Тез жардам кызматкерлери. Архив

Бала тирүү экен, кайра бергиле! "Тез жардам" фельдшеринин бир күнү

2070
(жаңыланган 17:26 11.02.2018)
Ис уруп көз жумган киши тирүү адамдай кызгылт түс алат дейт фельдшер Лариса Подрыга. Бишкектеги 35 жылдык ишмердигинде ал эмнени гана көрбөдү... Sputnik Кыргызстандын кабарчысы Асель Минбаева Тез жардам унаасы менен шаар аралай адаттан суук кыш чилдесинде адамдар кантип сакталарына күбө болуп кайтты.

— Болбой калды… Караңыз, кызыңыздын денесинде өлүк тактары пайда боло баштады… Документтери барбы?

— Документтери бар. Паспорту бар анын. Өзү гана жок. Жалгыз кызым…

Үйдө чуу чыгып, аялдар ызылдай башташты. Көрсө, 45 жашар бейтап көптөн бери төшөктө экен, анын нерв системасы жабыркап, айыгаарына үмүт калбаптыр. Маркумду шейшеп менен жаап коюшту.

"Бүгүн эле курмандык чалып, койдун этин элге таратууну өтүнгөн. Этти жеткире башташканда ал үзүлдү", — дейт энеси.

Селсаяктарды эшикке кубалап чыгабыз: кышында адамдарды кантип куткарышат?

Дагы бир жолу көңүл айтып, муздак "Тез жардам" унаасына кайттык. Реанимациялык бригаданын фельдшери Лариса Подрыга үй-жайсыздар кышкысын алардын анык бир көйгөйүнө айланарын айтат.

"Бир нече жыл мурун кыш өтө суук болгон. Ошол кышта үй-жайсыздар көп өлдү. Азыр го алардын телефондору бар, кайсы жерде түнөк бар экендигин так билишет", — деди ал.

Реанимационная бригада скорой помощи Бишкека
© Sputnik / Асель Минбаева
"Тез жардам" кызматынын реанимациялык бригадасы. Оор учурларга дал ушул бригада жөнөтүлөт

Албетте, башпаана жайларга баарын кабыл ала беришпейт. Орун жетишсиз, киши каардуу аязда таң атыра турган болсо да түнөк жайлардын жетекчилери жаңы кишилерди кабыл алуудан так кесе баш тартышат. Ушул себептен дарыгерлер милицияга кайрылууга мажбур.

"25 жашар бир жигит кайрылган бизге. Жакшы мектепти бүтүрүптүр, апасы кайсы бир кезде жетекчилик кызматтарды да аркалаган экен. Кийин ал үйүнөн кетип, көчөдө калат. Баш калкалоочу жайга алпардык. Башка бейтаптарды карап жатканыбызда жанагы жигитти кубалап салышыптыр. Кайра аны милиция кызматкери менен биргеликте жеткирүүгө туура келди", — деп бөлүштү фельдшер айым.

35 жылдан бери "Тез жардамда" иштеген Лариса Александровна селсаяктардын ар кыл тагдырына күбө болду. Көз боемочулардын курмандыгы болуп, көп адамдар батирлерин алдырып жиберишкен. Бишкектин көчөлөрүнөн жогорку билимдүү эле үй-жайсыз адамды көп кезиктиресиң.

Из-за холодов число постояльцев в благотворительном доме постоянно растет.
© Sputnik / Табылды Кадырбеков
Баш пааналоочу жайлар селсаяктарды дароо эле алып жиберишпейт. Кээде дарыгерлер милицияга кайрылууга аргасыз болушат

"Бир жолу "Ош" базарындагы жылуулук түтүктөрү өткөн жер төлөгө чакырылдык. Ал жакта үй-жайсыз адамдардын арасында жапжаш кыз бар экен. Аны көрүп, текшерип чыктык, көзүбүз көнүгүп калган да: ич-кийими таптаза, көчөдө күн кечирген кейпи жок! Тактап сүрүштүрдүк, көрсө, ал кыз айылдан келип, адашып кетиптир. Туугандары турган көчөнүн аты гана билет экен. Акыры туугандарына жеткирип, жакындарынын колуна тапшырдык", — деди доктур.

