Кумтөр алтын кени. Архив

Кызыл чеке түшкөн соцтармак: мөңгү мөгдөдү, урпактар "жүзүкара" десе кантебиз?!

323
(жаңыланган 10:32 19.11.2017)
Мөңгүлөрдү казууга жол берген мыйзам долбоордун парлементтен колдоо тапканы коомчулукту кызыл чеке түшүрдү

БИШКЕК, 17-ноя. — Sputnik. Жогорку Кеңеш Суу кодексине өзгөртүүлөрдү киргизүү боюнча демилгени үчүнчү окууда жактырды. Ага ылайык, "Кумтөр" алтын кенин иштетүүдө "Лысый" жана "Давыдов" мөңгүлөрүн казууга уруксат берилди. Бул мыйзам долбоорду караган 63 депутат макул деп добуш берсе, 22 эл өкүлү каршы болду.

Буга байланыштуу социалдык тармактарда түрдүү сөздөр айтылууда. Sputnik Кыргызстан агенттиги коомдун пикирин чогултту.

1. Мыйзам парламенттен колдоо тапкандан кийин депутат Садык Шер-Нияз урпактар алдындагы жоопкерчиликти эске салган.

"Ак мөңгүлүү аска зоолор, таалалар, Элибиздин жаны менен барабар, деп гимнибизде айтылгандай сансыз кылым ата-бабабыз сактап келсе, биз дүңүнөн да, чекене баага да соодалай баштасак… Анда урпактар гимндин эки сабын "Ошол мөңгү, Ала-Тоону чекендеп, Сатып келген биздин жүзүкаралар" десе кантебиз?", — деп суроо салган.

2. Ал эми акын, журналист Зайырбек Ажыматов өз пикирин ыр аркылуу билдирген.

"Мөңгү, мөңгү, мөңгүм,

Мөгдөгөнүң көрдүм…

Куту качып жердин,

Куму учкансыйт чөлдүн,

Келбейт сени көмгүм…" — деген сөздөр ырынын акыркы саптарында камтылган.

3. Бул мыйзам долбооруна каршы чыккандарын катарын ырчы Кайрат Примбердиев да толуктады. Ал "мөңгүнү талкалагандарга каргыш тийсин!" деп жазган Facebook баракчасына.

4. Журналист Санжи Туйтунова мөңгүнүн мунуң сүрөттөгөн. Анда ал уулдары коргоп калат деп менменсип, алардан мындай саткынчылыкты күтпөгөнүн баяндаган.

"Мөңгү тээ илгери, жаш чагында Ала-Тоону миңдеген жылдар бою көрккө бөлөп турам деп Жер Энеге ант бербеди беле… Ал тилеги ташка чабылды. Ала-Тоону аяды, чөлгө айланып какырап, арча-карагайынын ордуна сөксөөлдөр жайнап турганы көз алдына тартыла түштү. Оор үшкүрдү. Анын качыраган добушу далай жүрөктү көзөп өттү. Кош, Ала Тоо!", — деп коштошкан.

Ошондой эле ал миңдеген кылымдык өмүргө бир күндүк чечим чекит коебу деп таң калууда.

5. Бакыт Төрөгелди уулу спутниктен тартылган сүрөттү киргизип "Centerra кыргыздын мөңгүлөрүн ушинтип уулап салган" деп жазды.

7. Ал эми Адилет Балтабаев мындай учурда оппозиция каякта жүрөт деп суроо салган.

323
Белгилер:
мыйзам, депутаттар, социалдык тармак, Мөңгү
Тема боюнча
Мөңгүнү казууга кайсы депутат кандай добуш берди? Тизме
Өкмөт "Кумтөрдөгү" мөңгүлөр боюнча пикирин билдирди
Мөңгүнүн иштетилишине каршы болгондор Ак үйдүн алдына митингге чыкты
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

8
(жаңыланган 18:22 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айыл карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

8
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

64
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

64
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат