НТС телеканалынын мүлкүн камакка алуу иштери башталды

© Sputnik / Михаил ДудинНТС телеканалынын имараты. Архив
НТС телеканалынын имараты. Архив - Sputnik Кыргызстан
Жазылуу
Буга чейин телеканалдын кызматкерлери сот аткаруучулар телеканалды жаап жана эфирди токтотууну талап кылышканын билдирген

БИШКЕК, 20-Дек. — Sputnik. НТС телеканалынын мүлкүн камакка алуу иштери башталды. Бул туурасында телеканалдын юристи Амантур Абдрахманов маалымат жыйын учурунда билдирди.

Бишкектеги НТС телеканалынын имаратында болгон окуянын видеосу - Sputnik Кыргызстан
Бишкектеги НТС телеканалынын имаратында болгон окуянын видеосу
Кечээ, 19-декабрь күнү, телеканалга сот аткаруучулар келип, мүлктү ишенимдүү башкарууга өткөрүп берүүгө аракет кылышкан. Бирок жаралган жагдайга байланыштуу бул иш 20-декабрга жылдырылган.

Аталган ЖМКнын кызматкерлери сот каткаруучулар телеканалды жаап жана эфирди токтотууну талап кылышканын билдирген. Ал эми Сот департаменти тараткан маалыматта бул жерде басып алуу туурасында эч кандай пикир жаралбашы керектиги, болгону соттун аныктоосу аткарылып жатканы айтылган.

Абдрахмановдун айтымында, 19-декабрда "Grexton Capital LTD" компаниясынан доо арыз түшүп, сот ошол күнү эле үч карыздар тараптын, ошондой эле НТС телеканалынан мүлкүн камакка алуу аныктамасын чыгарган.

"Жооптуу тарап башкалар болууда. Ал эми НТСтеги жабдуунун баары биздин компанияга таандык. Биз соттук акт мыйзамсыз чыгарылган деп эсептеп жакынкы күндөрү даттанабыз", — деди юрист.

НТСтин өкүлдөрү эмнеге телеканалдын мүлкүн камакка алганын дагы деле түшүнбөй жатканын айтышууда.

НТС телеканалында учурда эмне болуп жатканын Sputnik Кыргызстандын тексттик трансляциясынан окуңуздар>>

Жаңылыктар түрмөгү
0