Ак сөөктөрдүн оюну менен таанылган Каныбек Сагынбаев тууралуу 5 факты

© Sputnik / Табылды КадырбековБильярдчы Каныбек Сагынбаевдин архивдик сүрөтү
Бильярдчы Каныбек Сагынбаевдин архивдик сүрөтү - Sputnik Кыргызстан
Жазылуу
Бүгүн кий менен дүйнө жүзүнө таанылган бильярдчы Каныбек Сагынбаев 32 жашка толду. Ал 1985-жылы 11-ноябрда Бишкек шаарында туулган.

Каныбек Сагынбаев Кыргызстанда гана эмес дүйнөгө атагы чыккан бильярдчы экендиги маалым. Ал талыкпаган эмгеги үчүн КРдин Эмгек сиңирген спорт чебери, КРдин эл аралык класстагы спорт чебери, дүйнөнүн үч жолку чемпиону, КРдин көп жолку чемпиону, эл аралык мелдештердин жеңүүчүсү, Евразия чемпиондугунун төрт жолку жеңүүчүсү, Пальмир Кубогунун эки жолку күмүш, коло байге ээси жана башка көптөгөн байгелердин ээси аталган.

© Sputnik / Табылды КадырбековБир соккудан эле арбап алган бильярдга ынтаасын коюп, 13 жашында өлкө чемпиону болгон
Трехкратный чемпион мира по бильярдному спорту Каныбек Сагынбаев - Sputnik Кыргызстан
Бир соккудан эле арбап алган бильярдга ынтаасын коюп, 13 жашында өлкө чемпиону болгон

Мындан улам Sputnik Кыргызстан маалымат агенттиги Каныбек Сагынбаев тууралуу 5 факты сунуштайт.

Кыргызстандын желегин көтөргөн спортчу. Архив - Sputnik Кыргызстан
Мигрант элек, чемпион болдук! Чет жакта топ жарып чыккан кыргыз спортчулары
1. Карапайым адамдардын үй-бүлөсүндө туулган. Куруучу болуп эмгектенген атасы Каныбек 6 жашка чыкканда каза болуп калган. Апасы эт комбинатында администратор болуп 20 жылдан ашуун иштеген. Үч бир туугандын улуусу, Максат аттуу иниси жана Индира аттуу карындашы бар. Каныбек жалпыга маалымдоо каражаттарынын бирине берген маегинде атасы каза болгондон кийин оор турмушту баштан кечирип, апасына жардам берем деп "Ош" базарында семичке, лимонад саткан күндөрү болгонун айткан.

2. Бильярдчы болбосо, топ тээп жүрөт беле? Каныбек бильярдга чейин футбол менен алектенип, өспүрүмдөр арасында КРдин курама командасында ойногон. Бирок бильярд үчүн футболду таштап койгон.

3. Каныбек кийди колуна биринчи жолу 8 жашында кармаган. Анда достору менен Бишкектин Батыш автобекетиндеги бильярд ойноочу жайга барып ойноп, ошондо бильярд биринчи соккуда эле арбап алат. Ошол күндөн тарта убактысын да, көңүлүн да бильярдга арнайт. 13 жашында аталган спорттун түрү боюнча КРдин чемпиону аталган.

4. Ырдайт. Сагынбаевдин санаалаштары жакшы ырдайт деп кеп кылышат. Өзүнүн да "караокеде орусча ырларды көп ырдайм" деп айтканы бар.

© Пресс-служба президента КР / Султан ДосалиевАтасы каза болгондон кийин оор турмушту баштан кечирип, апасына жардам берем деп "Ош" базарында семичке, лимонад саткан күндөрү болгон
Трехкратный чемпион мира по бильярдному спорту Каныбек Сагынбаев - Sputnik Кыргызстан
Атасы каза болгондон кийин оор турмушту баштан кечирип, апасына жардам берем деп "Ош" базарында семичке, лимонад саткан күндөрү болгон

5. Жеке жашоосу. Көп кыздардын түн уйкусун бузган бильярдчы бир кыздын атасы.

Маалыматтар интернеттеги ачык булактардан алынды.

Жаңылыктар түрмөгү
0