Мамытбай Салымбековдун уулу — Курманбек Осмоновдун кызы

Кыз алышып-беришкен саясатчы кудалар. Депутаттардан президенттерге чейин

6693
(жаңыланган 16:27 27.12.2017)
Эзелтен ата-бабалар сөөк жаңырталы, катышыбыз алыстабасын деп кыз алышып-беришип куда болуп келишкен. Ошондой эле эки элдин ортосундагы ынтымакты бекемдөө үчүн ууру башчылары кудалашкан. Мындан улам эл арасында "Тамакты даамдуу кылган туз, алысты жакын кылган кыз" деген накыл кеп айтылып келет.

БИШКЕК, 22-дек. — Sputnik. Эгемендик тарыхка көз чаптырсак туңгуч президент Аскар Акаев Казакстандын эл башчысы Нурсултан Назарбаевдин кызын келин кылып, куда болушкан. Бүгүнкү күндө дагы бири-бири менен кудалашкан жогорку кызматтардагы атка минерлердин саны арбын.

Sputnik Кыргызстан агенттиги саясатчылардын кимиси-кимге куда экенине баам салды.

1. Алымбай Султановдун баласы — Алмазбек Атамбаевдин кызы

Семетей Султанов менен Динара Атамбаева 2003-жылы үй-бүлө курушкан. Учурда бир уул, бир кызды тарбиялашууда. Семетей 2012-жылдан бери Кыргызстандын Футбол федерациясынын президенти. Динара жеке ишкердик менен алектенет.

Алымбай Султанов милициянын генерал-майору. Талас облусунун Манас районуна караштуу Жийде айылында туулган. Баңгизаттарды көзөмөлдөө мамлекеттик кызматынын жетекчиси жана Жогорку Кеңештин депутаты болуп иштеген.

Алмазбек Атамбаев Чүй облусунун Аламүдүн районуна караштуу Арашан айылында туулган. 2011-2017-жылдары Кыргызстандын президенти болгон.

2. Алиярбек Абжалиевдин уулу — Сооронбай Жээнбековдун кызы

Президент Сооронбай Жээнбековдун жалгыз кызы Бактыгүл Шарипова Жогорку Кеңештин депутаты Алиярбек Абжалиевдин уулу Атабек Абжалиевге турмушка чыккан. Алардын ортосунда бир баласы бар.

Дочь президента КР Соронбая Жээнбекова Бактыгуль на торжественной церемонии официального вступления в должность президента КР
© Пресс-служба президента КР / Султан Досалиев
Бактыгүл Шарипова менен Атабек Абжалиевдин бир баласы бар

Сооронбай Жээнбеков Ош облусунун Кара-Кулжа районундагы Тельман айылында туулган. Ал эми Алиярбек Абжалиев Ош шаарынын Жапалак айыл аймагынын кулуну.

3. Мелис Мырзакматовдун уулу — Искандер Гайпкуловдун кызы

Нурлан Мырзакматов менен Гүлмира Гайпкулова 2009-жылы баш кошушкан. Учурда эки кыз, бир уулду тарбиялап жатышат.

Нурлан Мырзакматов и Гульмира Гайпкулова
© Фото / предоставлено Искандером Гайпкуловым
Нурлан Мырзакматов менен Гүлмира Гайпкулова 2009-жылы баш кошкон

Мелис Мырзакматов Ош облусунун Кара-Суу районуна караштуу Папан айылында туулган. Жогорку Кенештин IV чакырылышынын депутаты, 2009-2013-жылдары Ош шаарынын мэри болгон. Кийин коррупция боюнча айыпталып издөөгө алынган.

Искандер Гайпкулов Ош облусунун Араван районундагы Мангыт айылында туулган. Буга чейин Жогорку Кеңештин IV чакырылышынын депутаты, Эсеп палатасынын төрагасы болуп иштеген. Ал эми "Ата Мекен" фракциясынын мурдагы лидери Өмүрбек Текебаев мандатынан ажыратылгандан кийин анын ордуна 21-декабрда депутат болуп келди.

4. Байыш Нурматовдун уулу — Жантөрө Сатыбалдиевдин кызы

Курман Нурматов менен Асел Нурматова (Сатыбалдиева) 2004-жылы баш кошушкан. Учурда алар үч баланы тарбиялашууда. Курман жеке ишкер, Асел банк кызматкери.

