Чек ара кызматы: кыргыз-казак чек арасынан фуралар тез өтүп баштады

© Sputnik / Владимир Корнев / Медиабанкка өтүүЧек арадагы жүк ташуучу унаалар. Архив
Чек арадагы жүк ташуучу унаалар. Архив - Sputnik Кыргызстан
Жазылуу
Кыргыз-казак чек арасындагы "Ак-Тилек" көзөмөл өткөрүү пунктунан бир саатта 15-20га чейин фуралар өтүп баштады. Буга чейин сегизге чейин гана машина өтүп жаткан.

БИШКЕК, 3-дек. — Sputnik. "Ак-Тилек" көзөмөл өткөрүү пунктунан Казакстанга фуралар тез өтүп баштаганын Мамлекеттик чек ара кызматынын маалымат катчысы Салкын Абдыкариева Sputnik Кыргызстан агенттигине билдирди.

Анын айтымында, фуралардын өтүшү ишемби күнү, 2-декабрда саат 18.00дөн тартып тездеп баштаган. Эртең мененкиге чейин 225 фура өткөн. Буга чейин аталган көзөмөл бекетинен саатына сегиз машинага чейин гана өтүп жатса, учурда 15-20га жеткен.

"Ак-Тилек" көзөмөл өткөрүү пунктунда болдум. Түнкү саат экиде чек арада 49 фура гана калган. Саат ондо кайта 410го чейин жетти. Чек арадагы абал оорлогонго чейин саатына 30 фурага чейин өтчү, азыр 20га жетти. Ал эми Таластагы "Чоң-Капка" өткөрүү пунктунда турган 70 фуранын бардыгы өттү", — деди Абдыкариева.

Супермаркеттеги кардар. Архив - Sputnik Кыргызстан
Казак эксперти: Кыргызстандан товар келбей калгандыктан Казакстанда баалар өстү
Эске салсак, кыргыз-казак чек арасындагы абал 10-октябрдан тарта кыйындай баштаган. Көзөмөл өткөрүү пункттарынан өткөн жүк ташуучу унаалар жана жүргүнчүлөр тыкыр көзөмөлгө алына баштаган. Расмий Астана бул кадамды чек арадан өтүп жаткан аткезчиликтин алдын алуу үчүн жасалып жатканын билдирген. КР премьер-министри Сапар Исаков баштаган атайын топ Казакстанга барып, сүйлөшүүлөрдү жүргүзгөнү менен абал өтө деле жакшырган эмес.

Кийин Минск шаарында өткөн ЖККУнун кезектеги жыйынынын алкагында Кыргызстандын президенти Сооронбай Жээнбеков казак президенти Нурсултан Назарбаев менен жолугуп, чек арадагы абал жакын арада жөнгө салынарын билдиришкен.

Жаңылыктар түрмөгү
0