iPhone X телефону. Архив

Бишкекте смартфондун баасы эмнеге кымбаттап жатканын адистер айтып берди

2311
(жаңыланган 10:20 17.01.2018)
Смартфондордун баасы тууралуу экономика министринин орун басары жана бир катар адистер пикирин билдирди

БИШКЕК, 14-янв. — Sputnik. Бишкектеги "Айчүрөк" дүр-дүйнө дүкөнүнүн (ЦУМ) сатуучулары смартфондордун баасын кымбаттатканын Sputnik Кыргызстан агенттигине окурмандар билдирди.

Ошондой эле редакцияга дагы "Apple компаниясынын телефондору чындап эле кымбаттап жатабы" деген суроо менен бир нече жаран кайрылды.

"Бүгүн ЦУМга баргам. Сатуучулар iPhone телефонунун баасы болжол менен 45 долларга кымбаттаганын айтышты. Мындай кымбаттоону ЕАЭБде Бажы кодексинин күчүнө кириши менен түшүндүрүштү", — деди окурмандардын бири.

Дагы бир окурман "Айчүрөк" дүр-дүйнө дүкөнүнүн сатуучулары кийинки аптадан тарта смартфондордун баасын кымбаттатууну болжолдоп жатканын айтты.

"Эртең, бүрсүгүндөрдөн iPhone телефонунун баасы сезилерлик эле кымбаттай турганын айтышты. Сатуучулар Дубайда техникалык продукцияларга болгон кошумча нарк салыгынын кымбатташына байланыштуу деп жатышат", — деди окурман.

Ал эми экономика министринин орун басары Алмаз Сазбаков телефондордун кымбатташы ЕАЭБге байланыштуу эместигин Sputnik Кыргызстан агенттигине билдирди.

Директор агентства по продвижению инвестиций Алмаз Сазбаков
© Sputnik / Табылды Кадырбеков
Экономика министринин орун басары Алмаз Сазбаков

Ал ошондой эле эгер баалар Бажы кодексинин айрым пункттары боюнча кымбаттай турган болсо, импорттолгон бардык товарлар кымбатташы керек эле деп кошумчалады.

"Кымбаттоонун ЕАЭБдин Бажы кодексине эч кандай тиешеси жок. Бул документтен тышкары импорттолгон телефондорго таасир бере турчу эч нерсе күчүнө кирген жок. Эгер телефондун баалары чындап эле көтөрүлсө, аларга башка факторлор таасир берген", — деди Сазбаков.

Борбор калаада Apple компаниясынын продукцияларын саткан ишкерлердин бири абал боюнча пикирин Sputnik Кыргызстан агенттигине билдирди.

Дүкөндө тамеки сатуу. Архив
© Sputnik / Константин Чалабов
Анын айтымында, Дубайда техникага карата салыкты беш пайызга көтөрүү боюнча мыйзам кабыл алынат экен деген маалымат учурда Бишкектеги ишкерлер арасында жүрүүдө. Башкача айтканда iPhone X телефону 1000 доллар болсо, мыйзам кабыл алынгандан кийин 1050 доллар болуп калат.

"Балким бул Дубайда телефондун таңкыстыгына байланыштуу болушу ыктымал. Жаңы жыл алдында бардыгын сатып алышты, жаңы продукция рынокко чыга элек. Кампаларда аз эле телефон бар, айфон бардыгына жетпейт, талап да күчтүү. Андыктан баалар атайылап көтөрүлүп жатат. Корко турчу деле эч нерсе жок. Мындай нерсе жыл сайын эле болот", — деди ишкер.

"Евразиялыктар — жаңы толкун" фондунун өкүлчүлүгүнүн директорунун орун басары Денис Бердаков болсо бажы алымдары жаатында телефондордун баасына таасир берүүчү эч нерсе өзгөрбөгөнүн айтып, айрым соодагерлер бааны атайылап көтөрүүгө аракет кылып жатканын кошумчалады.

Председатель Молодежного аналитического клуба КР Денис Бердаков во время видеомоста Бишкек — Ереван на тему Кыргызстан — Армения: экономическое партнерство и перспективы.
© Sputnik / Табылды Кадырбеков
"Евразиялыктар — жаңы толкун" фондунун өкүлчүлүгүнүн директорунун орун басары Денис Бердаков

Ал ошондой эле Apple компаниясынын продукциялары Бириккен Араб эмирлигинде КМШ мамлекеттерине салыштырмалуу бир топ арзан турарын белгиледи. Буга чейин айрым жеткирүүчүлөр Дубайдан алган телефондорду Кыргызстанга көмүскө түрдө алып кирип, тийиштүү деңгээлде документтерди толтурбай аны Бишкектен кымбат сатып келишкен.

"Азыр ЕАЭБдин эрежелери күчүнө кирип жатат, көмүскө түрдө товарларды алып келүү дээрлик мүмкүн болбой калат. Андыктан товар жеткирүүчүлөр бааны атайылап көтөрүп жатат", — деди ал.

ЕАЭБдин Бажы кодекси 2018-жылдын 1-январынан тарта күчүнө кирген.

2311
Белгилер:
Бишкек, Apple, баалар, телефон, iPhone
Тема боюнча
Samsung ийилчээк смартфондор эмнеге чыгарылбай жатканын түшүндүрдү
Парктагы кишилер. Архив

Дүйшөмбүгө карата аба ырайы

31
25-октябрга караган түнү республиканын аймагында жаан-чачын жаабайт. Түштүк-чыгыштан соккон шамалдын ылдамдыгы секундасына 3-8 метрге жетет.

БИШКЕК, 24-окт. — Sputnik. Дүйшөмбүдө күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Талас жергесинде +12...+17, Ош, Жалал-Абад, Баткен облустарында +15...+20, Ысык-Көл чөлкөмүндө +10...+15, ал эми Нарын аймагында +7...+12 градус болору айтылды.

Термометрдин көрсөткүчү Бишкекте +15...+17, Ош калаасында +17...+19 градуска жетет.

31
Белгилер:
октябрь, Кыргызстан, аба ырайы
Тема боюнча
Кар жаайбы? Бир жумага карата аба ырайы

Кыргызстанда майды аз ичкен унаалар канчадан сатылууда. Инфографика

105
(жаңыланган 20:39 24.10.2021)
Sputnik Кыргызстан көбүрөөк суроо-талап менен сатылып жаткан майды аз ичүүчү автоунаалардын баасы кандай өзгөргөнүн анализдеп көрдү.
Кыргызстанда эң өтүмдүү  автоунаалардын баасы

Инфографикада чыккан жылы жаңы унаалардын орточо наркы берилген. Мониторинг autobaza.kg, cars.kg, turbo.kg жана mashina.kg ресурстарына чыккан маалыматка карап январь-октябрь айларында жүргүзүлдү.

Эң көп сатылган 10 автоунаага төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Дээрлик бардык унаалар 200дөн 1000 долларга чейин кымбаттаган.

Сатуучулар жана эксперттер машинанын баасы улам кымбаттай берет деген пикирде. Экономист Элдар Абакиров буга акчанын кунунун кетиши таасир этерин айтат.

"Элде накталай акча бар, бирок аны менен бай болуп кете албайсың. Болгону акча кунун жоготуп баратат. Ушундан улам баары, анын ичинде машина дагы кымбаттап жатат", — деди эксперт.

Чет өлкөдөн машина ташуучу компаниянын кожоюну Данияр Салякаев баалардын төмөндөшүнө үмүт артпай эле коюу керек деген пикирде.

"Учурда дээрлик баары кымбаттап жатат, ал эми машина суроо-талап менен колдонулат. Мындай кырдаалда эч качан арзандабайт. Бул реалдуулук, жакшы машина алуу үчүн акча чогултуш керек", — деди ал.

"Элчи" социалдык-саясий изилдөөлөр борборунун директору Денис Бердаков мындай жагдайга ири автоконцерндер тушуккан каатчылык түздөн-түз себепкер экенин белгилейт.

"Машина өндүрүүчүлөр кыймылдаткычтар үчүн керектүү тетиктердин тартыштыгына кабылышты. Тагыраагы, башкаруунун электрондук блокторунун, тышкы электр жабдууларынын, жабдыктарды башкаруу панелинин, мультимедиалык системалардын микросхемалары азыр жетишсиз болуп турат. Ушул өңдүү тетиктердин өндүрүш көлөмү пандемиянын, ар кыл мамлекеттердеги ушул багыттагы өндүрүш ишканаларына коюлган чектөө чараларынын айынан азайып кеткен", — деген оюн ортого салды эксперт.

Кыргызстанда автоунаалардын баасы кымбаттап жатканына чет өлкөдөн массалык түрдө транспорт ташылбай калганы да себеп болууда.

105
Белгилер:
Кыргызстан, автоунаа, баа, сатып алуу, кымбат
Тема боюнча
Кыргызстандагы алдыңкы 10 жолтандабас менен кроссовердин баасы кандай өзгөрдү
Беларусь аскер кызматкерлери

НАТОнун "баш оорусу": Беларусь моюн сунгусу жок

0
(жаңыланган 22:04 24.10.2021)
Беларусь Россия менен союздаштыкты бекемдөөдө. Буга жаңы пландар, биргелешкен машыгуулар, аскердик жана аскердик-техникалык өз ара аракеттешүү, күчтөрдү жана башкаруу органдарын даярдоо масштабын кеңейтүү чаралары далил.

Узаган жумада Беларусь Республикасы жана Россия Федерациясынын коргоо министрлеринин коллегиясы өтүп, 2022-жылга карата кызматташуунун – биргелешкен 139 иш-чаранын пландары бекитилди. Аларда Беларусь жана Россиянын аскердик багыттагы бириккен тутумдарын, эки өлкөнүн күчтөрүнүн чөлкөмдүк топторун өнүктүрүү, ошондой эле радиациялык, химиялык жана биологиялык коргоо, радиоэлектрондук күрөш, топогеодезиялык жана навигациялык камсыздоо тармактарындагы кызматташуу камтылган. Эки союздаш мамлекеттин ортосундагы алакалар жана ушул багыттагы кызматташууларын аскерий баяндамачы Александр Хроленко талдаган.

Минск жана Москва 2023-жылы "Союз калканы" биргелешкен стратегиялык окууларды өткөрүүгө макулдашып, Беларусь Республикасынын аймагында РФтин аскердик объектилерин (Барановичи шаарында ракеталык кол салуунун алдын алуу тутумдар түйүнү жана Вилейка калаасындагы РФ Аба-деңиз флотунун радиостанциясы) жайгаштыруу жөнүндө келишимди узартышты.

Өлкөлөр союздаш мамлекеттердин коргоо тармагындагы аракеттердин биримдигин, милдеттерди аткарууга умтулууну тастыкташты. Батыш өлкөлөрү тарабынан коопсуздук коркунучу, саясий жана экономикалык кысымы аталган Россия менен Беларусту жакын арада союздаш мамлекеттин жаңы аскердик доктринасын кабыл алууга аргасыз кылууда. Беларусь жана Польша, Беларусь - Литва чек араларында кооптуу чыңалуу бар.

Мурда Варшава беларустук чек арачылар польшалык жоокерлерди аткылаганын кабарлаган. Эске салсак, анда жабыр тарткандар болгон эмес. Беларустун "баш ийбестигине" Минскинин Москва менен аскердик кызматташуусуна жамааттык Батыштын кыжыры кайнап келет. Лексингтон институтунун (АКШнын мамлекеттик саясат аналитикалык борбору) улук талдоочусу Сара Уайт: "Беларустун саясий тутуму, экономикасы жана Куралдуу күчтөрүнүн бардык деңгээлдериндеги Россиянын орду НАТОнун батыш фронтун кескин түрдө артка түртөт. Анан да эгер Россия жана Беларусь бир саясий түзүмгө бириксе, НАТОнун аталган фронттун чегиндеги мамлекеттерине тобокелдигин болжоо да мүмкүн эмес" - дегени бар. Кандай тобокелдик болушу мүмкүн экени түшүнүксүз, бирок НАТОго чыгыш европалык өлкөлөрдүн мүчөлүгү, аталган альянстын 1991-жылдан берки абалы сымал эле рационалдуу негизге ээ эмес.

Кимдин ким экени...

РФ коргоо министри Сергей Шойгу 20-октябрда россиялык-беларустук аскердик коллегияда кабыл алынган чечимдер союздаш мамлекеттин коопсуздугун 2024-жылга дейре бекемдөөнү өбөлгөлөй турганын билдирди.

Беларусь жана Россия эч кимге кооптуулук туудурбайт, жамааттык Батыштын саясий, экономикалык жана аскердик кысымына гана жооп кайтарат. РФтин Брюсселден Вашингтонго чейинки мейкиндиктеги агрессорлорго асимметриялык өч алууга кепилдигин туюндурган Аскердик доктринасын Пентагон жана НАТОдогулар көңүлгө түйүп алганы дурус. Кошмо Штаттардын аскердик-саясий эркинен көз каранды болгон европалык 28 өлкөнүн жетекчилери бул механизмдин бар-жогуна ишенип же ишенбей кое алышар, бирок аскер жетекчилери жооп иретиндеги өзөктүк соккунун натыйжалуулугу жана сапатын иш жүзүндө сынабай эле койгону оң.

Чыгыш Европада андай аскердик авантюраларды пландоонун өзү франциялык президент Эммануэль Макрон эки ирет диагноз койгондой НАТО "акылдан тайганы" болмок.

Негизги көйгөй миграция эмес

Балтика өлкөлөрү жана Польшанын аскердик бөлүктөрү НАТОнун контингентинин курамында Ирак жана Афганистандагы тынчтык жана калыптанып калган жашоо образын бузууга катышканы унутула элек. Бүгүн аталган ушул эки мамлекеттен агылган көч Прибалтикага жетип калды. Аларды азыр зым менен тосулган дубалдар да, куралчан чек арачылар да токтото албайт. Варшава менен Вильнюс азыркы окуялардын маңызын түшүнгүсү да жок. Жоопкерчиликти алар Минск менен Москванын "гибриддик агрессиясына" жүктөөгө тырышууда.

Польшанын бийликтеги "Укук жана адилеттүүлүк" партиясынын лидери Ярослав Качиньский 19-октябрда өлкөсүнө каршы "көп тепкичтүү гибриддик согуш" жүргүзүүдө деп Россияны айыптады. Айтымында, бул ири держава дароо эки фронтто, атап айтканда, Беларусь Республикасы менен чектешкен жерде жана Варшавада мигранттарды колдоп чыккан оппозицияны пайдалануу менен Польшага каршы иш жүргүзүп жаткан имиш.

Былтыркы жылдын аягында Польшада стратегиялык командалык-штабдык окуулар өткөн. НАТОнун стратегдеги америкалык Abrams танкалары, HIMARS залптык ок тутумдары, Patriot зениттик-ракеталык комплекстери жана ал тургай F-35 истребителдеринин коштоосундагы "чыгыштагы душман" менен согуштун сценарийин түзүп чыккан. Баса, аталган истребителдер Польшанын колуна 2026-жылдан эрте тийбей турганы анык.

Альянс аскердик инфраструктураны бекемдеп, ошол эле убакта батыш багытында аскердик-саясий кырдаалды курчутууда. НАТОнун коргоо министрлери 21-октябрда "эки деңиз ортосундагы согуш" (Балтика жана Кара деңиз) Россияга каршы стратегиясын макулдашууга чогулганы маалым.

Россия менен альянстын алакасы Брюсселдин демилгеси менен үзүлдү. Пентагондун башчысы жеке өзү Тбилиси, Киев, Бухарестте сателиттердин аскердик духун көтөрүүдө. Батыш аналитиктери бул окуялардын ырааттуулугунан "согушка даярдыкты" баамдап, "эки дөө урушса, ортосунда чымын өлөт" дегендей, АКШ менен РФтин тирешинде чыгыш европалык өлкөлөрдүн жабыр тартарын, кокус куралдуу чоң жаңжал тутанып кете турган болсо, эң оболу НАТОнун чечим кабыл алуучу борборлору жок кылынарын болжошот. Америкалык эксперттер жогорку технологиялык куралдануу жаатында Россия Кошмо Штаттарды караандатпай турганын, Үчүнчү дүйнөлүк согушта утуларын боолголошот.

Вашингтондогу Heritage Foundation аналитикалык борбору АКШнын Аба-аскердик жана Космостук күчтөрүнүн бардык багыттагы дарамети жана согуштук мүмкүнчүлүктөрүн "маргиналдуу" жана "чабал" деп белгилегенинен кабардарбыз. Москвада өткөн Беларусь жана Россиянын күч органдарынын биргелешкен коллегиясы союздаш мамлекеттин коргоо дараметин жогорулатуу, Пентагон менен НАТО аларга чектеш Балтика, Польша жана Украина аймагынан сокку ура турган болсо мизи катуу кайтарыларын дагы бир ирет эскерткендей болду.

Аскерий баяндамачы Александр Хроленконун Telegram каналына жазылыңыздар.

0
Белгилер:
Беларусь, Россия, НАТО, альянс, Аскер, күч, биригүү, машыгуу, техника
Тема боюнча
НАТОнун Steadfast Noon 2021 машыгуусунун сырлары. Максаты эмне?
Дүйнөнү селт эттирип... Украина НАТОго кирсе эмне болот?