Дагы бир шашылыш чакырык! Аял эс-учунан танып, аны өзүнө келтире албай жатышыптыр…

Кырсык каш-кабактын ортосунда. Бишкектиктер өз үйлөрүндө жан беришет

Эшик ачылганда эле ууктурган жыт урду — бул газдын жыты! Бизди катуу чочуганы көздөрүнөн байкалган аял утурлай чыкты: "Апамдын кан басымы көтөрүлүп кетти, эсине келбей жатат". Врач-реаниматолог Гүлмира Курамшина: "терезени ачкыла, газ чыгып жатат. Чоң энени сыртка чыгарыш керек. Тезирээк!" — деп кыйкырды.

Реаномобили Бишкекского отделения скорой помощи
© Sputnik / Гулдана Талантбекова
Доктурлар "Тез жардам" унаасын айдоочулар өткөрбөй койгонуна нааразы. Ушундан улам бейтаптарга кечигип барарын айтышат

Коркконунан доктурдун сөзүн дароо аңдай албаган аял башын чайкай: "жок, жок, биз эч нерсе болгон жокпуз го. Бул болгону кан басымдын көтөрүлгөнү". Чоң энени "Тез жардам" машинесине киргизип, дарыгерлер аны айланчыктап калышты.

Сатурация! Кычкылтек! Кант! Врачтардын ар бир аракети кынтыксыз иретке салынган. Алар кийимдин алдынан дененин табы менен жылытылган батарея жана дарыларды алып чыгып жатышат. Он беш мүнөттөн кийин 65 жаштагы жанагы чоң эне эсине келди.

Көрсө, алар жакында эле газ менен иштей турган казан орнотушкан экен. Бир жеринен мандем чыкса керек… Ал аял ооруканага жатуудан баш тартып, дарыгерлерге ыраазычылыгын билдирип, курбусунукуна түнөөгө кетти.

Доктурлардын айтымында, кышында ис ургандар — көнүмүш ишке айланат. Алардын көпчүлүгү – түштүк аймактардан келип, шашып-бушуп эле кичинекей темир меш коюп алгандар. Мындай меш айрыкча жаңы конуштарда кеңири колдонулат.

"Аларды да пайдалануунун ыгын билиш керек. Билбестиктен адамдар ис уруп каза табышат. Мындай кырсыктан бир жолу бүтүндөй үй-бүлө эки баласы менен дүйнөдөн кете беришти. Ис ургандар кызгылт түстө болуп, тирүүдөй сезилет. Маркумдун карындашы келип бизден: "Баланы бергиле, ал тирүү!" деп жатпайбы. Өлүк кийинчерээк көгүш түс алат", — деп ой бөлүштү Подрыга.

Көрсө, ушундай кырсык тооруганда көбүрөөк кыймылдаган кишини ис тез урат экен. Өлүм мемирете билинбей алып кете берет.

Дары-дармекти өз денебиз менен жылытабыз

Көп жол жүрдүк, унаанын ичи дагы деле жылый элек. Дем алсак, буу чыгат. Негизи меши бар, бирок дарыгерлер аны жандырбоого аракеттенишет. Себеби жылуулуктан да салондо иштей турган унаанын экинчи аккумулятору өчүп калбашы маанилүү.

Андай учурда "Тез жардамда" жарык өчөт, врачтар ийнени да телефондордун жарыгында саюуга аргасыз болушат.

Фольга для согревания замерзших пациентов
© Sputnik / Асель Минбаева
Фольга — жылытуу үчүн сонун каражат. Термос сыяктуу катуу үшүп калган бейтаптарды ороп коюшат

Шаймандардын батареяларын жана дарылардын бөтөлкөлөрүн дене табы менен жылытыш үчүн врачтар кийимдеринин ичинде салып жүрүшөрүн айтат Лариса Подрыга.

"Өткөндө эле автокырсык болгон жерге чакырышты: кичи автобус жеңил унаа менен кагышкан экен. Айдоочу жигиттин сан жилиги сыныптыр. Ага катетер такканыбызда эле система тоңуп калды. Мындай суукта система тез эле тоңо түшөт. Бат эле алмаштырдык, себеби муздак эритиндини куюуга болбойт, жүрөк токтоп калышы ыктымал", — деп түшүндүрдү врач.

Фельдшер кат-кат кийимин көрсөттү. Байпак, шымбайпак (колготки — ред.), гамаш, шым. Ага карабай баары бир үшүшөт. Көрсө, немис унаалары кыргызстандык дарыгерлерге караганда назик келип, өтө суукка туруштук бере алышпайт экен.

"Тынымсыз шаар аралап жүрөбүз. Түштөнүүгө 20 мүнөт берилет. Көнүп калыптырмын, мейманга барганда да тамакты тез эңле жеп алам. Ал эми унаалар биздин ыргакты көтөрө албай, бузулуп калышат", — деди дарыгер.

Мени машинеден түшүрүшкөндө үшүгөнүмдөн буттарым шилтенбей калды. "Тез жардам" андан ары түнкү Бишкекти аралай узады. Алардын жардамы менен бүгүн дагы бирөө аман калат.

P.S. Шаардык тез жардам станциясынын башкы дарыгеринин орун басары Оксана Суглобованын айтымында, аяздын азабынан 38 автомашинанын 10у ишке чыга албай калды. Ал эми медиктер, оорусу да, сыркоосу да бейтаптарга пландалган боюнча көмөк көрсөтүп жатышат.

Көңүл оорлошо түшөт бекен? Кыргызстан боюнча саякат багытын тандап, жеңилдеп алыңыз. Эскертүү: бул өтө эле жайкы макала!

2070
Белгилер:
фельдшер, селсаяк, бейтап, тез жардам, Бишкек
Тема боюнча
Эркектер боор рагына көбүрөөк кабылат. Себеби эмнеде?
Эки кызы менен ВИЧке кабылган келин: күйөөм бизди адам болбойт деп...
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

35
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

35
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт
Бишкекте түнкү стационарлар бейтаптарды кабыл ала баштады

Бишкекте түнкү стационарлар бейтаптарды кабыл ала баштады. Сүрөт

70
(жаңыланган 00:07 15.07.2020)
Түнкү стационарларда медиктер министрлик тарабынан бекитилген алгоритм боюнча дарылап, асма укол коюп, зарыл болсо бейтапты кычкылтек концентраторуна кошот.

БИШКЕК, 14-июл. — Sputnik. Бүгүндөн тарта Бишкектеги түнкү стационарлар бейтаптарды кабыл ала баштады. Андагы медиктер эртең мененки саат 9:00гө чейин иштешет. Бул тууралуу мэриянын маалымат кызматы кабарлады.

  • В связи с острой нехваткой мест в городских больницах при поддержке предпринимателей развернуты два ночных стационара для тяжелобольных горожан, для оказания срочной медицинской помощи.
    Бүгүндөн тарта Бишкектеги түнкү стационарлар бейтаптарды кабыл ала баштады
    © пресс-служба мэрии города Бишкек
  • В связи с острой нехваткой мест в городских больницах при поддержке предпринимателей развернуты два ночных стационара для тяжелобольных горожан, для оказания срочной медицинской помощи.
    Андагы медиктер эртең мененки саат 9:00гө чейин иштешет
    © пресс-служба мэрии города Бишкек
  • В связи с острой нехваткой мест в городских больницах при поддержке предпринимателей развернуты два ночных стационара для тяжелобольных горожан, для оказания срочной медицинской помощи.
    Бул тууралуу мэриянын маалымат кызматы кабарлады
    © пресс-служба мэрии города Бишкек
1 / 3
© пресс-служба мэрии города Бишкек
Бүгүндөн тарта Бишкектеги түнкү стационарлар бейтаптарды кабыл ала баштады

Эске салсак, борбор калаада түнкү эки стационар ачылган. Бири 7-кичи районундагы ДСК спорт комплексинин имаратында жайгашкан. Ал жакта 120 орун бар. Ал эми экинчиси — Фрунзе — Орозбеков көчөлөрүнүн кесилишинде жайгашкан "Консул" ресторанында ачылды. Анда 100 орун даярдалган.

"Түнкү стационарлар күндүзгүдөн айырмаланып абалы оор бейтаптарды кабыл алат. Бул жакта медиктер министрлик тарабынан бекитилген алгоритм боюнча дарылап, асма укол коюп, зарыл болсо бейтапты кычкылтек концентраторуна кошот", — деп айтылат билдирмеде.

Мэрия түнкү стационарларда санитардык эрежелер сактала турганын эскертти. Медиктер тамак-аш, жеке коргонуучу каражаттар менен камсыздалганы айтылды.

70
Белгилер:
медик, күрөш, оору, бейтап, стационар, Бишкек
Тема:
Коронавируска байланыштуу Кыргызстандагы кырдаал
Тема боюнча
Өкмөт COVID-19дан жабыркагандарды дарылоону жакшыртуу жолдорун издеп жатат