Спортчу кыз. Архивдик сүрөт

Окумуштуулар спорт менен машыккан кыздар төшөктө кандай болорун айтты

7084
(жаңыланган 14:10 19.10.2017)
Такай машыккан кыз-келиндердин гипофизи бузулуп, организминдеги тестостерон менен эстроген гормондору бузулары аныкталган

БИШКЕК, 19-окт. — Sputnik. Түндүк Каролина университетинин окумуштуулары спорт менен көп машыккан кыз-келиндердин сексуалдык каалоосун төмөндөтөрүн аныктаганын The Sun басылмасы жазып чыкты.

Окумуштуулар спорт аялдардын интимдик турмушуна тийгизген таасирин изилдеп көргөн. Анын жыйынтыгында спорт залда көп убакыт өткөрүп, ашыкча салмактан арылам деген кыздар төшөктө муздак болуп калары аныкталган.

Такай машыккан аялдардын гипофизи бузулуп, организминдеги тестостерон менен эстроген гормондору бузулары белгиленет.

Окумуштуулар организмдеги май аялдардын сезимталдыгын жана төрөө мүмкүнчүлүгүн арттырарын эскертишет. Андыктан спорт менен машыгууда аялдар эреже сакташы керек.

7084
Белгилер:
спорт, окумуштуулар, аял
Тема боюнча
Окумуштуулар эркектерди жашарткан кызыктуу генди табышты
Окумуштуулар уйку канбаса кандай кесепети болорун айтышты
Окумуштуулар европалыктарга окшош кыргыздардын көбөйүү себептерин айтышты
Экс-депутат Адахан Мадумаров. Архивдик сүрөт

"Бүтүн Кыргызстан" партиясынан кимдер өттү? 6 талапкердин аты-жөнү

741
(жаңыланган 00:06 29.11.2021)
"Бүтүн Кыргызстан" партиясы АСУнун болжолдуу жыйынтыктарына ылайык, республика боюнча шайлоочулардын 6,5 пайыз добушуна ээ болду.

БИШКЕК, 28-ноя. — Sputnik. Борбордук шайлоо комиссиясы жарыялаган АСУ эсебинин натыйжасы боюнча Жогорку Кеңештин VII чакырылышына кимдер депутат болуп барары белгилүү болду.

Ага ылайык, "Бүтүн Кыргызстан" партиясынан алты талапкер эл өкүлү болуп келген.

  1. Адахан Мадумаров;
  2. Исхак Масалиев;
  3. Эмиль Токтошев;
  4. Алишер Эрбаев;
  5. Орозайым Нарматова;
  6. Гуля Кожокулова.

Аталган партия алдын ала эсеп боюнча республика боюнча шайлоочулардын 6,5 пайыз добушуна ээ болду.

АСУ болжолдуу жыйынтыктарды жарыялагандан кийин БШК добуштарды кол менен санайт. 18-декабрга чейин БШК парламенттик шайлоонун партиялык тизме боюнча да, бир мандаттуу округ боюнча да акыркы жыйынтыгын айтышы керек.

741
Белгилер:
Жогорку Кеңешке шайлоо, шайлоо, 'Бүтүн Кыргызстан' партиясы, депутаттар
Тема:
2021-жылкы парламенттик шайлоонун жыйынтыгы
Тема боюнча
"Ишеним" партиясынан Жогорку Кеңешке кимдер келе жатат? 12 талапкердин аты-жөнү
"Ыйман нуру" партиясынан депутат болчулар. Беш талапкердин аты-жөнү
"Ынтымак" партиясынан кимдер өттү? 7 талапкер
Борбордук шайлоо комиссиясынын төрайымы Нуржан Шайлдабекова. Архивдик сүрөт

Шайлдабекова БШКнын сайты эмнеге иштебей калганына жооп берди

326
(жаңыланган 00:03 29.11.2021)
БШКнын башчысы эгер шайлоонун жыйынтыгына нааразы тараптар болсо, бюллетендерди кол менен саноо процессине катышууга чакырды.

БИШКЕК, 28-ноя. — Sputnik. Борбордук шайлоо комиссиясынын төрайымы Нуржан Шайлдабекова добуш берүүлөрдүн жыйынтыгын көрсөткөн newess.shailoo.gov.kg сайты эмне себептен үзгүлтүккө учураганын түшүндүрдү.

Белгилей кетсек, БШКнын сайты эки жолу иштебей калган. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

Шайлдабекованын айтымында, добуш берүүнүн алдын ала жыйынтыгын көрсөткөн эки программа иштелип чыккан. Биринчиси — АСУну автоматтык түрдө эсептөө, экинчиси — АСУдан келген маалыматты жөнөкөйлөштүрүп көрсөткөн версиясы.

"Автоматтык түрдө түшүп жаткан маалыматтарды берүүнү жакшыртуу үчүн сырткы таблица иштелип чыккан. Автоматтык түрдө эсептөө версиясындагы маалымат менен кийинкисинин ортосунда айырмачылык чыгып, техникалык мүчүлүштүк кетти. Биз муну байкап калыбына келтирдик", — деди БШКнын төрайымы.

Шайлдабекова негизги система үзгүлтүккө учурабаганын белгиледи. Ошондой эле ал эгер шайлоонун жыйынтыгына нааразы тараптар болсо бюллетендерди кол менен саноо процессине катышууга чакырды.

326
Белгилер:
Нуржан Шайлдабекова, БШК, сайт, жооп
Тема:
2021-жылкы парламенттик шайлоонун жыйынтыгы
Тема боюнча
Эмнеге шайлоого келгендер аз болууда? БШК себептерин айтты
Бишкектеги Свердлов шайлоо округунда дагы "баарына каршылар" көп
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

0
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

0
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме