Кыргызстанга келген памирлик кыргыздар. Архив

Нарын казыяты Куланакка жайгаштырылган памирлик кыргыздардан кабар алды

392
(жаңыланган 22:25 31.10.2017)
11-октябрда Улуу жана Кичи Памирден 33 этникалык кыргыз көчүрүлүп келген

БИШКЕК, 31-окт. — Sputnik. Нарын облусунун казыятынын өкүлдөрү Памирден келген кыргыз боордоштор менен жолугушуп, алардын ал-абалы менен жеринде таанышты. Бул тууралуу муфтияттын маалымат кызматы билдирди.

Памирден келген кыргыздар ата-бабалардын салттуу ислам динин бекем тутунуп келгендигин айтышты.

"Казыяттын өкүлдөрү Памирден келген кыргыз боордошторго мамлекет тарабынан абдан жакшы көңүл бурулуп жатканына, ал тургай бир маал эне тил сабагы окутулуп жаткандыгына күбө болушту", — деп айтылат маалыматта.

Эскерте кетсек, 11-октябрь күнү Улуу жана Кичи Памирден 33 этникалык кыргыз көчүрүлүп келген. Баары Нарын шаарында карантинден өтүп, учурда Куланак айылына жайгашышты. Памирликтердин арасындагы кош бойлуу Жанбүбү Маматзайым кызы 21-октябрда Бишкекте көз жарып, уулунун атын өлкө башчынын урматына Алмазбек атаган.

392
Белгилер:
памирлик кыргыздар, казыят, муфтият, Нарын
Тема:
Памирлик кыргыздар (80)
Тема боюнча
Президент Атамбаев көчүп келген Памир кыргыздарына 1,6 млн. сом бөлдү
Бишкекте көз жарган памирлик келин буга чейин 9ду төрөсө, үчөө эле жашап кеткен
Бишкек шаары. Архив

Жекшембиге карата аба ырайы

3
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

3
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы
Аэропорттогу дарыгерлер. Архив

Мекенге жардамга баратабыз! Эртең Россиядан биздин медиктер учуп келет

14
(жаңыланган 21:05 04.07.2020)
Дарыгерлер мурдараак кыргызстандыктарга жардам бериш үчүн дары-дармекке жана меджабдууларга каражат чогулууга чакырык таштаган.

БИШКЕК, 4-июл. — Sputnik. Эртең, 5-июлда, мекенине жардам бериш үчүн Бишкекке Россияда иштеп жүргөн кыргызстандык дарыгерлер учуп келет. Бул тууралуу Sputnik Кыргызстан агенттигине алардын бири Нурлис Токебаев билдирди.

Токебаев медицина кызматкерлеринин Кыргызстанда жетишсиз болуп жаткандыгын көргөндөн кийин жардам берүү үчүн келүүнү чечишкендигин айтып берди. Аны менен катар эле Россияда атайын акция жарыяланып, 2 миллион рубль акча чогултулган.

Өзбекстан Кыргызстанга учак менен 8 тонна гуманитардык жардам алып келди. Сүрөт

"Аларды жөнөкөй мигранттар: таксисттер, ашпозчулар, базарда соода кылгандар чогултту. Бул акчага канча экенин билбейм, бирок кычкылтек концентраттары, коронавирусту дарылоодо пайдаланыла турган препараттар алынды", — деди Токебаев.

Анын айтымында, кыргызстандыктардын бири ИВЛ аппаратын сатып берди. Аны бир аптадан соң, кийинки каттам менен алып келишет.

"Бүгүн саат 1:00дө элчиликтин алдына чогулуп, андан ары аэропортко жөнөйбүз. Бара тургандар 30га чукул дарыгерлер менен медайымдар. Демилгени Facebook тармагында көтөрүп чыктык, бизди бийлик колдоду", — деп кошумчалады ал.

Боронов: Россияда иштеген кыргыз дарыгерлер жардамга даяр, учак менен алып келебиз

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

14
Белгилер:
Кыргызстан, жардам, мекен, дарыгерлер, Россия
Тема:
Коронавируска байланыштуу Кыргызстандагы кырдаал
Тема боюнча
Өкмөт ыктыярчы медиктер кайрыла турган номерлерди жарыялады
Имарат берип, жабдуу таап, медик чогултуп... Эл ооруга каршы бир муштумга түйүлгөндө