Ымыркай көтөргөн аял. Архив

Ымыркайга сүйүнчү пул качан жана кантип берилет? Министрлик жол-жобосун айтты

3820
(жаңыланган 15:08 10.01.2018)
Социалдык өнүктүрүү министрлигинин маалыматына ылайык учурда көмөк каражатты эч ким ала элек

БИШКЕК, 9-янв. — Sputnik. Сүйүнчү пул бала төрөлөөрү менен берилбейт. Бул тууралуу Sputnik Кыргызстан маалымат агенттигине Эмгек жана социалдык өнүктүрүү министрлигинин маалымат катчысы Кымбат Кадыралиева билдирди.

Эске салсак, 2018-жылдын 1-январынан тарта "Мамлекеттик жөлөк пулдар жөнүндө" мыйзамдын "балага сүйүнчү" пункту ишке кирген. Анда ушул жылдын январь айынан баштап төрөлгөн бардык ымыркайга 4000 сом өлчөмүндө акча берилиши керек болчу.

Бирок Социалдык өнүктүрүү министрлигинин маалыматына ылайык, учурда көмөк каражатты эч ким ала элек.

"Сүйүнчү акча бала төрөлөөрү же документтерди тапшыраары менен дароо берилбейт. Ымыркай жарык дүйнөгө келген соң ата-энеси анын туулгандыгы тууралуу документин алып, ага кошуп тийиштүү документтерин жергиликтүү социалдык башкармалыкка тапшырат. Андан соң аталган башкармалык 10 жумуш күндүн ичинде документтерди бирдиктүү маалымат базасынан карап чыгып, тийиштүү каражатты чектейт. Жергиликтүү социалдык башкармалыкта накталай акча жок болгондуктан сүйүнчү пулга каражатты Финансы министрлиги почта аркылуу которот. Мындан улам январь айында документ тапшырган ата-энелердин акчасы февралда чыгып калат", — деди Кадыралиева.

Ал ошондой эле тийиштүү документтердин баарын жөнөткөн ата-энеге эң кеч дегенде бир айдын ичинде сөзсүз сүйүнчү пул чыгарын кошумчалады.

"Сүйүнчү пулду ата-эне бир жыл ичинде алса болот. Башкача айтканда кандайдыр бир шарттан улам документин дароо тапшыра албагандар бала бир жашка чыкканга чейин аталган сумманы ала алат. Ар бир ымыркайга 4000 сом каралган. Эгер тоолуу аймак болсо андан көп алат. Ошондой эле эгер үч эм же эгиз балдар төрөлсө алардын ар бирине өзүнчө акча чыгат" — деди маалымат катчы.

Сүйүнчү пул алуу үчүн керектүү документтер:

— Ата-энесинин паспорту (ажырашкан болсо баланы ким багып жатса ошонун паспорту талап кылынат);

— Баланын күбөлүгү;

— Жашаган жеринен справка;

— Эгер бала багып алынган болсо мыйзамдуу түрдө багып алууга уруксат берген соттун чечими керек.

"Мамлекеттик жөлөк пулдар жөнүндө" мыйзамдын "балага жөлөк" жана "үй-бүлөгө көмөк" пунктулары учурда Жогорку Кеңеш менен Эмгек жана социалдык өнүктүрүү министрлиги тарабынан кайра каралууда. Себеби аталган эки бөлүккө Нарын шаарынын айрым тургундары каршы чыгып, ачкачылык жарыялашкан. Аталган мыйзамды эл өкүлдөрү Аида Касымалиева менен Карамат Орозова демилгелеген.

3820
Белгилер:
сүйүнчү, ата-эне, каражат, каржылоо, бала
Тема:
Жөлөк пул (30)
Тема боюнча
Кыргызстанда жаңы төрөлгөн бардык ымыркайлар үчүн сүйүнчү акча бериле баштады
Жогорку Кеңеш жөлөк пул боюнча өзгөртүүлөрдүн мөөнөтүн узартты
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

44
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

44
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Эгин талаа. Архив

Жумага карата аба ырайы

49
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт