Өкмөт башчы Сапар Исаков Кара-Буура районунун Шекер айылындагы белгилүү кыргыз жазуучусу Чыңгыз Айтматовдун 90 жылдыгына арналган юбилейлик иш-чаранын ачылыш аземине катышты.

Исаков: Таластын Шекер айылына "Чыңгыз Ордо" курулат

108
(жаңыланган 17:47 13.01.2018)
Өкмөт башчы Шекер айылындагы белгилүү кыргыз жазуучусу Чыңгыз Айтматовдун 90 жылдыгына арналган юбилейлик иш-чаранын ачылыш аземине катышты

БИШКЕК, 12 янв — Sputnik. Кыргызстан – улуу өлкө, анткени анын Чыңгыз Айтматовдой мыкты инсандары бар. Бул тууралуу премьер-министр Сапар Исаков билдирди.

Өкмөт башчы бүгүн, 12-январда, Талас облусуна болгон жумушчу сапарынын алкагында Кара-Буура районунун Шекер айылындагы белгилүү кыргыз жазуучусу Чыңгыз Айтматовдун 90 жылдыгына арналган юбилейлик иш-чаранын ачылыш аземине катышты.

  • Рабочая поездка премьер-министра КР Сапара Исакова в Таласскую область
    Өкмөт башчы Сапар Исаков Кара-Буура районунун Шекер айылындагы белгилүү кыргыз жазуучусу Чыңгыз Айтматовдун 90 жылдыгына арналган юбилейлик иш-чаранын ачылыш аземине катышты.
    © Пресс-служба правительства / Сабыр Аильчиев
  • Рабочая поездка премьер-министра КР Сапара Исакова в Таласскую область
    Исаков Чыңгыз Айтматов XX кылымдын улуу жазуучусу, дүйнөлүк адабияттын казынасына өз чыгармалары аркылуу чоң салымын кошкон маданияттын залкар өкүлү экенин белгиледи.
    © Пресс-служба правительства / Сабыр Аильчиев
1 / 2
© Пресс-служба правительства / Сабыр Аильчиев
Өкмөт башчы Сапар Исаков Кара-Буура районунун Шекер айылындагы белгилүү кыргыз жазуучусу Чыңгыз Айтматовдун 90 жылдыгына арналган юбилейлик иш-чаранын ачылыш аземине катышты.

Исаков Чыңгыз Айтматов XX кылымдын улуу жазуучусу, дүйнөлүк адабияттын казынасына өз чыгармалары аркылуу чоң салымын кошкон маданияттын залкар өкүлү экенин белгиледи.

"Чыңгыз Айтматов белгилүү жазуучу, философ катары биздин өлкөбүздү жалпы дүйнө жүзүнө тааныткан. Улуу жазуучубуздун китептери дүйнөнүн 170тен ашуун тилине которулган. Кыргызстан дүйнөгө Чыңгыз Айтматов сыяктуу талантты тартуулаганы менен сыймыктанат. Ошондуктан анын адабий мурастарына тийиштүү баа берилип, анын чыгармачылыгы тууралуу келечек муун билүүсү үчүн колдон келген аракеттерди жасоо керек. Чет өлкөгө чыкканда менин Кыргызстандан экендигимди билишкенде, көпчүлүгү аны Чыңгыз Айтматовдун мекени катары тааный турганын толкундануу менен билдиришет", — деди премьер-министр.

Исаков маалымдагандай, кечээ Кара-Буура районунун Шекер айылындагы 15 гектар жерди "Чыңгыз Ордо" маданий комплексин курууга трансформациялоо жөнүндө өкмөттүн токтомуна кол коюлду.

Ошондой эле республикалык бюджеттин эсебинен жазуучунун кичи мекени Шекер айылындагы жазуучунун үй-музейи реконструкцияланмакчы.

Мындан тышкары, Айтматовдун 90 жылдыгын майрамдоого арналган юбилейлик иш-чаралар Кыргызстанда гана эмес, чет мамлекеттерде да жогорку деңгээлде өткөрүлөт. Мисалга, Москва шаарында Чыңгыз Айтматовдун эстелиги тургузулат.

Исаков кыргыз тараптын демилгеси менен Түрк маданиятынын эл аралык бирикмеси (ТЮРКСОЙ) 2018-жылды жазуучу Чынгыз Айтматовдун жылы деп жарыялаганын кошумчалап өттү.

108
Белгилер:
эскерүү, жазуучу, Чыңгыз Айтматов, Кыргызстан
Тема боюнча
Москва шаарына 28 млн. сомго Чыңгыз Айтматовдун эстелиги орнотулат
Айтматовдун "Кылым карытар бир күн" романы белорус тилине которулат
Жээнбеков Айтматовдун 90 жылдыгын белгилөө бүгүнтөн тарта башталарын билдирди
Пикирлер