Кыргызстандагы президенттик шайлоодо добуш берип жаткан шайлоочулар

Саат 17.00гө карата кыргызстандыктардын 40 пайызы добуш берди

203
(жаңыланган 18:23 15.10.2017)
Президенттик шайлоодо кыргызстандыктардын 1 213 803ү добуш берип жетишти. Алардын эң активдүүлөрү Ош шаарында экени байкалууда.

БИШКЕК, 15-окт. — Sputnik. Кечки саат 17:00гө карата кыргызстандык шайлоочулардын 40,12 пайызы президенттик шайлоодо добуш берип жетишти. Бул туурасында БШКнын сайтында маалымдалды.

Ошентип, шайлоого 1,21 миллион адам катышты. Аймактардын ичинен эң активдүүсү Ош шаары экени байкалууда. Маалыматта Ош калаасынын ар бир экинчи жашоочусу (52,8 пайызы) саат 17:00гө чейин жарандык милдетин аткарып жетишкени айтылат.

Талас облусунда шайлоого келгендер 45,8 пайызды түзгөн. Президенттикти тандоого активдүү катышып жаткан аймактардын үчүнчүсү — Кыргызстандын борбору Бишкек калаасы (45 пайыз).

Нарында бул көрсөткүч 43,95; ал эми Ысык-Көлдө 40,59 пайыз болгон.

Ош облусунда добуш бергендер 38,94; Баткенде 37,33 пайызды түзгөн.

БШК кечки бештерге карата добуш бергендердин ичинен карата ыкшоо болуп жаткандар Чүй (37,04) менен Жалал-Абад 36,47 болгондугун билдирди.

Президенттик шайлоонун жүрүшүн Sputnik Кыргызстан агенттиги жасап жаткан тексттик трансляциядан окусаңыздар болот>>

203
Белгилер:
БШК, президенттик шайлоо, добуш берүү, шайлоочу
Тема:
Кыргызстандагы президенттик шайлоо - 2017 (257)
Тема боюнча
ИИМ: шайлоо учурунда уруп-согуу боюнча үч арыз түштү
Шайлдабекова: айрымдар кырдаалды курчутууга аракет кылгандай элес калтырууда
Бюллетенди сүрөткө тартып, жайылткандар кандай жазаланат? БШК түшүндүрмө берди
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов

Нурматов: метрология жана стандартташтыруу багытында адистер жетишсиз

3
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов кадрларды даярдоо абдан орчундуу маселе экендигин айтты.

Стандартташтыруу, метрология багыты боюнча учурда Кыргыз мамлекеттик техникалык, Кыргыз экономикалык университеттеринде адистерди даярдашат. Мындай маалыматты Болот Нурматов Sputnik Кыргызстан радиосунун эфиринде маек куруп жатып билдирди.

Нурматов: метрология жана стандартташтыруу багытында адистер жетишсиз

Анын айтымында, рынок экономикасынын шартында стандарттарга болгон өзгөрүү кыска мөөнөттө алмашып жатат.

"Стандартташтыруу, метрология багытында кадр маселеси орчундуу иш бойдон калууда. Адистерди окутуу, кайра даярдоо чоң күчтү жана көп каражатты талап кылат. Мисалы, советтик мезгилде стандарттарды өзгөртүүгө болжолдуу 20 жылдай керектелген. Ал эми бүгүнкү рынок экономикасынын шартында эки жылда жаңы стандарттарды иштеп чыгуу зарыл болуп калды. Демек, рынок тыным албай өзгөрүүлөргө дуушар болууда. Ага байланыштуу учурда Кыргыз мамлекеттик техникалык, Кыргыз экономикалык жана Кыргыз улуттук университеттеринде адистерди даярдоого көңүл бурулууда. Борбор жогорку окуу жайлар менен тыгыз иш алып барып жатат. Себеби илим менен практикалык иш айкалышканда гана жакшы жыйынтыкка жете алабыз", — деди Нурматов.

Ошондой эле жетекчи кесипкөй адистер өндүрүштө практикалык иштин жоктугунан улам жетпей жаткандыгын кошумчалады.

Подкасттын толук вариантын төмөнкү видеодон көрүңүз:

3
Белгилер:
сертификациялоо, кадрлар, өндүрүш, метрология, стандартташтыруу, Болот Нурматов
Тема боюнча
Садыков: эгемендүүлүккө жеткенден соң акысыз билим берүүнү жоготтук
Кытайлык кыргыз, ишкер Каныбек Толкун уулу

Толкун уулу: алган билимим менен бөлүшүү үчүн окуу борборун ачтым

2
Кытайлык кыргыз, ишкер Каныбек Толкун уулу Кыргызстанга келип жети жылдын ичинде алган билимин кийинки муун менен бөлүшүү үчүн билим берүү курстарын, улуттун маданиятын сактап калуу, жайылтуу максатында маданий борбор ачканын айтты.

Ааламдашуу заманында маданияттар жуурулушуп, кээ бирлери унутта калып барат. Улуттук маданияттын өксүгүн толтуруу максатында маданий жана билим берүү борборун ачтым. Бул тууралуу Каныбек Толкун уулу Sputnik Кыргызстан радиосунун эфиринде маек куруп жатып билдирди.

Толкун уулу: алган билимим менен бөлүшүү үчүн окуу борборун ачтым

Анын айтымында, "Билгистан" билим борборуна билгендерин башкалар менен бөлүшөм деген адистер келип курстарда сабак өтсө болот.

"2018-жылы "Этностан" маданий борбору ачылды. Башка ушул өңдүү жайлардан айырмаланып, этникалык кыргыздарды, маданий мурастарды изилдеп, жайылтууну жана этникалык кыргыздар жашаган өлкөлөр менен маданий карым-катнашты, мамилени жандандырууну көздөйт. Буга чейин кытайлык кыргыздардын бир нече чыгармасы кыргыз тилине которулуп жазылды. Себеби кытайлык кыргыздардын жазуусу бул жактагыга караганда айырмаланат. Ошондой эле дастан, өлөң айтууну жайылтуу максатында чыгармалар кыргызчага которулду. Жусуп Мамайдын айтуусундагы "Манас" эпосу боюнча аткарылбай калган иштерди жасоого аракеттер көрүлүүдө. Чыңгыз Айтматовдун чыгармаларынын негизинде жазылган Кытайдагы макалалардын жыйнагын да кыргыз элине сунсак деп чогултуп жүрөбүз. Бейзаттык маданий мурастарды пропагандалоо үчүн маданий иш-чараларды уюштуруу — алдыдагы планыбыз. Андан соң жеке өнүгүү, бизнес жана тил үйрөтүү багытында сабактардан турган "Билгистан" билим берүү борборун ачтык. Аталган борбор билимдүү жаш адистердин кийинки муун менен билимин бөлүшүүсүнө көпүрө болуп, экинчи жагынан курстан түшкөн каражатка "Этностан" маданий борборунун айрым долбоорлорун жасап, эки борбор канатташ иш алып барууда", — деди Толкун уулу.

Ал билим борборунда кытай, англис, араб тилдери үйрөтүлөрүн, SMM жана тез окуу курстары да бар экенин кошумчалады.

2
Белгилер:
билим, маданият, курс, иш-чара, жаштар
Тема боюнча
Султан уулу: улуттук руханий өзөктү өзүбүзгө кайтаруу — башкы милдетибиз