Үй куруу. Архивдик сүрөт

Жээнбеков: быйыл ипотекалык насыя бардык жарандарга 8% менен бериле баштайт

3995
(жаңыланган 10:17 12.01.2018)
Мамлекет башчы Нарын облусуна жумушчу сапары менен барган

БИШКЕК, 11-янв. — Sputnik. Сооронбай Жээнбеков 2018-жылдан тарта Мамлекеттик ипотекалык компания турак жайларды сатып алууга насыяларды бардык каалоочуларга бере баштай турганын айтты. Бул тууралуу президенттин маалымат кызматынан кабарлашты.

Мамлекет башчы мындай пикирин Нарын облусуна болгон жумушчу сапарынын алкагында Кочкор районунун жашоочулары менен жолугуп жатып билдирген. 

Президент Кыргызской Республики Сооронбай Жээнбеков во время рабочей поездки в Жумгальский и Кочкорский районы Нарынской области, где встретился с жителями районов.  10 января 2018 года
© Пресс-служба президента КР / Султан Досалиев
Сооронбай Жээнбеков Нарын облусуна болгон жумушчу сапарында

"Быйыл, 2018-жылдан тарта, мамлекеттик кызматкерлер гана эмес, бардык каалаган КР жарандары ипотекалык насыяларды жылына 8 пайыз менен ала башташат. Ошондой эле келечекте ипотекалык насыялоонун пайыздык чени 6 пайызга чейин төмөндөйт", — деп Жээнбеков билдирген.

Жергиликтүү тургундар өз учурунда социалдык, инфраструктуралык жана ирригациялык объектилерди куруу, ЕАЭБдин алкагында айыл чарба соода-сатыгы, фитосанитардык жана ветеринардык көзөмөл, азык-түлүк коопсуздугу тууралуу суроолорду узатышкан.

Ал эми президент бардык маселелер чечиле турганын, башкысы өлкөдө туруктуулук, ынтымак, талыкпаган эмгек болушу керектигин белгилеп өткөн.

3995
Белгилер:
эл, Сооронбай Жээнбеков, Нарын
Тема:
Мамлекеттик ипотекалык насыя берүү (62)
Тема боюнча
МИК ипотекалык насыя берүүгө арыздарды кабыл алуусун улантып жатат
Кийинки жылдан тарта мамлекеттен айлык албагандарга да ипотека бериле баштайт
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

35
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

35
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

34
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

34
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты