Күйөө бала. Архивдик сүрөт

Көктөн түшө калсаң да... Күйөө балдар кыжырды кайнатканда

8618
(жаңыланган 23:41 23.01.2018)
"Күйөө баланы пайгамбар сыйлаптыр" деген кыргызда жакшы сөз бар. Өз кезегинде күйөө бала да ошол сыйга татыктуу болуп, чектен ашып кетпей кайын-журтка сылык мамиле кылганды билиши керек.

Кайын журтту теңине албай, башына чыгып кеткен да мырзалар жок эмес. Буга байланыштуу Sputnik Кыргызстан маалымат агенттиги кандай күйөө балдар кайын журттун кыжырын келтирерин тизмектеди.

Керсейген күйөө балдар. Кайын журтка барганда керсейип эки колду чөнтөктөн чыгарбай, унаасынан түшсөмбү-түшпөсөмбү деген күйөө балдарды көргөндө өпкөсүн гана үзгүң келет. Бул биринчиден кайын-журтка, келинчегине болгон сый-урматтын жоктугун далилдесе, экинчиден тарбиясыздыктын белгиси.

Кайын-журтунун көзүнчө аялын кагып-силкип, кемсинткендер. Жаманбы-жакшыбы ал сенин аялың. Анын үстүнө келинчегиңдин ата-энесинин төрүндө отурасың. Үйдөн деле корсулдап, басынтканың жетишет.

Үйүнө барса жактырбагандар. Айрым күйөө балдар үйүнө кайната-кайненеси келип калса бөлмөсүнөн чыкпай жата берет. Анан да жактырбай "булар качан кетет" дегендей түр көрсөтүп кабагын ачпай отурганын кантесиң! Кайын журт үйүңө жашап албайт, көп болсо кызынан кабар алганы же тапкан-тергенин силерге бергени келди да. Бир күн болсо да жакшылап коноктоп, сый көрсөтүп кой!

Кайын журтунун көзүнчө ичип-чегип, сөгүнгөндөр. Кээ бир күйөө балдарды көрүп оозуң ачылат. Кайын-журтунун (көбүнчө кайнене, кайнатасы) көзүнчө эле ичип, чегип, атургай стакан кагыштырып койгондо күйбөгөн жериң күл болот. Күйөө баланын кайын журт менен сый болгону жакшы.

Үй-бүлөсүн тыңыраак бага албагандар. Оозу менен орок оруп, бирок колунан ныпым иш келбеген, анан да аялынын мойнунда отурган күйөө балдар кайын журттун итатайын тутултат. Үй-бүлөсүн бага албагандан кийин эмнеге үйлөнөт?

Аялына кол көтөргөндөр. Мындайлар арабызда сейрек кездешсе керек. Бирок кызын талпактан бетер тепкилеген күйөө балага кайсы кайын журт чыдасын…

Ордун билбегендер. Албетте, күйөө баланын орду келиндикине салыштырмалуу өйдөрөк. Бирок төргө өтүп, каалаганын кылууга болбойт. Кайын журтка айда-жылда бир барасың, конок тоссо малын союшуп, эл тейлеп, анча-мынча кызмат кылып койсоң эч жериң кемип калбайт.

8618
Белгилер:
каада-салт, салт, менталитет, күйөө бала, Кыргызстан
Тема:
Кыжырды кайнаткандар (57)
Тема боюнча
Үйлөнүү үчүн сөзсүз куда түшүп, кызга сөйкө салуу керекпи? Каадалардын мааниси
Кыз узатуудагы 7 "болбойт"
Кайындарыңызды кандай билесиз? Күйөө балдарга тест
Жубайларга байланыштуу 11 "болбойт"
Коронавируска анализ алган медик. Архивдик сүрөт

Чүй менен Бишкекте азайбай койду. Коронавирус боюнча соңку маалымат

8
(жаңыланган 10:00 02.12.2020)
Расмий маалымат боюнча, өлкөдө жугуштуу ооруга кабылгандардын саны 74 миңге жакындап бара жатат. Анын тең жарымы айыкты.

БИШКЕК, 2-дек. — Sputnik. Кыргызстанда соңку суткада 335 киши коронавирус инфекциясын жугузуп алды, ошондой эле 478 бейтап ооруну жеңди. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 84;
  • Ош — 28;
  • Чүй облусу — 107;
  • Ош облусу — 35;
  • Талас облусу — 2;
  • Нарын облусу — 15;
  • Ысык-Көл облусу — 25;
  • Жалал-Абад облусу — 17;
  • Баткен облусу — 22.

Ушуну менен өлкөдө COVID-19 жуктургандар 73 513кө жетти.

Акыркы суткада оорудан сакайып чыккандар (пневмонияны эсепке алганда):

  • Бишкек — 113;
  • Ош шаары — 7;
  • Чүй облусу — 100;
  • Ош облусу — 56;
  • Талас облусу — 18;
  • Нарын облусу — 7;
  • Ысык-Көл облусу — 64;
  • Жалал-Абад облусу — 66;
  • Баткен облусу — 47.

Жугуштуу ооруну жеңгендердин жалпы саны 65 189га жетти.

8
Белгилер:
жуктуруу, айыгуу, оору, бейтап, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирус жуктурган мектеп жашындагы балдар. Статистика
Сооронбаев: сасык тумоо менен коронавирусту айырмалоо өтө кыйын экен
Азык-түлүктүн жарманкеси. Архивдик сүрөт

Бишкекте азык-түлүктүн баасын арзандатуу үчүн жарманкелер ачылат

15
(жаңыланган 09:58 02.12.2020)
Новиковдун айтымында, социалдык маанилүү товарлардын кескин кымбаттап кетиши тургундарды бир топ ыңгайсыз абалга кептеп жатат. Андыктан тез арада абалды жөнгө салуу боюнча аракеттер көрүлүшү керек.

БИШКЕК, 2-дек. — Sputnik. Премьер-министрдин милдетин аткаруучу Артем Новиков Бишкек шаарынын мэринин милдетин аткаруучу Балбак Түлөбаевди кабыл алып, ага калаанын ар бир районунда айыл чарба азыктары сатылчу жарманке ачуу тапшырмасын берди. Бул тууралуу өкмөттүн маалымат кызматынан билдиришти.

Новиковдун айтымында, социалдык маанилүү товарлардын кескин кымбаттап кетиши тургундарды бир топ ыңгайсыз абалга кептеп жатат. Андыктан тез арада абалды жөнгө салуу боюнча аракеттер көрүлүшү керек.

"Бул үчүн бир жуманын ичинде Бишкектин ар кайсы жерлерине фермерлердин, даяр азык-түлүк өндүргөн ишкерлердин жана ири импортерлордун товарлары сатылган жарманкелер ачылышы керек. Фермерлер менен ишкерлер жарманкеде өз товарларын үстүнө көп акча кошпой, дүң баа менен берүүгө даяр. Ири соода борборлору жарманке үчүн өздөрүнүн аймагынан орун берүүгө макулдугун беришкен", — деди Новиков.

Ал эми Түлөбаев мындай жарманкелерге даярдык жүрүп жатканын жана ага катышууга 200дөй өндүрүүчү макул болгонун билдирди.

15
Белгилер:
азык, жарманке, Бишкек, Артем Новиков, Балбак Түлөбаев
Тема боюнча
Россиянын азык-түлүк жардамын 125 миң кыргызстандык алат
Дарыгер боорго зыяндуу азык-түлүктөрдү атады. Тизме
Табигый үч азык коронавирусту организмден басып коё алат. Иликтөө
Коронавирустан каза болгон бейтап. Архивдик сүрөт

COVID-19: өткөн суткада Бишкек менен Ошто бирден киши көз жумду

0
(жаңыланган 09:59 02.12.2020)
Каза болгон эки жарандын бири Бишкек шаарынын, экинчиси Ош облусунун тургуну болгон. Ушуну менен көз жумгандардын жалпы саны 1 277ге жетти.

БИШКЕК, 2-дек. — Sputnik. Өткөн суткада коронавирустан эки адам каза тапты. Бул тууралуу Республикалык штаб маалымдады.

Билдирүүгө ылайык, көз жумгандардын бири Бишкек шаарынын, экинчиси Ош облусунун тургуну болгон.

Ушуну менен көз жумгандардын жалпы саны 1 277ге жетти.

Азыркы тапта ооруканада 2 651 бейтап дарыланып жатат. Анын ичинен 119 бейтаптын абалы өтө оор деп бааланууда.

Ооруканада жаткандар:

  • 27 — канааттандырарлык абалда;
  • 1 794 — орто оор;
  • 711 — оор;
  • 119 — өтө оор абалда.

Ал эми 3 600 бейтаптын медициналык жардамды үйлөрүнөн алып жатканы маалым болду.

0
Белгилер:
статистика, өлүм, коронавирус, Кыргызстан
Тема боюнча
Чүй менен Бишкекте азайбай койду. Коронавирус боюнча соңку маалымат
Биолог: коронавирустун жеңил формасынын да кесепети оор болот