Бейтап. Архив

Эркектер боор рагына көбүрөөк кабылат. Себеби эмнеде?

5228
(жаңыланган 19:20 27.01.2018)
Өлкө боюнча боор рагы, башкача айтканда залалдуу шишик оорусу менен 400дөй киши жабыр тартат, анын ичинен 160ын аялдар түзөт.

Аталган дарттын келип чыгышы жана анын алдын алуу боюнча Бишкектеги Улуттук онкология жана гематология борборунун абдоминалдык жана жалпы онкология бөлүмүнүн онкохирургу, медицина илимдеринин кандидаты, жогорку категориядагы дарыгер Сүйүтбек Дөөлөтбеков айтып берди.

Врач-онколог отделения абдоминальной и общей онкологии в национальном центре онкологии Суйутбек Доолотбеков
© Sputnik / Гульдана Талантбекова
Бишкектеги Улуттук онкология жана гематология борборунун абдоминалдык жана жалпы онкология бөлүмүнүн онкохирургу, медицина илимдеринин кандидаты, жогорку категориядагы дарыгер Сүйүтбек Дөөлөтбеко

Аныктамасы

Боор рагы – боор клеткаларынан чыккан залалдуу шишик. Залалдуу шишик гепато-целлюлярдуу карцинома жана холангиокарцинома (өт жолдорунун шишиги) деп эки түргө бөлүнөт. Дүйнө жүзүндө гепатоцеллюлярдуу карцинома бардык залалдуу шишиктердин арасынан эркектерде бешинчи, ал эми аялдарда сегизинчи орунда турат. Боор рагы аялдарга салыштырмалуу эркектерде эки эсе көп кездешет. Бул мырзалардын ичимдикти көбүрөөк ичкени менен байланыштуу. Илдет көбүнчө 40 жаштан кийин байкалат, бирок жаштарда да кездешпей койбойт.

Себептери

Гепатиттин В жана С өнөкөт формалары убагында дарыланбаса, алкоголдук ичимдиктер, боордо ашыкча темирдин топтолушу (гемохроматоз) циррозго алып келип, боор рагына айланышы мүмкүн. Афлатоксиндер (туура эмес сакталган азык-заттарда: күрүч, буудай, арахисте пайда болот), химиялык заттар (мышьяк, радий), паразитардык оорулар (описторхоз, амебиаз) боор рагына алып келиши ыктымал.

Оорунун белгилери

Адамдын арыктоосу жана тамакка болгон табиттин жоголуусу, алсыздык, кандын азайышы, ичтин көбүүсү, ич өтүү, көңүл айлануу жана кусуу, дененин ысышы, оң кабырганын асты дүпүйүп, оорлошуп калуусу кирет. Оору күчөгөндө адамдын өңү, көздүн агы саргайып, териси кычышып, заарасы кочкул түскө өтүп, ичине сары суу толо баштайт. Бул белгилер сөзсүз түрдө боор рагына эмес, боордун башка ооруларына да тиешелүү болуп саналат.

Диагностикасы

Оорулууну сурамжылоо, акыбалын текшерүү, ультрадобуш изилдөөсү, МРТ жана компьютердик томографияны колдонуу менен диагноз коюга мүмкүн. Андан сырткары, боор шишигине тиешелүү болгон АФП анализи, лапароскопия жана шишиктин өзүнөн биопсия алып, гистологиялык изилдөө жүргүзүп, ооруну так аныктаса болот.

Оорунун стадиялары

Боор рагы 4 стадиядан турат:

I стадия. Шишиктин чоңдугу эки сантиметрге жетпейт жана кан тамырларга жете элек болот. Бул убакта бейтапка дарт анчалык сезилбейт, адам алсыз болуп, бат чарчашы мүмкүн. Башка ооруларды текшерип жатып шишик табылып калышы ыктымал, күчөй элек кезинде дарылоонун натыйжасы жакшы болот.

II стадия. Бул стадияда шишик чоңоюп, кан тамырларга өтө баштайт. Оорулуу жумуш жасаганда кез-кезде ичинин ооруганын сезет.

III стадия. Шишик мурдагыдан да чоңоюп же көбөйөт да, боордун ири кан тамырларына өтүп, боордун астында бездер пайда болуп калат. Бул этапта да дарылоого мүмкүнчүлүк бар.

IV стадия. Бул стадия оорунун өтүшүп кеткен мезгили болот. Шишик боорду каптап, коңшу органдарга жайылып кетет. Бул учурда дарылоого мүмкүнчүлүк жок, оорулуунун өмүрүн узартууга гана аракеттер жасалат.

Оору эмнеси менен коркунучтуу

Боордун рагы билинбестен өрчүй бериши мүмкүн. Дароо байкалбагандыктан оорулуу дарыгерлерге кайрылбай жүрө берет. Андан сырткары, оорунун белгилери боордун башка ооруларына окшош болгондуктан так диагноз коюу да татаалыраак.

Дарылоо жолдору

Боордун рагын операция жолу менен айыктырууга болот. Мында боордун бөлүгү, жарымы же жарымынан көбү алынышы мүмкүн. 30-35 пайызы калса да боор таза болсо, өзүнүн кызматын аткарып кете алат. Бир жакшы жери, бул орган кайрадан калыбына келип өсүүгө жөндөмдүү. Боорду толугу менен алып салып, алмаштырууга да болот. Бирок алмаштыруу биздин өлкөдө азырынча жасалбайт, буга алгачкы кадамдар жасалып жатат. Бейтаптар боордун башка оорулары боюнча Индия, Түркия, Кытай жана Европа өлкөлөрүнө барып жасатып келе жатышат. Келечекте бизде да бул маселе чечилип, оорулууларга жардам бере аларыбызга үмүт бар.

Операциядан сырткары, химиотерапия колдонулат. Өзүнүн схемасы бар. Айрыкча боордун кан тамыры аркылуу жасалган түрү натыйжалуу болот. Оорулуунун өмүрүн узартуу үчүн шишикке түздөн-түз таасирин тийгизген дары-дармек колдонулат. Бирок бул дарыгердин кеңеши менен ишке ашышы керек.

Алдын алуу

Гепатиттин B жана C түрлөрүн өз убагында жана сапаттуу дарылоо, алкоголдук ичимдектерди ичпей сергек жашоо, азыктарды туура сактоо, жашылча-жемиштерди көп жеп, туура тамактануу дарттын алдын алууга шарт түзөт.

5228
Белгилер:
боор, дарыгер, рак, медицина, Сүйүтбек Дөөлөтбеков
Тема боюнча
Эркектер эрте же кеч үйлөнсө эмне болот? Уролог менен турмуштук маек
Эки кызы менен ВИЧке кабылган келин: күйөөм бизди адам болбойт деп...
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

50
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

50
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды
Медайым жумуш убагында. Архивдик сүрөт

Германиядагы кыргызстандык дарыгерлер онлайн кеп-кеңеш бере баштайт

26
(жаңыланган 15:44 10.07.2020)
Буга чейин Москвадан кыргызстандык ыктыярчы дарыгерлердин тобу келген. Алар Кыргызстанда медицина кызматкерлеринин жетишсиздигинен улам мекенине кайткан.

БИШКЕК, 10-июл. — Sputnik. Германиядагы кыргызстандык дарыгерлер бейтаптарга онлайн кеп-кеңеш бере башташат. Бул тууралуу Kyrgyz Club-Germany уюмунун төрагасы, врач Бакыт Көбегенов билдирди.

Анын айтымында, учурда Европада иштеген ак халатчандардын тизмеси такталууда.

Новосибирскиден мекенге жардам берүү үчүн дагы медиктер учуп келди

"Бул демилгени Германиядагы бир катар кесиптештерибиз көтөрүп чыкты. Биз Кыргызстандагы дарыгерлерди колдоо максатында мекендештерибизге онлайн кеп-кеңештерди беребиз. Азыр кайсы интернет-платформаны колдоно тургандыгыбызды тактап жатабыз. Буюрса, бул ишке Европанын башка өлкөлөрүндө иштеген кыргызстандык ак халатчандарды да тартабыз", — деди дарыгер.

Көбегенов учурда Германиядагы ооруканалардын биринде хирургия бөлүмүнүн улук дарыгери, Куткаруу кызматында жетектөөчү врач болуп эмгектенет.

Кыргызстанда коронавирус жуктуруп алгандардын саны 9 358ге жетти. Анын ичинен 3 134 бейтап айыгып, 122си каза болду. Мындан сырткары, ооруканаларга пневмония менен да кайрылгандар көп. Март айынан бери андан 350 адам көз жумду. Алардын басымдуу бөлүгү Бишкек шаарында.

Өлкө аймагындагы соңку кабарлар менен биздин Telegram-каналдан таанышып туруңуз.

26
Белгилер:
пневмония, коронавирус, кеңеш, Германия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Екатеринбургдан кайткан мекендештер менен чогуу медиктер да келди. Сүрөт
Кыргызстан Россиянын коронавируска каршы дарысын алууну сүйлөшүүдө
Новосибирскиден мекенге жардам берүү үчүн дагы медиктер учуп келди