Казакстанда кармалган ЖК депутаты эки айга камалды. Кандай айып коюлду?

© Sputnik / Евгений Одиноков / Медиабанкка өтүүАбактагы адам. Архив
Абактагы адам. Архив - Sputnik Кыргызстан
Жазылуу
Алматыда кармалган депутат Дамирбек Асылбек уулу экономикалык аткезчилик жана трансулуттук кылмыштуу топко катыштыгы бар деп айыпталууда

БИШКЕК, 19-фев. — Sputnik. Казакстандын күч органдары тарабынан кармалган Кыргызстандын үч жараны эки айга камалды. Бул тууралуу Sputnik Казакстан агенттиги Алматы шаардык сотуна таянуу менен билдирди.

"Алматы шаарынын Алмалы райондук соту Ч. Абакиров, У. Мурадилов жана Д. Асылбек уулун эки айга камакка алуу чечимин чыгарды", — деп айтылат маалыматта.

Жалпысынан 17 кишинин баш коргоо чарасы аныкталды. Алардын 14ү — казакстандыктар.

Камакка алынган кыргызстандыктар Казакстандын Кылмыш жаза кодексинин 234-беренесинин 3-бөлүгүнүн 2-пункту (экономикалык аткезчилик) жана 264-берененин 2-бөлүгү (трансулуттук уюшкан кылмыштуу топту түзүү, жетектөө) боюнча айыпталууда.

ЖК депутаты Дамирбек Асылбек уулунун архивдик сүрөтү - Sputnik Кыргызстан
Казакстанга Азиядан күмүш алып берген депутат Дамирбек Асылбек уулу тууралуу 7 факты
Буга чейин маалымдалгандай, 15-16-февралда Казакстанда ири атайын операция өтүп, 35 киши кармалган. Алардын арасында бажычылар, далдалчылар, ортомчулар, криминал жана укук коргоо органдарынын өкүлдөрү менен Кыргызстандын үч жараны болгон. Кийинчерээк кармалгандардын арасында депутат Дамирбек Асылбек уулу бар экени тастыкталган.

Казак соту кармалгандардын 33үн камакка алуу чечимин чыгарган.

Кыргызстандын Башкы прокуратура 19-февралда Казакстандын Башкы прокуратурасына сурам жиберген.

Казакстанда өткөн атайын операциянын видеосу.

Жаңылыктар түрмөгү
0