Бешбармак. Архив

Гиннеске кирүү аракети: бир тонна бешбармакка канча жылкынын эти кетет

1056
(жаңыланган 10:53 21.02.2018)
Ак калпак күнү 2011-жылдан бери жыл сайын 5-мартта белгиленип келет

БИШКЕК, 20-фев. — Sputnik. 5-март — ак калпак жана улуттук кийимдер күнүнө карата Кыргызстандын тарыхында биринчи жолу бир тонна бешбармак жана 100 метрлик чучук жасалат. Бул тууралуу иш-чараны уюштуруучулардын бири Элнура Кулуева Sputnik Кыргызстан агенттигине билдирди.

Анын айтымында, кыргыздын улуттук тамак-ашын Гиннес рекорддор китебине киргизүү аракеттери көрүлүүдө.

"Буга чейин өзбек, казак туугандар палоо менен казак бешбармагын Гиннестин рекорддор китебине киргизиптир. Биз да улуттук тамак-ашты даңазалоо максатында аракет кылып жатабыз. Технологдор менен кеңешсек бир тонна беш бармакты жасоого беш жылкынын эти кетет экен", — деди Кулуева.

Ал ошондой эле учурда бешбармакты жасай турган жер аныкталып жатканын айтып, 5-мартта борбордук "Ала-Тоо" аянтында улуттук кийимдердин этно-фестивалы уюштуруларын кошумчалады.

Эскерте кетсек, 2011-жылдан бери жыл сайын 5-мартта ак калпак күнү белгиленип келет. 2016-жылы Жогорку Кеңеш бул күндү ак калпак жана улуттук кийимдер күнү деп белгилөө жөнүндө токтом кабыл алган.

Калпак кантип жасаларын билесизби? Бир көз жүгүртүп коюңуз.

1056
Белгилер:
бешбармак, Гиннес китеби, чучук
Тема боюнча
Бешбармактан кийин кыймылдап коюңуз. Жаңы жылдык дасторкондон "аман" калуунун сырлары
Избиратель просматривает свой бюллетень, пока члены местной избирательной комиссии работают на избирательном участке во время парламентских выборов в поселке Арашан

Добуштардын 40%ы саналды. Алдыда келе жаткан 7 партиянын тизмеси

2
Саат 13:00гө карата 1000 шайлоо тилкесинде бюллетендер эсептелип, протоколдор БШКга жөнөтүлгөн.

БИШКЕК, 1-дек. — Sputnik. Парламенттик шайлоодо берилген добуштардын 40,10 пайызы кол менен саналып бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Саат 13:00гө карата 1000 шайлоо тилкесинде бюллетендер саналып бүтүп, протокол жөнөтүлгөн. Бул 446 907 жарандын тандоосу ачыкталганын түшүндүрөт. Жалпысынан шайлоого 1 273 557 кыргызстандык катышкан.

Азырынча төмөнкү партиялар беш пайыздык босого чектен өттү:

  • "Ата-Журт Кыргызстан" — 15.18 пайыз;
  • "Ынтымак" — 14.44 пайыз;
  • "Ишеним" — 12.62 пайыз;
  • "Ыйман нуру" — 7.32 пайыз;
  • "Альянс" — 6.85 пайыз;
  • "Эл үмүтү" — 5.69 пайыз;
  • "Бүтүн Кыргызстан" — 5.80 пайыз.

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык белгилүү болду. Акыркы жыйынтык протоколдордун баары кол менен эсептелип чыккандан кийин расмий жарыяланат.

2
Белгилер:
Кыргызстан, шайлоо, пайыз, добуш, саноо, кол
Тема:
2021-жылкы парламенттик шайлоонун жыйынтыгы
Тема боюнча
Адис жаңылган. БШК сайттагы добуштарды ким көбөйтүп салганын айтты
Шайлоо-2021: бир мандаттуу округ боюнча кол менен саноонун алдын ала жыйынтыгы
Шайлоонун партиялар боюнча алдын ала жыйынтыгы. Кол менен саноо
Адамдар пляжга барышат. Архив

Глобалдуу жылуулуктан кийин адамдын келбети да, мээси да өзгөрөт. Иликтөө

16
(жаңыланган 12:46 01.12.2021)
Адистер климаттын өзгөрүшү адамдын сырткы көрүнүшүнө таасир этип, андан сырткары, ден соолугуна да өзүнүн "салымын" кошорун айтты.

БИШКЕК, 1-дек. — Sputnik. Жер планетасындагы глобалдуу жылуулуктан улам адамдын сырткы көрүнүшү кантип өзгөрө тургандыгын илимпоздор изилдеп чыкканын "Газета" кабарлады.

Илимий эмгектин авторлорунун белгилегенине караганда, эволюция теориясы боюнча жаратылыш шарттары алмашканда түрлөр, жандыктар да өзгөрөт. Бир катар окумуштуулардын айтымында, мындай нерседен адамдар да куру калбайт.

"Климаттын жылып башташы жаныбарлардын кебетесин өзгөртөт" деп аталган эмгектин автору, биолог Сара Райдинг климаттын өзгөрүшү жана глобалдык жылуулук жан-жаныбарлардын көнүшүп кетишинин темпин тездеткен деп эсептейт.

Ыңгайлашкан башка жан-жаныбарлар — европалык чычкандар менен келемиштин бир түрүнүн буттары узарып, денесинин башка түрлөрү да мурдагыдан чоңойгон.

Ал эми адамдарга келе турган болсок, өзгөрүлгөн жылуулуктун айынан меланинди көбүрөөк бөлүп чыгары айтылды. Бул пигменттин териге, чачка жана көзгө өзүнүн таасирин тийгизет. Ал көбүрөөк болсо, теринин өңү кара тору тартып, көз менен чач да карарат.

Климаттын алмашуусу менен адам баласы өзү да, мээсинин көлөмү да өзгөрөрү айтылууда. Изилдөөлөр адамдын орточо көлөмү менен мээси ар дайым өзгөрүп турарын, тагыраагы, суук чоңойтуп, ал эми ысык, тескерисинче, кичирейтерин көрсөткөн.

Илимпоздор глобалдуу жылуулуктун башталып келе жаткандыгынын айынан адамдын мээси менен денеси кайрадан кичирейиши мүмкүн дейт. Кембридждегилер адамдын эс тутуму, сүйлөөсү, бир нерсени тез үйрөнүп кетиши жана мээдеги кан айлануунун жайлай турганын айтышты.

16
Белгилер:
глобалдык жылуулук, илимпоз, изилдөө, адам, келбет
Тема боюнча
Ааламда ири жаратылыш кырсыктары эмнеге болуп жатканын окумуштуулар түшүндүрдү
Кытайда климат кескин өзгөрүп, кесепети оор болору болжолдонуп жатат