Келиндер. Архивдик сүрөт

Аңдышкан жоо болбойлучу... Абысын кыжырды кайнатканда

1962
(жаңыланган 13:58 08.03.2018)
Абысындын баары алтын эмес, арасында көрө албаган, жакшылык-жамандыкта басып келбеген, менменсингендер болот.

Андайлар, албетте, кыжыр кайнатат. Абысындардын дал ушундай жинге тийген сапаттарын Sputnik Кыргызстан агенттиги топтоп чыкты.

Көрө албагандар. Мындай ичи тар абысындар үйгө оокат-кече алсаң да, жакшы жумушта иштесең да көрө албайт. Өңү-башы бузулуп, ичинен кайнап, булкулдап… Айтор, сен андан ашып кетпешиң керек.

Керсейгендер. Келгенине жыл толо элек жатып сага сабак өтүп, айдан түшө калгансып улуусунуп, сулуусунгандарды да ордуна коюп койчулар табылат.

Конок менен кошо келгендер. Абысын жок дегенде той-ашта кол кабыш кылып койсо жакшы да. Жок, койкоюп конок менен кошо келет. Анан да алар менен кошо конок болуп алганда күйбөгөн жериң күл болот го.

Эрегишкендер. Эгер кыялы чатак абысының менен бир үйдө жашап калсаң андан өткөн азап жок. "Идиш жуубай койду, тамак жасабай койду" деп атаандашып атып айлаңды кетирет. Анан да "жеңем же келиним мындай көйнөк кийип алыптыр, эмнеге мага алып бербейсиң" деп күйөөсүн куураткандар да болот.

Түртө салгандар. Той-ашта, көпчүлүктө чыныны бир кармап, чаканы бир кармап, же кыйратып жасап ийген жумушу жок, ары-бери баскан келиндер бар. Баласы ыйлабаса деле жумуштан качып, эмизип отура калган абысындар да аман болсун!

Ушакчылар. Сени кайненеңе жамандап, кайнененин сөзүн сага ташыган абысындар да жинге тиет. Анын айынан кээ бир үй-бүлөдө уруш чыгат. Ошондон ырахат алып өзүн сүттөн аппак чыгарган жолдошубуздун жеңелери же келиндерине таң бересиң.

Кандай кайнене кыжыр кайнатаарын Sputnik Кыргызстан агенттиги даярдаган материалдан окуңуздар.

1962
Белгилер:
үй-бүлө, Кыргызстан
Тема:
Кыжырды кайнаткандар (57)
Тема боюнча
Сөз ташыбай, төш ташы! Келиндер кыжырды кайнатканда
Көктөн түшө калсаң да... Күйөө балдар кыжырды кайнатканда