"Манас" аэропорту жаңы жылдык момпосуйга 3,3 млн. сом коротот

© Sputnik / Табылды КадырбековКондитерская фабрика "Таттуу"
Кондитерская фабрика Таттуу - Sputnik Кыргызстан
Жазылуу
750 сомдук коробкада бир килограммга чукул шоколад болот. Ал эми Кара-Көл шаарындагы жетим балдарга 40 сомдук оюнчук машиналар каралган.

БИШКЕК, 29-ноя. — Sputnik. Жаңы жылдык белектерди таратуу боюнча эл аралык "Манас" аэропорту абсолюттук рекорд коюуда. Бул тууралуу мамлекеттик сатып алуулар порталында маалымдалды.

4,5 миң куту таттуу белек үчүн аэропорт 3 миллион сомдон ашуун каражат бөлүүгө белсенип жатат. Сынактын шарты боюнча бир коробканын салмагы 1,2 килограммдан кем болбошу керек.

КР акыйкатчысы Кубат Оторбаевдин архивдик сүрөтү - Sputnik Кыргызстан
Акыйкатчы миллиондук жол тандабастан баш тартып, акчасын башкага жумшоону өтүндү
Белек ичинде 960 граммдан аз эмес шоколад момпосуйлары болушу шарт. Ар бир белек болжол менен 750 сомдон айланууда.

Ал эми Кара-Көл шаарындагы жетим балдардын белегине таптакыр башка суммадагы акча бөлүнөт. 238 байге жана залды шөкөттөө үчүн 19 799 сом жумшоо каралган.

Мында балдарга беой турган китептер, баасы 50 сом турган 40 куурчак, 40 оюнчук машина белекке берилет. Тизмеде Санта-Клаустун 50 шапкеси, ар бири 20 сомдон турган карнавалдык маскалар бар. Балдар үйүнүн залын кооздоо үчүн да каражат бөлүнгөн: бул акчага скотч, жип, мишура, кебез, ак кездеме жана шарик сатып алынат.

"Чакан ГЭС" ишканасынын бир белеги 950 сомдон айланат. 245 коробка 233 миңге бааланган. Сынактын шартына ылайык, белек алган киши 1,3 килограмм момпосуй алат, анын ичинде эки шоколад, батончик, бисквит пирожныйлары бар.

Бир жаңы жылдык белек үчүн "Түндүкэлектр" компаниясы 600 сом коротууга даяр. 4438 белектин ичинде шоколад батончиктери, момпосуйлар, бир Choko Pie коробкасы болот. Буга аталган ишкана 2,7 миллион сом коротмокчу.

Улица Курманджан Датки засияла новыми светодиодными лампами - Sputnik Кыргызстан
Прокуратура "Манас" аэропортуна барчу жолго коюлган жарык боюнча иш козгоду
"Альфа Телеком" ЖЧКсы (MegaCom) жаңы жылга деп атайын немис жана австриялык момпосуйларды сатып ала турган болду. Буга 223 миң сом бөлүнгөн. Конфеттердин бир коробкасы 305 сомго бааланган. Дагы 343 миң сомду компания бир бөтөлкөсү 379 сом турган италиялык шампанга жумшайт.

Ичинде жер-жемиш, оюнчук, момпосую бар жаңы жылдык белекке "Кыргызтелеком" ишканасынын Чүй облустук филиалы 500 сом сарптамакчы. Бул максатка 250 миң сом бөлүнгөн.

Жаңылыктар түрмөгү
0