Жантөрө Сатыбалдиев Ош облусунун Өзгөн районуна караштуу Мырза-Аке айылында туулган. Транспорт жана жолдор министри, Ош облусунун губернатору жана мэри, Ош жана Жалал-Абад шаарларын калыбына келтирүү дирекциянын башкы директору жана КРдин премьер-министри болуп иштеген.

Байыш Нурматов Ош облусунун Өзгөн районунда туулган. Өкмөттүн алдындагы Байланыш агенттигин жетектеген.

5. Мамытбай Салымбековдун уулу — Курманбек Осмоновдун кызы

Жумабек Салымбеков жана Нурзат Осмонова 2011-жылы баш кошушкан. Учурда бир уул менен эгиз кыздарын тарбиялап жатышат. Нурзат 2011-жылы "Ата-журт" партиясынан Жогорку Кеңешке депутат болуп шайланып жарым жыл иштеген. Жумабек учурда Бишкек шаардык кеңештин депутаты.

Жумабек Салымбеков и Нурзат Осмонова
© Фото / Евгений Чайченко
Жумабек Салымбеков жана Нурзат Осмонова 2011-жылы баш кошуп, азыр бир уул менен эгиз кыздарын тарбиялап жатышат

Жакында эле Курманбек Осмоновдун небереси Нурсултан Касымовго буга чейин Жогорку Кеңештин үч чакырлышынын депутаты болгон Роман Шиндин небере кызы Анна Шин турмушка чыккан.

Мамытбай Салымбеков Нарындын Ат-Башы районунда туулган. ЖКнын III жана V чакырылышынын депутаты. "Дордой" ассоциациясынын президенти Аскар Салымбековдун бир тууганы.

Курманбек Осмонов Ош облусунун Кара-Кулжа районунун Кара-Кулжа айылында туулган. ЖКнын III жана V чакырылышынын депутаты болгон. 2003-2004-жылдары Юстиция министри, 2004-2008-жылдары Жогорку соттун төрагалык кызматын аркалаган.

6. Азимбек Бекназаровдун уулу — Мыктыбек Абдылдаевдин кызы

Эрнис Бекназаров менен Мээрим Абдылдаева 2007-жылы баш кошуп, эки уулдуу болушкан. Эрнис жеке ишкерлик менен алектенет. Мээрим учурда декреттик өргүүсүндө. Буга чейин ал Тышкы иштер министрлигинде иштеген.

Эрнис Бекназаров и Мээрим Абдылдаева
© Фото / предоставлено Эрнисом Бекназаровым
Эрнис Бекназаров менен Мээрим Абдылдаева 2007-жылы баш кошуп, эки уулдуу болушкан

Мыктыбек Абдылдаев Чүй облусунун Аламүдүн районуна караштуу Кара-Жыгач айылында туулган. Ал 2002-2005-жылдары Башкы прокурор, ЖКнын V жана VI чакырылышынын депутаты.

Азимбек Бекназаров Жалал-Абад облусуна караштуу Аксы районундагы Кара-Суу айылында туулган. 2005-жылы башкы прокурор болуп иштеген. Үстүбүздөгү жылы президенттик шайлоого талапкерлигин койгон.

7. Кубатбек Бороновдун уулу — Замирбек Алымбековдун кызы

Өзгөчө кырдаалдар министри Кубатбек Боронов менен ЖКнын V чакырылышынын депутаты Замирбек Алымбеков менен куда болгон. Боронов Ош облусуна караштуу Өзгөн районундагы Зергер айылында туулган. Алымбеков Баткен облусунун Баткен айылынын кулуну.

Ак үйдөн куда күткөн мындан башка бир нече атка минердин аты коомчулукта аталып келет. Алар тууралуу кийинки материалда жарыялайбыз.

6693
Белгилер:
күйөө бала, үй-бүлө, кудагый, саясатчы, келин, депутаттар, министр, Кыргызстан
Тема боюнча
Багы ачылбаган саясий тандемдер. Оту күйүшпөй калган кыйындар ким?
Кыргызстандын аткаминерлер көп төрөлгөн аймактары
Мамлекеттик Ала-Арча жаратылыш паркы

Шаршембиге карата аба ырайы

46
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

46
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

170
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

170
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

171
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

171
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы