Кыргызстандын мамлекеттик кырк нурдуу желеги

Таштандыда калган мамлекеттик туу. "Сулайман-Тоо" музейинин башчысы үн катты

535
(жаңыланган 11:33 20.01.2018)
Музей директору Абдыкайым Кангелдиев музей кызматкери атайылап чуу жаратышы мүмкүн экенин билдирди

ОШ, 18-янв. — Sputnik. "Сулайман-Тоо" улуттук тарыхый-археологиялык музейинин жер төлөсүндө жерге төшөлгөн мамлекеттик туунун чыры иштен кеткен кызматкердин таарынычынан улам жаралган. Мындай пикирин аталган музейдин директору Абдыкайым Кангелдиев Sputnik Кыргызстан агенттигинин кабарчысына билдирди.

Анын айтымында, жер төлөдөгү полго төшөлгөн туунун окуясы ал жетекчи болуп келгенге чейин болушу мүмкүн.

  • Ремонт в музее Сулайман-Тоо в Оше
    "Сулайман-Тоо" улуттук тарыхый-археологиялык музейинин жер төлөсүндө жерге төшөлгөн мамлекеттик туу
    © Фото / Аширалы Маразыков
  • Ремонт в музее Сулайман-Тоо в Оше
    "Сулайман-Тоо" улуттук тарыхый-археологиялык музейинин жер төлөсүндө жерге төшөлгөн мамлекеттик туу
    © Фото / Аширалы Маразыков
1 / 2
© Фото / Аширалы Маразыков
"Сулайман-Тоо" улуттук тарыхый-археологиялык музейинин жер төлөсүндө жерге төшөлгөн мамлекеттик туу

"Мен бул кызматка 2017-жылдын 18-августунда дайындалгам. Ал эми туунун сүрөтүн интернетке жүктөгөн музейдин мурунку кызматкери Аширали Маразыков 2017-жылдын ноябрь айында пенсия курагына келгендиги үчүн өз арызы менен башкы сүрөтчүлүк кызматын тапшырып, жумуштан кеткен болчу. Эмгек жамаат аны сый-урмат менен ардактуу эс алууга узатканбыз. Ордуна өзү сунуштаган Айбек Шамшиев аттуу жаран дайындалган. Бирок Маразыков кызматтан кеткенден кийин бир жума өтпөй "мен үйдө отура албайт экенмин, кайра жумушка ал" деп келиптир. Анын ордуна башка кызматкер алынып калган. Башка штат да жок болчу. Ошол себептен ал мага таарынып, ушул ишке барып жатышы мүмкүн", — деди Кангелдиев.

Ал ошондой эле эскилиги жеткен тууларды жаңыга алмаштыруу Маразыковдун мойнунда болуп келгенин кошумчалады.

"Бул сүрөт Маразыковдун өзүнүн иш бөлмөсүндө тартылышы мүмкүн. Себеби ал кызматтан кеткенине үч айдын жүзү болсо да жаңы келген кызматкерге кабинетинин ачкычын өткөрүп бере элек", — деди Кангелдиев.

Ал эми Аширали Маразыков жерге төшөлгөн тууну 2017-жылдын 25-сентябрында сүрөткө тартып алгандыгын Sputnik Кыргызстан агенттигинин кабарчысына айтып берди.

"Бул сүрөт "Сулайман-Тоо" музейинин 1-кабатындагы 117-119-кабинеттеринде тартылган. Өткөн жылдын сентябрь айында ал жакта оңдоп-түзөө иштери жүргүзүлүп жаткан болчу. Жерге төшөлгөн тууга көзүм түшүп, оңдоо иштерин жүргүзүп жаткан балдардан тууну кайдан алгандарын сурасам, музейдин чарба иштери боюнча кызматкери Арзыкан Матыева бергендигин айтышты. Мен ошол замат бул көрүнүштү сүрөткө тартып алып, Арзыкан Матыеванын өзүнө да тууну жерге төшөө туура эместигин эскерттим. Директор Абдыкайым Кангелдиев анда директорлук кызматка жаңыдан келген эле. Ага да окуя тууралуу билдирип, мындай көрүнүшкө жол берген кызматкерлерди жоопкерчиликке тартуу керектигин айттым. Бирок эч ким сөгүш да алган жок", — деди Маразыков.

Ал ошондой эле музей жетекчилигине таарынычы бар экенин да жашырбады.

КСДП фракциясынын депутаты Рыскелди Момбековдун архивдик сүрөтү
© Фото / пресс-служба фракции СДПК
"Өткөн жылдын күз айларында ооруп калдым. Ноябрь айында пенсияга чыккандыгыма байланыштуу жумуштан өз каалоом менен кетүү тууралуу арыз жаздырып алышты. Кийинчерээк жумушка кайра аларын айткан директор убадасын аткарбай жатат. Ош шаарынын кире беришине орнотулган арканын авторумун, калаанын борборундагы "Алымбек датка" этнографиялык комплексине орнотулган Алымбек датканын эстелиги да менин колумдан жаралган. Мындан сырткары, калаадагы өчпөс от жана башка бир катар эстеликтерди жасап, эмгеги сиңген скульпторду ооруп жүргөн мезгилде иштен кетиришти. Ал эми тууну жерге тебелеткен кызматкерлерге жада калса сөгүш да берилбей жатканына таарынганым чын. Мен музей жетекчилигине эгерде тууну жерге тебелеткендерге чара көрүлбөсө сүрөттү коомчулукка жарыялай тургандыгымды алдын ала эскерткем", — деди Маразыков.

Эске салсак, буга чейин бир катар ЖМКлар "Сулайман-Тоо" улуттук тарыхый-археологиялык музейинин мурунку кызматкери Аширали Маразыков социалдык түйүндөргө музейдин жер төлөсүндө жерге төшөлгөн туунун сүрөттөрүн жарыялаганын жазып чыккан. Маразыков оңдоп-түзөө иштерин жүргүзүү учурунда туу таштанды салуу үчүн жерге төшөлгөндүгүн айтып, ага музейдин жетекчиси Абдыкайым Кангелдиевди айыптоо менен жазага тартууну талап кылганы айтылган.

535
Белгилер:
жер төлө, туу, музей, Сулайман тоо
Тема боюнча
Боз-Бөлтөктөгү жоголгон туу табылып, калыбына келтирилди
"Бишкек парк" итке калпак кийгизилген окуя боюнча элден кечирим сурады
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

14
(жаңыланган 15:17 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

14
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды

Бишкектик жигит бир жылда 60 килограммга арыктады! Шыктандырган видео

109
(жаңыланган 14:07 22.10.2020)
Бишкектин тургуну Орозбек Мейманбек уулунун салмагы 18 жашында эле 134 килограммга жетип калган. Бул көрүнүш өзүн гана санаага батырып, ден соолугуна кедергисин тийгизбестен, жакындарынын дагы тынчын ала баштаганын айтат.

Бирок жаш жигит өзүн колго алып, кесипкөй машыктыруучунун жардамы менен бир жылда 60 килограмм салмактан арыла алды. Учурда салмагы 74 килограмм. Мындан дагы бир аз ылдый түшсөм деген ою бар. Анткен менен жакында аскердеги күндөрү башталат.

Ал машыктыруучусу менен биргеликте Sputnik Кыргызстан агенттигине толук кезиндеги жана андан кийинки жашоосу тууралуу айтып, башкаларга дагы кеңеш берди.

Карантин бизге кеп бекен! Үйүн залга айландырып машыккан КР спортчулары. Видео

  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекчанин Орозбек Мейманбек уулу

Орозбек Мейманбек уулунун айтымында, бала кезинде арык эле болчу. Бирок 5-класстан тарта салмак кошулуп отуруп 16 жашында 93 килограммга, ал эми 18 жашында 134 килограммга чейин толуп кеткен. Былтыр жайында жашоосун өзгөртүүнү чечип, фитнес-залга баш баккан.

"Туура эмес тамактангам деп ойлойм. Сендвич, шаурма сыяктуу бат даярдала турчу тамактарды жечүмүн. Өтө толуп кеткенде басып-турганда, жатканда кыйналып, күйүгүп, алым кетип, бат чарчап калдым. Машыгуулар деле оңойго турган жок. Башында сөөктөрүм ооруп жүрдү, анан витаминдерди ичтим. Жөн гана машыгып койбостон, туура тамактанууга өттүм. Алгачкы бир айда эле 13 килограмм таштап, өзүмдү жеңил сезе баштадым, ишеним дагы пайда болду", — деди Мейманбек уулу.

Ал спорт жашоосун өзгөртүп, жакшы чөйрөгө туш кылганын айтып, башкаларды дагы ден соолугуна көңүл бурууга чакырды.

18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
© Sputnik / Табылды Кадырбеков
Бишкекчанин Орозбек Мейманбек уулу

"Арыктаганда биринчи кезекте апам сүйүндү. Туугандар, достор таң калышууда. Интернеттен кеңеш сурагандар көп. Азыркы жаштардын убактысы телефон, компьютер тиктөө менен өтүп жатат. Машыгууга жок дегенде күнүнө бир саат убакыт бөлсөңүздөр, ден соолукка эле пайда. Ондогон килограммды кетирүү зыян эмеспи деп сурагандар болушу ыктымал. Жакында эле армияга баруу үчүн медициналык кароодон өттүм. Кудайга шүгүр, дени-кардым соо экен", — деди жаш жигит.

Орозбек Мейманбек уулун пауэрлифтинг боюнча КРдин абсолюттук чемпиону, бодибилдинг, таяк тартыш боюнча Азиянын жана дүйнөнүн чемпиону Келдибек Атайбек уулу арыктаткан.

Атабек Азисбеков: Токио Олимпиадасында мен үчүн ыңгайсыз атаандаш болбойт

Машыктыруучу окуучусу менен "мырзаларча" сүйлөшүп алып, ойлогон максатка жетишкенин айтып берди.

Абсолютный чемпион КР по бодибилдингу Келдибек Атайбек уулу в тренажерном зале
© Sputnik / Табылды Кадырбеков
Абсолютный чемпион КР по бодибилдингу Келдибек Атайбек уулу
"Ороздун абалы тууралуу эжеси Instagram аркылуу жазган эле. Жумушка келсем Ороз ары карап отурган экен. Артынан карасаң чоң киши, астынан карасаң жаш бала... Бир четинен ушунчалык толуп кеткенге чейин ичип-жедиби деп ичимен ачуулансам, экинчиден, боорум ооруду. Дароо эркектик маселени койдук. Орозду эки нерсени танда: дагы деле ушунтип кыйналып жүрө бер же менин айткандарымды аткарасың дегем. Талыкпаган эмгектин, кыйынчылык, ишенимдин артынан бир жылда 60 килограмм салмак таштай алдык", — деди машыктыруучу.

Ал окуучуларынын ичинен арыктагандар боюнча Орозбек рекорд койгонун жана андан мотивация алган көптөгөн киши залга келип жатканын кошумчалады. 

Булар менен дүйнө сыймыктанчу! Олимпиаданы багынткан 8 кыргыз спортчусу

Машыктыруучу менен Орозбектин дагы бир нече килограмм таштайлы деген планы бар. Бирок 19 жаштагы жигитти жакында армияга алып кетишет. Ал милдетин аткаргандан кийин ИИМ академиясына тапшырып, милиционер болууну кыялданып жатат.

109
Белгилер:
ООрозбек Мейманбек уулу, Келдибек Атайбек уулу, видео, машыктыруучу, салмак, арыктоо, Кыргызстан
Тема боюнча
Netflix көк бөрү жөнүндө фильм тартты. Трейлери