Жаңы төрөлгөн баланы эмизип аткан аялдын архивдик сүрөтү

Сүйүнчү пул берүүнүн жолу жеңилдетилүүдө

543
(жаңыланган 15:32 13.02.2018)
Мамлекеттик каттоо кызматынын төрагасы Дастан Догоев сүйүнчү пул алуу үчүн жарандар алгач банк эсебин ачуу керектигин баса белгиледи.

БИШКЕК, 27-янв. — Sputnik. Эмгек жана социалдык өнүктүрүү министрлиги менен Мамлекеттик каттоо кызматы балага сүйүнчү пул берүү механизмдерин жөнөкөйлөштүрүүнүн үстүндө иштеп жатат. Бул тууралуу социалдык өнүктүрүү министрлигинин маалымат кызматы кабарлады.

Министр Таалайгүл Исакунова балдарга сүйүнчү акча алуунун жол-жобосун түшүндүрө кетти.

"Быйыл балалуу болгон жарандарга сүйүнчү пул каттоо кызматынын системасы аркылуу берилет. Ата-энелер калкты тейлөө борборлорунан, никени каттоо бөлүмдөрүнөн баласына туулгандыгы тууралуу күбөлүк алып жатканда эле "балага сүйүнчү" акчасы үчүн арыз таштап коюушу зарыл", — деди министр.

Ал эми Мамлекеттик каттоо кызматынын төрагасы Дастан Догоев сүйүнчү пул алуу үчүн жарандар алгач банк эсебин ачуу керектигин баса белгиледи.

"Бүгүнкү күндө өлкө боюнча 363 маалымат киоску, 58 нике каттоо бөлүмү, 22 калкты тейлөө борбору иштейт. Аталган мекемелер аркылуу жарандар социалдык төлөмдөрдү тез убакытта алыша алат", — деди Догоев.

2018-жылдын 1-январынан тарта "Мамлекеттик жөлөк пулдар жөнүндө" мыйзамдын "балага сүйүнчү" пункту ишке кирген. Анда ушул жылдын январь айынан баштап төрөлгөн бардык ымыркайга 4000 сом өлчөмүндө акча берилиши керек болчу.

Бирок Социалдык өнүктүрүү министрлигинин маалыматына ылайык, учурда көмөк каражатты эч ким ала элек.

543
Белгилер:
сүйүнчү, төлөм, Кыргызстан
Тема:
Жөлөк пул (30)
Тема боюнча
Нарын: бөбөккө бөлүнгөн акчанын кесилиши кейитип... Жөлөк пул, ачкачылык, нааразылык"
Кыргызстанда жаңы төрөлгөн бардык ымыркайлар үчүн сүйүнчү акча бериле баштады
Жогорку Кеңеш жөлөк пул боюнча өзгөртүүлөрдүн мөөнөтүн узартты
Ички иштер министринин мурдагы орун басары Курсан Асанов. Архив

Курсан Асанов пневмония болуп ооруканага түшүп, соту жылдырылды

52
(жаңыланган 00:52 11.07.2020)
Эске салсак, шаардын Биринчи май райондук сотунда Асановго козголгон кылмыш иши боюнча жараян болмок. Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган.

БИШКЕК, 11-июл. — Sputnik. Ички иштер министринин мурдагы орун басары Курсан Асанов өпкөнүн эки тараптуу пневмониясына чалдыкты. Бул тууралуу Sputnik Кыргызстан агенттигине өзү билдирди.

Ал шаардагы ооруканалардын биринде дарылана баштаганын айтып, буга байланыштуу сот жараяны жылдырылганын кошумчалады.

Эске салсак, шаардагы Биринчи май райондук сотунда Курсан Асановго карата козголгон кылмыш иши боюнча жыйын болмок.

Суракка чакырылган экс-министр Космосбек Чолпонбаев оор абалда ооруканага түштү

Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган. Ага карата кылмыш иши козголуп, үй камагына алынган.

Анын артынан жан сакчысы Дамирбек Пайзылда уулу кармалып, кийин үй камагына чыгарылган. Ал эми өкүл баласы Турсунбек Бейшенбековду ушул жылдын 20-январында Аскер прокуратурасы сурактан кийин кармаган. Бирок баш коргоо чарасын тандаган сот аны үй камагына чыгарган. Мындан сырткары, Асановдун жубайы жана туугандары да суракка чакырылганы айтылган.

Ал эми уулу Мухаммед-Али Асановго издөө жарыяланган.

52
Белгилер:
кылмыш иши, сот, оору, оорукана, пневмония, Курсан Асанов
Тема:
Курсан Асановдун министрдин орун басарлыгынан алынышы
Тема боюнча
Саламаттык сактоо министринен пневмония, орун басарынан COVID аныкталды
Дарыгер шаардык клиникалык ооруканада. Архив

COVID жана пневмонияны дарылаган ооруканаларга бирден өкмөт мүчөсү бекиди. Тизме

348
(жаңыланган 22:01 10.07.2020)
Буга чейин өкмөт башчы борбор калаадагы коронавирус жана пневмонияны дарылаган ар бир мамлекеттик ооруканага бирден өкмөт мүчөсү бекитилерин айткан. Ал өкмөт мүчөлөрү оорукананын башкы дарыгери менен "тең жатып, тең турарын" кошумчалаган.

БИШКЕК, 10-июл. — Sputnik. Өкмөттүн маалымат кызматы коронавирус жана пневмония дарттарын дарылап жаткан ар бир ооруканага министрлик жана ведомстволордун жетекчилери бекитилгенин кабарлап, алардын тизмесин жарыялады.

Эске салсак, буга чейин өкмөт башчы Кубатбек Боронов борбор калаадагы коронавирус жана пневмонияны дарылаган ар бир мамлекеттик ооруканага бирден өкмөт мүчөсү бекитилерин айткан. Премьер-министр бекиген өкмөт мүчөсү ошол жерден ишин баштап, ошол жерден жумушун бүтүрөөрүн, оорукананын башкы дарыгери менен "тең жатып, тең турарын" кошумчалаган.

  • Улуттук госпиталь — вице-премьер Акрам Мадумаров;
  • №1 шаардык клиникалык оорукана — вице-премьер Эркин Асрандиев;
  • Жугуштуу оорулардын республикалык клиникалык ооруканасы —вице-премьер Аида Исмаилова;
  • "Семетей" обсервациясы (Ганси) — өзгөчө кырдаалдар министри Замирбек Аскаров;

Бишкектеги кырдаал сабак болсун! Президент облус башчыларына тапшырма берди

  • Кыргыз-Түрк достугу ооруканасы — тышкы иштер министри Чыңгыз Айдарбеков;
  • Улуттук урология борбору — юстиция министри Марат Жаманкулов;
  • Улуттук фтизиатрия борбору — маданият, маалымат жана туризм министри Азамат Жаманкулов;
  • Темир жол ооруканасы — транспорт жана жолдор министри Жанат Бейшенов;
  • Кыргыз курортология жана калыбына келтирип дарылоо илим-изилдөө институту — эмгек жана социалдык өнүктүрүү министри Улукбек Кочкоров;
  • Улуттук онкология борбору — эмгек жана социалдык өнүктүрүү министри Улукбек Кочкоров;

Кыргызстанга анализ жыйынтыгын 30-45 мүнөттө көрсөтчү ПЦР-тесттер келди

  • Мамбет Мамакеев атындагы Улуттук хирургия борбору — коргоо иштери боюнча мамлекеттик комитетинин төрагасы Эрлис Тердикбаев;
  • "Континент Интергельпо" обсервациясы — маалыматтык технологиялар жана байланыш мамлекеттик комитетинин төрагасы Алтынбек Исмаилов;
  • №2 төрөт үйү — милдеттүү медициналык камсыздоо фондунун төрайымы Эльнура Боронбаева;
  • Көзү азиз жана көрүүсү начар балдардын атайын билим берүүчү мектеп-интернаты — мамлекеттик каттоо кызматынын төрагасы Акын Мамбеталиев;
  • Абдылда Каниметов атындагы №1 интернат — мамлекеттик мүлктү башкаруу фондунун төрагасы Жылдызбек Исакулов;
  • №6 шаардык клиникалык оорукана — архитектура, курулуш жана турак жай-коммуналдык чарба мамлекеттик агенттигинин директору Урматбек Кокочаров.
348
Белгилер:
пневмония, коронавирус, тизме, көзөмөл, оорукана, өкмөт, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Германиядагы кыргызстандык дарыгерлер онлайн кеп-кеңеш бере баштайт