БИШКЕК, 20-ноя. — Sputnik. Президент Алмазбек Атамбаев маалымат жыйын учурунда Сооронбай Жээнбеков тууралуу пикирин билдирди.
"Соке досумду 22 жылдан бери билем. Эң кыйын мезгилдерде жанымда жүрдү. Бышып, жетилип калган учуру. Туура эмес жолго кетет деп ишенбейм, эгер кетсе өзүнүн эле шору", — деди Атамбаев.
Мындан сырткары, ал өлкөдөгү башкаруу формасы туурасында дагы айтып өттү.
"АКШ менен Германияда президенттик-парламенттик башкаруу. Мисалы, АКШда президент конгресстин макулдугусуз бир дагы иш жасай албайт. Биз Германиянын модели менен кетишибиз керек деп ойлойм. Шайлоо боюнча кодекске өзгөртүү киргизүү керек. Мыйзам азыркыдай болбош керек, мисалы, тизмеде карапайым кишилер, бирок парламентке келгенде эле акчалуулар чыга калууда", — деди өлкө башчы.