Операция жасаган хирург. Архивдик сүрөт

Келер бекен? Чет элдиктердин өмүрүн сактап жүргөн кыргызстандык ак халатчандар

2295
(жаңыланган 10:17 04.01.2018)
Чет өлкөлөрдө акылы, ак эмгеги менен ийгилиги менен багынтып жүргөн мекендештер тууралуу укканда кубанбай койбойсуң. Бири чемпион, экинчиси профессор, дагы бири ийгиликтүү ишкер...

Бул жолу Sputnik Кыргызстан агенттиги дүйнөнүн ар кайсы өлкөлөрүндө адамдын ден соолугун чыңдап, өмүрүн сактаган кыргызстандык ак халатчандар тууралуу жазууну эп көрдү.

Рысбек Абдылдаев

Онколог, доктор медицинских наук Рысбек Абдылдаев с семьей
© Фото / предоставлено Рысбеком Абдылдаевым
Онколог, медицина илимдеринин доктору, профессор Рысбек Абдылдаев
Онколог, медицина илимдеринин доктору, профессор Рысбек Абдылдаев 2000-жылдан тарта Улуттук онкология борборун жетектеп, 2009-жылы атайын чакыруу менен АКШга кеткен. Учурда Калифорния штатындагы "Силикон өрөөнүндөгү" биотехнологилык компаниянын программалык директору.

Руслан Шаршебай

Рентгенолог Руслан Шаршенбай, работающий в городе Стамбул
© Фото / Огузхан Мутлу
Рентгенолог Руслан Шаршебай
Руслан Шаршебай рентгенолог, медициналык билимин Түркиянын Стамбул шаарынан алган. Учурда ошол эле мамлекеттеги Istanbul International Kolan hospital деп аталган ооруканада эмгектенип, ага катар аспирантурада окуп жатат. Медицинага аскер дарыгери кесибин аркалаган атасынын изи менен келгенин айтат. 18 жылдан бери чет жерде жүргөн Руслан "мекенге кайтып, өз жеримде кызмат кылууга убакыт келди" деп эсептейт.

Кубанычбек Алибеков

Открывший медицинский центр в Москве кыргызстанец Кубанычбек Алибеков
© Фото / Гулдой Исраилова
Хирург Кубанычбек Алибеков
34 жаштагы Кубанычбек Алибеков кесиби боюнча хирург. Ал Москва шаарында медициналык борбор ачып, мигранттарды дарылап, аны менен бирге кыргыз дарыгерлерин иш менен камсыздаган. Алгач ОшМУнун медицина факультетинде билим алып, 2007-жылы Москва шаарына аспирантурага окууга барган. Кийин ал жердеги ооруканалардын биринде иштеп калган.

Мелис Толтоев

Кыргызстанец Мелис Толтоев, работающий хирургом в больнице города Татарска (Россия)
© Фото / Сергей Степанов
Медицина илимдеринин кандидаты, хирург Мелис Толтоев
Жаш дарыгер Мелис Толтоев дагы Россияда эмгектенет. Учурда Татарск шаардык ооруканасында хурург. Былтыр Новосибирск облусу боюнча өткөрүлгөн "Жылдын мыкты дарыгери" номинациясына көрсөтүлүп, ондогон дарыгерлердин арасынан 3-орунду алган. Өзүнүн айтымында, 130га чукул дарыгер эмгектенген оорукананын жетекчилиги аталган сынакка дал ушул Толтоевди көрсөткөн. 32 жаштагы кыргызстандык дарыгер медицина илимдеринин кандидаты, илимий 40 макаланын жана 5 ойлоп табуунун автору.

Билгун Бадрах

Бишкекский врач Билгуун Бадрах в Эфиопии во время работы
© Фото / предоставлено Билгуун Бадрахом
Хирург Билгун Бадрах
Бишкектик хирург Билгун Бадрах Африканын Ефиопия мамлекетине кеткенине бир жылдан ашты. Ал жакка Кызыл жарым ай коомунун программасы аркылуу барган. Учурда ыкчам хирургия бөлүмүндө иштегени менен травматология боюнча да бейтаптарды кабыл алат. Африкада тажрыйба топтоп, Бириккен Араб Эмирлигине же Европага барып иштөөнү пландоодо.

Ольга Расчупайкина

Акушер-гинеколог Ольга Расчупайкина, семь лет проработавшая акушером-гинекологом в отдаленном горном селе в Пакистане
© Sputnik / Табылды Кадырбеков
Гинеколог Ольга Расчупайкина
Бишкектик гинеколог Ольга Расчупайкина Пакистандагы тоолуу айылдардын биринде 7 жыл иштеп келген. Ал өлкөгө жолдошунун жумушу аркылуу барган. Кийин Кыргызстанга кайтып келип, учурда фтизиатрия менен алектенип жүрөт. "Кургак учук менен жабыркагандар көп болгондуктан, аларга жардам көбүрөөк керек" деп эсептейт.

Эркин Орозакунов

Хирург Эркин Орозакунов, работающий в Турции
© Фото / предоставлено Эркином Орозакуновым
Хирург Эркин Орозакунов
Хирург Эркин Орозакунов декабрь айында Түркияда доценттигин жактады. Негизи түрк жергесине барганына 16 жыл болуптур. 2001-жылы беш жылдык ординатурага тапшырып, 2007-жылдан тарта Анкара университетинин ооруканасында иштеген. Андан соң бир эмес, эки мамлекеттик ооруканада кызмат кылып, акыркы жылдары жеке клиникалардын бирине ишке кирген.

2295
Белгилер:
ийгилик, чет өлкө, дарыгер
Тема боюнча
Таштан боюна бүткөндөр... Бишкектик гинекологдун Пакистандагы иш тажрыйбасынан
Кыргызстандык хирург африкалыктарды кантип дарылап жатканын айтып берди
Кыргызстандык Толтоев Новосибирскиде "мыкты дарыгерликке" ат салышууда
Өзгө жердин өнөр дүйнөсүн багынткан кыргызстандыктар
Ысык-Көл. Архив

Ишембиге карата аба ырайы

2
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

2
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

10
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

10
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт