндин даты
Кызым күйөөдөн чыга берип тажатты... Санаага баткан эненин каты
Кыргызстандын жаранынын паспорттору. Архив

Интерпол кыргызстандыктарга жоголгон паспорттор боюнча эскертүү берди

68
(жаңыланган 13:23 16.01.2021)
ИИМ билдиргендей, Мамлекеттик каттоо кызматы бул же тигил документтин жоголгондугу тууралуу Эл аралык жазык полициясы уюмуна (Интерпол) кирген бардык өлкөлөргө кабарлайт.

БИШКЕК, 16-янв. — Sputnik. Интерполдун Кыргызстандагы улуттук борбору жарандарга чет өлкөлөрдө жараксыз паспортторду колдонуунун негативдүү кесепеттери болорун эскертти.

Кеп мурда жоголуп кеткен документтер тууралуу болуп жатат.

"Жалпы жарандык паспорт же ID-картаңыз жоголуп кетип, бул тууралуу укук коргоо органдарына билдирдиңиз дейли. Бирок аны кийин кайра таап алган күндө дагы чет өлкөгө чыкканда колдонбошуңуз керек", — деп айтылат билдирүүдө.

ИИМдин маалымат кызматынан билдиришкендей, Мамлекеттик каттоо кызматы бул же тигил документтин жоголгондугу тууралуу Эл аралык жазык полициясы уюмуна (Интерпол) кирген бардык өлкөлөргө кабарлайт. Кийин ал өлкөлөрдүн бирине жоголгон документти пайдаланып кирүүгө аракет кылган адам кармалышы мүмкүн.

68
Белгилер:
паспорт, Интерпол, ИИМ, Кыргызстан
Тема боюнча
Төрт жылдан бери издөөдө жүргөн россиялык жаран Нарындан кармалды