Депутаттар жөө жүргөндөн уялар-уялбасын айтып беришти. Пикирлер

© Sputnik / Евгений Биятов / Медиабанкка өтүүКоомдук транспорттогу жүргүнчүлөр. Архив
Коомдук транспорттогу жүргүнчүлөр. Архив - Sputnik Кыргызстан
Жазылуу
Жогорку Кеңештин жөө жүргөн депутаттары коомдук транспортто жүргөндөн кандай абалда болорун Sputnik Кыргызстанга айтып беришти.

БИШКЕК, 1-фев. — Sputnik. Бүгүн Жогорку Кеңештин пленардык жыйыны учурунда депутат Камчыбек Жолдошбаев өзү автоунаа менен жүргөнү үчүн коомдук транспортто жүргөн кесиптештеринин алдында уялганын айткан.

ЖК депутаттары жыйын учурунда. Архив - Sputnik Кыргызстан
Топ-10. Кыргызстандын эң көп айлык алган депутаттары
Ал эми ЖКнын маалымат кызматынын жетекчиси коомдук транспортто жүргөн бир катар кесиптештерин санап, ал тургай кээ бирлери ар кыл окуяларга кабыларын айтып, "машруткадагы окуялары өзүнчө эле анекдот" деп жазган.

Sputnik Кыргызстан коомдук транспортто жүргөн айрым эл өкүлдөрүн кепке тартты.

КСДП фракциясынын депутаты Аида Касымалиева муну менен сыймыктанбай да, уялбай да турганын айтты.

© Фото / Алишер АлиевКСДП фракциясынын депутаты Аида Касымалиева
Депутат ЖК Аида Касымалиева - Sputnik Кыргызстан
КСДП фракциясынын депутаты Аида Касымалиева

"Коомдук транспортто жүргөнүмө уялбайм деле, сыймыктанбайм дагы. Бул кадыресе эле көрүнүш. Эгерде менин үйүмдөн жумушка чейин маршрутка жүрсө түшөт элем. Андай болбогону үчүн күнүгө такси менен барууга туура келет. Жолдошбаевди мен сындайм, антип уялбай эле койсун. Биз эч нерсе болбой, уялбай эле жакшынакай жүрөбүз. Негизи коомдук транспортту өнүктүрүү керек. Маселен, мен жайында велосипед менен ишке келейин десем, шарт жок, кооптуу. Мындай көрүнүш депутаттарга болгон жек көрүүнү жоймок. Чоң-чоң жолтандабастарда жүрө бербей, чаканын караганы зарыл го. Аткаминерлерде жөнөкйлүк деген болушу керек", — деди Касымалиева.

КСДПнын дагы бир депутаты Карамат Орозова мурда деле, эми деле маршрутка менен жүрөрүн айтты.

© Sputnik / Табылды КадырбековЖК депутаты Карамат Орозова
Депутат от фракции СДПК Карамат Орозова - Sputnik Кыргызстан
ЖК депутаты Карамат Орозова

"Коомдук транспортто жүргөндөн уялбайм. Маршруткалар менен мурда деле жүрчүмүн, азыр деле түшө берем. Камчыбек Жолдошбаев кызматтык милдетти аткарууда кызматтык унаанын зарылдыгын айтайын деп, жеткиликтүү кылып түшүндүрүп бере албай калды. Бирок анын эч уяты жок", — деди ал.

Жөө жүргөндөрдүн катарын толуктаган депутат айым Альфия Самигулина аял депутаттарга кызматтык автоунаа керек эле деген пикирде.

© Фото / пресс-служба ЖКЖК депутаты Альфия Самигулина
Депутат Альфия Самигуллина - Sputnik Кыргызстан
ЖК депутаты Альфия Самигулина

"Эгерде жумушка эле барып келген болсоң, коомдук транспорт менен жүрүүгө болот. Бирок бир күндө үч-төрт жолугушуу болуп кеткенде кыйын эле болуп калат. Кызматтык автоунааларды жойгондо, менин пикиримде, аял депутаттардыкын калтырып коюш керек эле. Албетте, кээ бир себептерден улам коомдук транспортто кыйын деле болуп кетет", — деди Самигулина.

Депутат Наталья Никитенконун да жеке унаасы жок болгондуктан маршрутка жана троллейбус менен жүрөт. Бул эл өкүлү үчүн кадыресе көрүнүш.

© Sputnik / Табылды КадырбековДепутат Наталья Никитенко
Депутат Наталья Никитенко - Sputnik Кыргызстан
Депутат Наталья Никитенко

"Шашканда такси чакырам. Уялмак тургай, муну туура нерсе деп эсептейм. Негизи бийлик өкүлдөрү, чиновниктер коомдук транспорт менен көбүрөөк жүрүшү керек, бул элге жакындатат", — деди Никитенко.

Депутаты Жогорку Кенеша во время заседания - Sputnik Кыргызстан
Үрүп чыгар ити жок депутаттар. Тизме
Ал эми Евгения Строкова элдин көпчүлүгү коомдук транспорт менен жүрсө эмнеден уламак элем дейт.

"Бирок жолугушууларга барганда кыйынчылык туудурат. Кээде жетишпей каласың, айрым учурда таксиге акча жок болуп калат. Ар кандай болот да. Такси чакырууга мүмкүн болбой калган учурлар да кездешет", — деди депутат.

ЖКнын маалымат кызматы жөө жүргөн депутат аялдардын бир катарларынын тизмесин жарыялап, Карамат Орозова, Евгения Строкова, Аида Касымалиева, Альфия Самигулинаны айткан.   

Жаңылыктар түрмөгү
0