Нарын шаарынын айрым тургундары 2018-жылдын 1-январынан тарта ишке кирчү Мамлекеттик жөлөк пулдар жөнүндө мыйзамга каршы митингге чыгып, ачкачылык жарыялашты

Нарын: бөбөккө бөлүнгөн акчанын кесилиши кейитип... Жөлөк пул, ачкачылык, нааразылык"

961
(жаңыланган 12:11 20.12.2017)
Нарын шаарынын айрым тургундары 2018-жылдын 1-январынан тарта ишке кирчү "Мамлекеттик жөлөк пулдар жөнүндө" мыйзамга каршы митингге чыгып, ачкачылык жарыялашты.

Sputnik Кыргызстан агенттиги окуянын чоо-жайын сураштырып, жөлөк пулдар боюнча мыйзамдын күңгөй-тескейин териштирип көрдү.

  • Нарын шаарынын айрым тургундары 2018-жылдын 1-январынан тарта ишке кирчү Мамлекеттик жөлөк пулдар жөнүндө мыйзамга каршы митингге чыгып, ачкачылык жарыялашты
    Нарын шаарынын айрым тургундары 2018-жылдын 1-январынан тарта ишке кирчү "Мамлекеттик жөлөк пулдар жөнүндө" мыйзамга каршы митингге чыгып, ачкачылык жарыялашты
    © Sputnik
  • Балдардын абалын жакшыртуу максатында эл өкүлдөрү Карамат Орозова менен Аида Касымалиева демилгелеген Мамлекеттик жөлөк пулдар жөнүндө мыйзамды Жогорку Кеңеш колдоп, президент Алмазбек Атамбаев август айынын башында ага кол койгон
    Балдардын абалын жакшыртуу максатында эл өкүлдөрү Карамат Орозова менен Аида Касымалиева демилгелеген "Мамлекеттик жөлөк пулдар жөнүндө" мыйзамды Жогорку Кеңеш колдоп, президент Алмазбек Атамбаев август айынын башында ага кол койгон
    © Sputnik
  • Аталган мыйзам долбоору 2018-жылдын 1-январынан тарта ишке кирмек.
    Аталган мыйзам долбоору 2018-жылдын 1-январынан тарта ишке кирмек.
    © Sputnik
1 / 3
© Sputnik
Нарын шаарынын айрым тургундары 2018-жылдын 1-январынан тарта ишке кирчү "Мамлекеттик жөлөк пулдар жөнүндө" мыйзамга каршы митингге чыгып, ачкачылык жарыялашты

"Мамлекеттик жөлөк пулдар жөнүндө" мыйзамы

Балдардын абалын жакшыртуу максатында эл өкүлдөрү Карамат Орозова менен Аида Касымалиева демилгелеген "Мамлекеттик жөлөк пулдар жөнүндө" мыйзамды Жогорку Кеңеш колдоп, президент Алмазбек Атамбаев август айынын башында ага кол койгон. Аталган мыйзам долбоору 2018-жылдын 1-январынан тарта ишке кирмек.

Жаңы жазылган мыйзам долбоордун демилгечилери бул төлөмдөрдүн болжолдуу суммасын төмөнкүчө бекитишкен:

"Балага сүйүнчү" – ымыркай төрөлгөндө бир ирет берилчү акча — 4 миң сом;

"Балага жөлөк" — 3 жашка чейинки ар бир баланы багууга каралган ай сайын берилчү жөлөк пул – 700 сом;

"Үй-бүлөгө көмөк" — 3төн 16 жашка чейинки ар бир үчүнчү балага ай сайын берилчү жөлөк пул – 500 сом.

Бөбөккө бөлүнгөн акчанын кесилишине кейиген энелер

Нарын шаарындагы майыптар коомунун жетекчиси Замира Абдраева жөлөк пулдар боюнча мыйзамга каршы чыккандардын бири. Анын айтымында, аталган мыйзам долбоорунда бир-эки баласы бар ата-энелер эске алынбай калган. Мындан улам митингге чыккандар буга чейин иштеп келе жаткан мыйзамды калтыруу талабын коюшуда.

