ЖК депутаты Камчыбек Жолдошбаевдин архивдик сүрөтү

Депутат Жолдошбаев маршруткага түшүүнү сунуштаган журналисттерге жооп берди

2682
(жаңыланган 12:11 08.03.2018)
Депутат Жолдошбаев Sputnik Кыргызстан маалымат агенттигинин шеф-редактору менен сүйлөшүп, маршруткага түшөрүн айткан.

БИШКЕК, 7-мар. — Sputnik. Бир айга жакын убакыт мурда кесиптештеринин маршрутка менен жүргөнүнөн уялганын айткан ЖК депутаты Камчыбек Жолдошбаев журналисттердин коомдук транспортко түшүү сунушуна түшүнүксүз жооп берди.

Sputnik Кыргызстан маалымат агенттигинин кабарчылары Жолдошбаевге эл кызматындагы адамдын маршрутка менен жүрүүсү кадимки көрүнүш экенин көрсөтүүнү сунушташкан.

"Сага маршрутка менен жүргөндү үйрөтөм, өзүм да түшөм. Күтүп тур, макулбу", — деген депутат журналистке.

Sputnik Кыргызстан агенттигинин журналисттери Жогорку Кеңештин имаратына барганда аны видеого тартууга каршы болгон.

Берген убадасы боюнча коомдук транспортко түшкөнүн тарталы деген максатта депутатка бүгүн телефон чалып, байланыша алган жокпуз.

ЖКнын 1-февралдагы жыйынында депутат Камчыбек Жолдошбаев эл өкүлдөрүнүн жардамчылары жана кызматтык унаа боюнча маселени журналисттерди катыштырбай талкуулоо боюнча сунуш киргизген.

2682
Белгилер:
Камчыбек Жолдошбаев, депутат, журналист, маршрутка
Тема боюнча
Кесиптештеринен уялган Камчыбек Жолдошбаевдин эмне мүлкү бар
Жолдошбаев: депутаттарга кызматтык унаасы жана жардамчысы кайтарылышы керек
Жогорку Кеңештин жөө жүргөн депутаттары. Тизме
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

48
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

48
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!