Ош шаары. Архивдик сүрөт

Ош: проректор Абдувалиев индиялык студенттин эмнеден каза болгонун айтып берди

5150
(жаңыланган 20:42 25.02.2018)
Каза болгон студентке соттук медициналык экспертиза дайындалып, жыйынтыгы чыгарылды

ОШ, 24-фев. — Sputnik. Кечээ Ош шаардык ооруканасында каза болгон индиялык студент Сураб Тиравинин (Sourabh Tiwari) сөөгү бүгүн, учак менен мекенине жөнөтүлөт. Бул тууралуу ОшМунун Өнүктүрүү жана эл аралык байланыштар боюнча проректору Абдыганы Абдувалиев Sputnik Кыргызстан агенттигине билдирди.

Анын айтымында, маркум студент ОшМУнун эл аралык медицина факультетинин 6-курсунда окуп жаткан.

"Ал 22-февраль күнү катуу ооруп, Ош шаардык ооруканасына кайрылып, ага дароо операция жасалган. Студент панкреатит оорусу менен жабыркачу экен. Ал илдети тереңдеп кеткенде гана ооруканага кайрылгандыктан, өмүрүн сактап калууга мүмкүн болгон жок. 23-февраль күнү студент жигит каза болуп калды. Сөөгү шаардык оорукананын өлүкканасына жеткирилип, соттук медициналык экспертиза дайындалды. Учурда өлүмүнүн себептери аныкталды. Индиянын Кыргызстандагы элчигинин, Кыргызстандын Бажы жана башка тиешелүү кызматтардын өкүлдөрү чогулуп, документтерди биргеликте даярдап жатабыз", — деди Абдувалиев.

Абдувалиев маркумдун сөөгү бүгүн, 24-февралда Бишкек шаарына учак аркылуу жөнөтүлүп, андан ары өзү туулуп-өскөн мекени Индиянын Дели шаарына жибериле турганын кошумчалады.

Расмий маалыматтар боюнча Кыргыстанда 13 миңге жакын чет элдик студент окуйт. Алардын арасында коңшу өлкөлөрдөн баштап алыскы Африкадан келгендер да бар.

5150
Белгилер:
оору, өлүм, студент, Ош мамлекеттик университети (ОшМУ), Индия
Тема боюнча
Ошто 200гө чукул чет элдик студент митингге чыкты
Ош эл аралык аэропорту. Архив

Ошко Москва шаарынан 148 кыргызстандык учуп келди

3
(жаңыланган 21:59 04.07.2020)
Келгендердин арасында төрөтү жакындап калган кош бойлуулар жана 2 жашка чейинки жаш баласы бар аялдар бар.

БИШКЕК, 4-июл. — Sputnik. "Ош" эл аралык аэропортуна бүгүн Москва-Ош каттамы менен 148 кыргызстандык жаран кайтып келди. Бул тууралуу Республикалык штабдан кабарлашты.

Алар "Авиатраффик Компани" авиакомпаниясынын чартердик рейси менен келип түштү.

"Келгендер төрөтү жакындап калган кош бойлуулар жана 2 жашка чейинки жаш баласы бар аялдар. Андан сырткары оор илдети бар жана жакын туугандары каза болгондугунан улам мекенине чукул түрдө кайтышы зарыл болгон жарандар", — деп айтылган маалыматта.

Бүгүн Түркиядан 237 кыргызстандык мекенине алып келинди

Кыргызстанга келүүнү каалаган жарандардын саны көп болгондугуна байланыштуу, бул каттамдагы жүргүнчүлөрдүн тизмеси кыргыз диаспорасынын өкүлдөрүнөн, Москванын Кыргыз медициналык клиникасынан жана Россиядагы Кыргызстандын элчилигинин кызматкерлеринен турган комиссия тарабынан түзүлгөн.

Маалыматта чет мамлекеттерде жүргөн Кыргызстандын жарандарын мекенине кайтарууну уюштуруу иштери улантылары айтылган.

Өлкө аймагындагы соңку кабарлар менен биздин Telegram-каналдан таанышып туруңуз.

3
Белгилер:
пандемия, коронавирус, Россия, Кыргызстан
Тема боюнча
ТИМ Кытайдан келе албай жаткан кыргызстандыктар боюнча үн катты
Боронов: Россияда иштеген кыргыз дарыгерлер жардамга даяр, учак менен алып келебиз
Анкара шаары. Архив

Түркиядагы кыргызстандыктар пенсия, жөлөк пул ала башташат. Күчүнө кирген документ

8
Эки жыл мурда Социалдык фонд түшүндүрмө берип, КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, Кыргызстан он жыл, Түркия 15 жылдык пенсиясын төлөмөк.

БИШКЕК, 4-июл. — Sputnik. Түркиянын аймагында иштеген кыргызстандыктар эми пенсия жана жөлөк пул ала алышат. Бул тууралуу Кыргызстандын аталган мамлекеттеги элчилигинен билдиришти.

2-июлда Кыргызстан менен Түркия өкмөтүнүн ортосундагы социалдык камсыздандыруу боюнча макулдашуусу күчүнө кирди. Аталган чечимге үстүбүздөгү жылдын апрель айында алгач Режеп Тайип Эрдоган кол койгон. Ал эми КР президенти 2019-жылдын январь айында ратификациялаган.

Италияда киши баккандар келин сыяктуу эле кызмат кылат. Ишкер Автандилова менен маек

Ал демилге Жээнбековдун 2018-жылдын апрель айында Түркияга болгон расмий иш сапарында колдоо тапкан.

Эки жыл мурда Социалдык фонд түшүндүрмө берген. КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, ага 25 жылдык стажы үчүн пенсия чегерилмек. Тагыраагы, Кыргызстан он жылдык, Түркия 15 жылдык пенсиясын төлөмөк.

Ошондой эле ал талаптар Кыргызстанда иштеген түркиялыктарга да тиешелүү болуп, мыйзамдуу жол менен тыйын тапкан эки өлкөнүн жарандарынын укуктары эске алынат.

Мамбеталиев: пенсия 28-майга чейин толук таратып берилет

Андан сырткары, жумуштан алган жаракатына, ооруганына, боюнда бар аялдарга төлөнүүчү акча каражаттарын эки жактын жергиликтүү мыйзамдарынын негизинде чегерүү да каралган.

8
Белгилер:
макулдашуу, пенсия, Түркия, Кыргызстан
Тема боюнча
Кыргызстанда кайсы дарт аялды коляскага отургузат? Майыптык боюнча статистика
Өкмөт айлык, пенсия убагында берилерин айтты