Ымыркай. Архив

Кыргызстанда жаңы төрөлгөн бардык ымыркайлар үчүн сүйүнчү акча бериле баштады

1454
(жаңыланган 13:04 05.01.2018)
"Мамлекеттик жөлөк пулдар жөнүндө" мыйзамды Жогорку Кеңештин депутаттары Карамат Орозова менен Аида Касымалиева демилгелеген.

БИШКЕК, 4-янв. — Sputnik. Жаңы төрөлгөн ымыркайлар үчүн сүйүнчү пул төлөнө баштады. Бул тууралуу Sputnik Кыргызстан маалымат агенттигине Эмгек жана социалдык өнүктүрүү министрлигинин маалымат катчысы Кымбат Кадыралиева билдирди.

Анын айтымында, 4000 сом өлчөмүндөгү сүйүнчү акча 2018-жылдын 1-январынан тарта төрөлгөн бардык ымыркайларга берилет.

"Бул акча бардык ымыркайларга бирдей чегерилген. Тоолуу аймактын тургундарына коэффицентине жараша кошулуп төлөнөт. Бирок сүйүнчү акча бала төрөлөөрү менен дароо колго берилбейт. Ал үчүн ата-эне жашаган жериндеги социалдык коргоо башкармалыгына кайрылып тийиштүү документтерди өткөрүшү керек", — деди Кадыралиева.

Сүйүнчү пул алуу үчүн керектүү документтер:

— Ата-энесинин паспорту (ажырашкан болсо баланы ким багып жатса ошонун паспорту талап кылынат);

— Баланын күбөлүгү;

— Жашаган жеринен справка;

— Эгер бала багып алынган болсо мыйзамдуу түрдө багып алууга уруксат берген соттун чечими керек.

Эске салсак, балдардын абалын жакшыртуу максатында эл өкүлдөрү Карамат Орозова менен Аида Касымалиева "Мамлекеттик жөлөк пулдар жөнүндө" мыйзамын демилгелеп, аны Жогорку Кеңеш колдоп, мурдагы президент Алмазбек Атамбаев август айынын башында кол койгон. Бирок бул мыйзамдын "биринчи балага сүйүнчү" пункту гана ишке ашып, калган "балага жөлөк пул" жана "үй-бүлөгө көмөк" деп аталган пункттарынын мөөнөтүн Жогорку Кеңеш үч айга узарткан. Себеби аталган эки бөлүккө Нарын шаарынын айрым тургундары каршы чыгып, ачкачылык жарыялашкан.

1454
Белгилер:
сүйүнчү, ата-эне, мыйзам, көмөк, ымыркай, акча
Тема:
Жөлөк пул (30)
Тема боюнча
Сүйүнчү жана жөлөк пул качан жана кандай шартта берилет? 7 суроого жооп
Жогорку Кеңеш жөлөк пул боюнча өзгөртүүлөрдүн мөөнөтүн узартты
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

39
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

39
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Эгин талаа. Архив

Жумага карата аба ырайы

49
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт