Кыргызстандан качкан президент Курманбек Бакиев жана анын агасы Жаныбек  Бакиев. Архивдик сүрөт

Изделбей, Интерполдун тизмесинен өчкөн кыргызстандык экс-саясатчылар

(жаңыланган 13:30 08.02.2018)
Бир жыл мурда Эл аралык полиция уюму (Интерпол) издөөгө алган кыргызстандыктардын саны 160га жеткен. Алардын жарымынан көбү экономикалык кылмыштарга айыпталган. Арасында көрүнүктүү саясий ишмерлер, экс-президенттерден тарта шаардык кеңештин депутаттарына чейин бар болчу.

2017-жылдын аягында издөөгө алынган КР жарандарынын саны 13 эсеге кыскарган, тагыраагы, Интерполдун тизмесинде бүгүнкү күндө 12 эле кыргызстандык калган.

Sputnik Кыргызстан агенттигинин редакциясы бир жыл ичинде Интерпол кайсы адамдарды эл аралык издөөгө алуудан баш тартканын изилдеп көрүүнү чечти.

Тизмеден Кыргызстандын соту тарабынан сыртынан өмүр бою соттолгон экс-президент Курманбек Бакиев жана анын үй-бүлөсү — Жаныш (жаныбек — ред.) Максим, Акмат, Искендер Бакиевдерди таба албайсыз. Бул үй-бүлө мүчөлөрү массалык түрдө киши өлтүрүү жана башка бир нече беренелер боюнча айыпталган.

  • Сын беглого президента Максим Бакиев
    Курманбек Бакиевдин баласы — Максим Бакиев
    © AP Photo / Sultan Dosaliyev
  • Жалал-Абад шаардык кеңештин экс-депутаты Бакиев Ахмат Салиевич
    Курманбек Бакиевдин баласы — Максим Бакиев
    © Sputnik / Тимофей Железовский
  • Жаныш Бакиевдин (Кыргызстандын мурдагы президенти Курманбек Бакиевдин иниси) уулу 32 жаштагы Бакиев Искендер Жаныбекович
    Жаныш Бакиевдин уулу 32 жаштагы Искендер Бакиев
    Интерполдун расмий сайтынан сүрөткө тартып алынды
  • Кыргызстандын туңгуч президентинин администрация жетекчиси Касымов Тойчубек Касымович
    Биринчи президенттин администрация жетекчиси Тойчубек Касымов
    Интерполдун расмий сайтынан сүрөткө тартып алынды
  • Альфа-Телеком компаниясынын экс-башкы директору Силич Андрей Григорьевич
    "Альфа-Телеком" компаниясынын экс-башкы директору Силич Андрей Григорьевич
    Интерполдун расмий сайтынан сүрөткө тартып алынды
  • Объявленная в розыск 63-летняя гражданка КР Елена Белковская
    Аскар Акаевдин учурунда өкмөттүн аппаратынын укук бөлүмүн жетектеген 63 жаштагы Елена Белковская
    © Sputnik / Табылды Кадырбеков
1 / 6
© AP Photo / Sultan Dosaliyev
Курманбек Бакиевдин баласы — Максим Бакиев

Тизмеден өлкөнүн дагы эки экс-премьери — 2002-2005-жылдары өкмөт башчылыкта турган Николай Танаев менен муниципалдык жерлерди бөлүштүрүүдө кызматтык абалын кыянаттык менен пайдаланган деп айыпталган Данияр Үсөнов алынган. Үсөнов өкмөттү 2009-жылдын 21-октябрынан 2010-жылдын 7-апрелине чейин жетектеген.

Мамлекеттик каражатты өз кызыкчылыгына пайдаланды деп айыпталган биринчи президенттин администрация жетекчиси Тойчубек Касымов дагы эл аралык уюмдун тизмесинен көрүнбөйт.

"Альфа Телекомдун" (Мегаком бренди — ред.) мурдагы директору Андрей Силич дагы качкын катары катталып, Интерпол тарабынан издөөгө алынган болчу. Ал да жок.

Аскар Акаевдин учурунда өкмөттүн аппаратынын укук бөлүмүн жетектеген 63 жаштагы Елена Белковскаянын да ысымы Интерполго катталган болчу. Ал 2009-жылы "Кумтөр" келишимин түзүүдө коррупциялык иштерге барган деп айыпталган.

Жыл ичинде аталган ысымдардын кимиси сот алдына келгени жана Интерпол кимди издөөдөн баш тартканы тууралуу сайтта көрсөтүлгөн эмес. Болгону Бакиевдер Интерполдун базасында жок болгону менен мамлекеттер аралык издөөдө экендиги белгиленген.

Бул боюнча толук жооп алуу үчүн Sputnik Кыргызстан маалымат агенттигинин редакциясы ИИМ менен Интерполдун борбордук бюросуна расмий кат жөнөттү.

Белгилер:
саясатчы, издөө, пара, коррупция, кылмыш, Интерпол, ИИМ, Курманбек Бакиев
Тема боюнча
Интерпол тарабынан изделген Кыргызстандын "абройлуу" кылмышкерлери
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр