Аялдын оокатына кийлигишпейт! Эркектерге карата 6 "болбойт"

Жазылуу
Ата-энелер эркек уулдуу болсо "тукум улай турган урпак жарыкка келди" деп кубанып, чоң той өткөрүшкөн.

Бирок ошол эле учурда элдик жүрүм-турум эрежелери боюнча эркек балдарга карата да тыюулар болгон. Алардын айрымдарын этнограф Абдыкерим Муратов айтып берди.

Эркек бала байтал минбейт. Мындан сырткары, эркек балага уй минүүгө да болбойт.

Кой союу алданда бата окуу. Архив - Sputnik Кыргызстан
Мал союудагы 10 "болбойт"
Эркек бала жаздыкка отурбайт. Ошондой эле элибизде баш кийимди, баш коюлган жерди (жаздык, жууркандын башын) тебелеген да жаман болот деп айтылып жүрөт.

Эркек бала жүккө отурбайт. Анын үстүнө отурган эркек бала үйлөнгөндө келинчеги сепсиз келет деп коюшкан.

Эркек кыз баланы урбайт, теппейт. Кызды уруп-согуу маданиятсыз, намыссыз эркектин жоругу. Андыктан эркек баланын карындаш, эжелерине кол көтөрүүсү уят деп саналган.

Эркек аялдын казан-аягына кийлигишпейт, аралашпайт. Кыргыз эли "эркектин өз орду бар" деген сөзгө абдан маани берген. Ал тургай боз үйдө да эркек менен аялдын өз орду болуп, оокат, буюмдары да эки башка жайгашкан.

Итке жугундуну эркек бала куйбайт. Итке жугунду куйган бала кембагал болуп калат деген ишеним жашаган.

Жаңылыктар түрмөгү
0