Архарлар. Архив

"Өтмөктө" тартылды делген кийиктер каяктын жаныбары экени аныкталды

7676
(жаңыланган 18:17 02.11.2021)
Видеодо кийиктер автожолдун ортосунда турганын, анын чет жакасында, капчыгайда бейкапар жайылып жүргөнүн көрүүгө болот.

БИШКЕК, 28-фев. — Sputnik. Кыргызстандын интернет айдыңына тараган карлуу ашуудагы жолдо шагыраган эчки-текелердин видеосу Талас облусуна кеткен "Өтмөк" ашуусунда тартылбаганы анык болду. Алар Кавказды байырлаган кийиктер экендигин окумуштуу, биология илимдеринин кандидаты Аскар Давлетбаев Sputnik Кыргызстан маалымат агенттигине айтып берди.

Facebook социалдык тармагына жайгаштырылган видеого түшүндүрмө берилген текстте кайберендер Талас облусундагы "Өтмөк" ашуусунда тартылган деп жазылган.

Анда кийиктер автожолдун ортосунда турганын, анын чет жакасында, капчыгайда бейкапар жайылып жүргөнүн көрүүгө болот.

"Видеодогу эчки-текелер Кыргызстанда тартылган эмес. Алар Кавказ түрүнө кирүүчү жана тоо теке менен аркардын ортосундагы тоо жаныбарлары. Адатта Кавказ тоолорун байырлашат. Эгерде жакшылап карасаңар, биздикине (Кыргызстандагы кийиктерге — ред.) окшош келгени менен өңү жана мүйүзүнүн формасы башкачараак болуп турат", — деди Улуттук илимдер академиясынын зоология боюнча лабораториясынын жетекчиси Давлетбаев.

Ал интернетке аталган видеону жайгаштыргандар тамаша иретинде коюшу мүмкүн деген пикирин кошумчалады.

Ал эми Кыргызстанга келсек, Мамэкотехинспекциясынын өкүлү Максат Өмүровдун 2016-жылдагы берген маалыматына караганда, Кыргызстандын аймагында 12-17 миңге жакын аркар-кулжа, 45-50 миңге жакын тоо теке бар.

Буга чейин Жогорку Кеңештин депутаттары жапайы жаныбарларды атууга тыюу салуу боюнча мыйзам долбоорун демилгелеп, бирок ал өтпөй калган. Анда аңчылыкка 2025-жылга чейин чектөө коюу туурасында айтылган.

7676
Белгилер:
эчки, аркар, тоо теке, кийик, кулжа
Тема боюнча
Аңчылыкка тыюу салууну депутаттар колдогон жок. Добуш бергендердин тизмеси
ИИМ аркарды ташка алып өлтүргөн жарандарды издеп жатат
Арашан айылындагы парламенттик шайлоодо жергиликтүү шайлоо комиссиясынын мүчөлөрү шайлоо участкасында иштеп жаткан учуру

Добуштардын 40%ы саналды. Алдыда келе жаткан 7 партиянын тизмеси

138
(жаңыланган 13:41 01.12.2021)
Саат 13:00гө карата 1000 шайлоо тилкесинде бюллетендер эсептелип, протоколдор БШКга жөнөтүлгөн.

БИШКЕК, 1-дек. — Sputnik. Парламенттик шайлоодо берилген добуштардын 40,10 пайызы кол менен саналып бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Саат 13:00гө карата 1000 шайлоо тилкесинде бюллетендер саналып бүтүп, протокол жөнөтүлгөн. Бул 446 907 жарандын тандоосу ачыкталганын түшүндүрөт. Жалпысынан шайлоого 1 273 557 кыргызстандык катышкан.

Азырынча төмөнкү партиялар беш пайыздык босого чектен өттү:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык белгилүү болду. Акыркы жыйынтык протоколдордун баары кол менен эсептелип чыккандан кийин расмий жарыяланат.

138
Белгилер:
Кыргызстан, шайлоо, пайыз, добуш, саноо, кол
Тема:
2021-жылкы парламенттик шайлоонун жыйынтыгы
Тема боюнча
Адис жаңылган. БШК сайттагы добуштарды ким көбөйтүп салганын айтты
Шайлоо-2021: бир мандаттуу округ боюнча кол менен саноонун алдын ала жыйынтыгы
Шайлоонун партиялар боюнча алдын ала жыйынтыгы. Кол менен саноо
Адамдар пляжга барышат. Архив

Глобалдуу жылуулуктан кийин адамдын келбети да, мээси да өзгөрөт. Иликтөө

27
(жаңыланган 12:46 01.12.2021)
Адистер климаттын өзгөрүшү адамдын сырткы көрүнүшүнө таасир этип, андан сырткары, ден соолугуна да өзүнүн "салымын" кошорун айтты.

БИШКЕК, 1-дек. — Sputnik. Жер планетасындагы глобалдуу жылуулуктан улам адамдын сырткы көрүнүшү кантип өзгөрө тургандыгын илимпоздор изилдеп чыкканын "Газета" кабарлады.

Илимий эмгектин авторлорунун белгилегенине караганда, эволюция теориясы боюнча жаратылыш шарттары алмашканда түрлөр, жандыктар да өзгөрөт. Бир катар окумуштуулардын айтымында, мындай нерседен адамдар да куру калбайт.

"Климаттын жылып башташы жаныбарлардын кебетесин өзгөртөт" деп аталган эмгектин автору, биолог Сара Райдинг климаттын өзгөрүшү жана глобалдык жылуулук жан-жаныбарлардын көнүшүп кетишинин темпин тездеткен деп эсептейт.

Ыңгайлашкан башка жан-жаныбарлар — европалык чычкандар менен келемиштин бир түрүнүн буттары узарып, денесинин башка түрлөрү да мурдагыдан чоңойгон.

Ал эми адамдарга келе турган болсок, өзгөрүлгөн жылуулуктун айынан меланинди көбүрөөк бөлүп чыгары айтылды. Бул пигменттин териге, чачка жана көзгө өзүнүн таасирин тийгизет. Ал көбүрөөк болсо, теринин өңү кара тору тартып, көз менен чач да карарат.

Климаттын алмашуусу менен адам баласы өзү да, мээсинин көлөмү да өзгөрөрү айтылууда. Изилдөөлөр адамдын орточо көлөмү менен мээси ар дайым өзгөрүп турарын, тагыраагы, суук чоңойтуп, ал эми ысык, тескерисинче, кичирейтерин көрсөткөн.

Илимпоздор глобалдуу жылуулуктун башталып келе жаткандыгынын айынан адамдын мээси менен денеси кайрадан кичирейиши мүмкүн дейт. Кембридждегилер адамдын эс тутуму, сүйлөөсү, бир нерсени тез үйрөнүп кетиши жана мээдеги кан айлануунун жайлай турганын айтышты.

27
Белгилер:
глобалдык жылуулук, илимпоз, изилдөө, адам, келбет
Тема боюнча
Ааламда ири жаратылыш кырсыктары эмнеге болуп жатканын окумуштуулар түшүндүрдү
Кытайда климат кескин өзгөрүп, кесепети оор болору болжолдонуп жатат