Таштанды полигону. Архив

Бишкекте жаңы таштанды полигону эмнеге ачыла электиги айтылды

161
(жаңыланган 10:30 15.12.2017)
"Бишкек шаарындагы катуу таштандыларды башкаруу системасын жакшыртуу" долбоорунун байкоочу кеңешинин жыйыны өттү

БИШКЕК, 14-дек. — Sputnik. Жаңы полигон курула турчу жер азыркыга чейин аныкталбагандыктан анын курулушу кечеңдеп жатат. Мындай пикирин "Бишкек шаарындагы катуу таштандыларды башкаруу системасын жакшыртуу" долбоорунун башчысы Альмира Гиянуллина билдирди.

Белгилей кетсек, бүгүн Бишкек шаарында аталган долбоордун байкоочу кеңешинин жыйыны болуп жатат.

"Жаңы полигон кайсы жерге курула турганы азыр аныктала элек. Андыктан аны куруу иштери эки жылдан бери создуктурулуп келет. Жер так аныкталбагандыктан подрядчик компания дагы курулуш иштерин баштай элек", — деди ал.

Долбоордун консультанты Марис Бремштин айтымында, келишимдер кармалып жатат. Бул өз кезегинде долбоордун ара жолдо калуусуна чоң коркунуч жаратууда. Анткени Бишкек мэриясы келишим боюнча таштандыларды кабыл алып, аны рекультивациялай турчу "БСП" муниципалдык ишканасынын милдетин "Тазалык" ишканасына бөлүштүрүп салган. Ошентип долбоорду ишке ашыруу татаалдашып кеткен.

Ал эми Корпоративдик өнүгүү программасынын жетекчиси Янис Пролс полигон курула турчу жер 2015-жылы эле аныкталганын, бирок мэрия аны документтештирип, тууралоо иштерин создуктуруп жатканын кошумчалады.

"Бишкек шаарындагы катуу таштандыларды башкаруу системасын жакшыртуу" долбоорун ишке ашырууну каржылоо боюнча Кыргызстан менен Европа реконструкция жана өнүктүрүү банкы менен 2013-жылы 10-майда кол коюлган. Кийин дагы кошумча гранттык келишим түзүлгөн. Жыйынтыгында долбоорду ишке ашыруу үчүн 22 миллион евро бөлүнгөн.

Долбоорго ылайык таштанды салуучу контейнерлердин ордун куруу, жаңы контейнер челектерди сатып алуу, санитардык полигон үчүн жана "Тазалык" ишканасы үчүн жаңы техникаларды сатып алуу, ошондой эле жана жаңы таштанды полигонун салуу каралган.

161
Белгилер:
жыйын, полигон, долбоорлор, таштанды, Бишкек
Тема боюнча
Караколдо жаңы ачылган сейил бакты белгисиз адамдар бүлүнтүп кетти
Ошто "Тазалыктын" кызматкерлери үчүн мончо ачылат
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

167
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

167
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео
Дарыгер ымыркайды оорукананын төрөт бөлүмүндө текшерип жатат. Архив

ЖМК: Болгарияда бала COVID-19га туруштук берген артыкчылык менен төрөлдү

121
(жаңыланган 22:08 18.01.2021)
Кош бойлуу аял ооруканага коронавирус менен катуу жабыркап түшкөнү айтылган. Бала жарыкка келгенден кийин дарыгерлер таң калыштуу жагдайга туш болгон.

БИШКЕК, 18-янв. — Sputnik. Болгарияда кош бойлуу келин коронавируска антителосу бар бөбөк төрөдү. Бул туурасында улуттук радионун сайтына маалымат жарыяланды.

Пазарджик шаарынын 28 жаштагы тургуну ооруканага эти катуу ысып, жөтөлүп жана алы кетип түшкөн. Аны бир курс дарылагандан кийин ак халатчандар баланы операция жолу менен жарыкка алып келишкен.

Азыр бөбөктүн абалы жакшы экендиги айтылды. Ал эми антигендик тест бөбөктө коронавируска каршы антитело бар экендигин көрсөткөн. Эне-бала үйүнө чыккандан кийин да дарыгерлердин көзөмөлүндө болууда.

Ымыркайдын салмагы 2,75 килограмм, ал эми бою 46 сантиметр экени айтылды.

121
Белгилер:
коронавирус, антитело, ымыркай, Болгария
Тема:
Дүйнөгө жайылган коронавирус
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
ДССУ: пандемия токтобойт жана вирус жок болуп кетпейт