"Жаңы мыйзам боюнча эгер 6 балалуу үй-бүлө болсо, алар төртүнчү жана бешинчи баласына тоолуу аймак деп 750 сомдон 1500 миң сом алып, бир же эки баласы бар үй-бүлөлөргө таптакыр жөлөк пул чыкпай калат экен. Буга макул эмеспиз. Анткени бир же эки баласы бар жесир аял же менин кызыма окшош жалгыз бой майып аял болушу ыктымал. Аларга эч кандай жөлөк пул чыкпайт деп жатышат. Үйдө кызым экөөбүз тең II топтогу майыптарбыз. Буга чейин ал бир кызына 1250 сом алчу. Азыр кызы 3 жаштан ашты. Жаңы мыйзам ишке кирсе небереме жөлөк пул чыкпай калат экен. Экөөбүз тең ишке жарамсыз болсок, жөлөк пул аз болсо да оокатыбызга жарап турчу. Өлкөдө бизге окшогон канчалаган аял бар", — деди Абдраева.

Митингге чыгып, ачкачылык жарыялагандардын арасында Зыйнагүл Сагындыкова да бар. Учурда эки баласы жана эки небересине 4800 сом жөлөк пул алат. Бирок жаңы мыйзам ишке ашып калса, алардын бирине эле 1000 сомго жетпеген акча чыгып калат экен деп кейип жаткан кези.

Ал мурдагы таржымакалын айтып өттү. 2010-жылы 7-апрелде башына ок тийип майып болуптур. Эки жолу турмушка чыгып, беш балалуу болгонун да айтты. 

"Улуу эки кызым күйөөдө эле. Анын бири ажырашып кетип, учурда колумда 4-10-класста окуган эки балам бар. Андан сырткары төрт, бир жарым жаштагы неберелеримди багам. Буга чейин 4800 сом жөлөк пул менен эптеп жан сактап келсек, эми жаңы мыйзам ишке ашып калса 1,5 жашар небереме 1000 сомго жетпеген акча алып калат экенмин. Ал эмнеге жетет? Үйүбүз жок", — деди Зыйнагүл Сагындыкова.

Жаңы мыйзам эскиден эмнеси менен айырмаланат?

Мамлекеттик жөлөк пулдар жана акчалай компенсация берүү башкармалыгынын кызматкери Айкөл Турганбаева мурда жөлөк пулду аз камсыз гана үй-бүлөлөрдүн балдары алса, жаңы мыйзамда бардык балдар бирдей акча аларын айтты.

Жаңы мыйзам боюнча жөлөк пул үй-бүлөнүн эч кандай кирешесин эсепке албастан берилет.

"Бир-эки баланы ата-эне эптеп акча таап бакса болот, жакырчылык 3-баладан баштап билинет. Нарында митингге чыккандар 1-баладан баштап эле жөлөк пул төлөгүлө деп жатышат. Биринчиден, муну мамлекеттин бюджети көтөрө албайт. Ар бир ата-эне баланы пландап, акчаны өзү иштеп таап, бакканга аракет кылыш керек. Негизи жөлөк пул ата-энеге убактылуу гана берилчү көмөк акча. Ага таянып 20 жылдан бери алып, көнүп алган адамдар бар", — деди Турганбаева.

Ал арада бүгүн өкмөттөн аталган мыйзамдын "балага сүйүнчү" жобосун кошпогондо, ишке кирүү мөөнөтүн үч айга артка жылдыруу сунушталып жатканын билдиришти. Андан сырткары жаңы мыйзам долбоору Жогорку Кеңешинин кароосуна кайра киргизилгенин кошумчалашты.

961
Белгилер:
митинг, мыйзам, жөлөк пул, долбоорлор, Кыргызстан
Тема:
Жөлөк пул (30)
Тема боюнча
Нарында жөлөк пул тууралуу жаңы мыйзамга каршы митинг өттү
Турганбаева: жөлөк пул алуу үчүн үч гана документ жетиштүү болот
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

39
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

39
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Эгин талаа. Архив

Жумага карата аба ырайы

49
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт