Международный фестиваль ремесленников Оймо в Бишкеке

Сиз деле келин болгонсуз да... Кайнене кыжырды кайнатканда

5288
(жаңыланган 19:10 05.02.2018)
Кайнене менен келиндин ортосунда ынтымак бекем болгону жакшы. Келин келиндей, ошол эле учурда кайнене да өз ордун билгени оң.

Кайнененин баары алтын эмес. Арасында келини аракет кылып жатса да жумурткадан кыр издеп, урушкусу эле келип тургандары толтура. Кайнене кайсы учурда кыжыр кайнатат Sputnik Кыргызстан агенттиги келиндердин айтымына таянып жазып чыкты.

Себеби жок кийлигише бергендер. "Чыны ордуна турбай калыптыр, кашык качан ушинтип турчу эле" сыяктуу болор-болбос нерселерди айтып оокатка кийлигише берген кайнене көпчүлүккө жага бербейт. Москва деле бир күндө курулган эмес да. Жаңы келин бир аз көнгүчө акыл айткандын ордуна ажылдап беттен алгандар аман эле болсун.

Келинин бөтөн бирөөгө жамандагандар. Келини кокус туура эмес нерсе кылып алса чуркап барып курбусуна же кошунасына ушактап, "ал муну чала жасайт, кеч турат, мени укпайт" деп жаман сапаттарын жайылтып кирет. Урматтуу кайненелер, келинди бүлө кылып алыш силердин колуңарда. Аны жамандап ушактагандын ордуна ага колдон келген тарбияны берип, боорго тартуу да өзүңөрдөн.

Өзүнүн келин кези менен салыштыргандар. "Биздин убакта памперс деген жок болчу, жалаяк жуучубуз, түнү менен үй жыйнап, кир жууп, эртең менен жумушка кетип калчубуз", "таң атпай туруп уй саачубуз"… Мындай сөздү укпаган келин чанда болсо керек. Айланайын апалар, азыр заман башка да. Ошону кылыптырысыңар деп азыркылар да илгерки заманга кайтсынбы. Ал кез башка, азыр башка, ысыкчайын берип, сиз деп сыйлап жатабы, сыйын көрүп отура бергенден айтсын!

Баласын кызгангандар. Кээ бир кайненелер баласын келининин көзүнчө жаңы көргөнсүп өөп-жыттап, эркелетип, анан калса алардан кызганып кирет. Жакаңды кармайсың.

"Короз" кайненелер. Үйдө эмне болуп жатканы менен иши жок кайненелер да бар. Болгон оокатты келинге үйүп койгон туура эмес го.

Тили заарлар. Кээ бир кайненелер чучукка жеткен ачуу сөз менен тилдейт. Анысы аз келгенсип, сөз арасында келиндин төркүнүнө да асыла кетет. Туура эмес эле жорук.

5288
Белгилер:
келин, кайнене, Кыргызстан
Тема:
Кыжырды кайнаткандар (57)
Тема боюнча
Эгиз кыздарга үйлөнгөн эгиздер: келинчектерибизди алмаштырып алган учур болот
Жетишет! Бишкектик маичилердин жинине тийген 9 нерсе
Юристтин көкөйүнө көк таштай тийген 7 учур