Бишкек ТЭЦи. Архив

Нурлан Өмүркул уулу ТЭЦтеги коррупция тууралуу билген үч кишинин атын атады

3935
(жаңыланган 14:18 16.03.2018)
ТЭЦтин мурдагы директору мекемени модернизациялоодо "жабдуулардын кымбат сатып алынып жатканын" мурдатан билиши мүмкүн деген үч кишинин аты-жөнүн айтты

БИШКЕК, 15-мар. — Sputnik. Борбор калаадагы ТЭЦти жаңылоодо жабдуулар менен материалдар кымбат сатып алынып жатканын Улуттук энергохолдингдин башчысы, "Электр станциялары" ААКтын башкы директору жана ТЭЦти модернизациялоо боюнча топтун аткаруучу директору билиши керек болчу деген пикирин жылуулук электр борборунун мурдагы директору Нурлан Өмүркул уулу Sputnik Кыргызстан агенттигинин кабарчысына билдирди.

Анын айтымында, ТЭЦти модернизациялоо үчүн алынган бардык жабдуулар кымбат баада алынган. Ал коомчулукка болгону "640 долларга алынган эки аттиш менен 14 500 доллардык видеокамера" боюнча эле маалымат тарагынан айтты. Анткени бул нерселердин баасы канча экенин эл жакшы билет.

Өмүркул уулу баалар кымбат экенин үч киши билиши керектигин айтты.

"Бул тууралуу Энергохолдингдин төрагасы Айбек Калиев, "Электр станциялары" ААКтын башкы директору Узак Кыдырбаев жана ТЭЦти модернизациялоо боюнча топтун аткаруучу директору Темирлан Бримкулов билиши керек", — деди ал.

Улуттук энергохолдинг ТЭЦтин айланасындагы иштер боюнча тергөө аяктаганга чейин түшүндүрмө бербей турганын билдирди.

26-январда ТЭЦте болгон авария жөнгө салынгандан кийин мекеменин директору Нурлан Өмүркул уулу 2-февралда кызматтан алынган болчу. Арадан бир жарым ай өткөндөн кийин ал жылуулук электр борборун жаңылоо учурунда жасалган коррупциялык иштер боюнча жана авариянын чыныгы себеби тууралуу үн каткан.

3935
Белгилер:
коррупция, ТЭЦ, Нурлан Өмүркул уулу
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Бишкек ТЭЦиндеги авариянын чыныгы себебин ишкананын мурдагы директору айтып берди
Бишкек ТЭЦиндеги авария боюнча Кытай компаниясы үн катты
Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду

Ош шаарында 43 мечитте майрамдык айт намаз окулду. Сүрөттөр

13
Калаа башчысы Сарыбашов ооз ачыруу иш-чаралары түрдүү улуттар ортосундагы пикир алышууну, ынак мамилени чыңдаган аянтча болгонун айтты.

БИШКЕК, 13-май — Sputnik. Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду. Бул тууралуу мэриянын маалымат кызматы кабарлады.

  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду
    © Фото / пресс-служба мэрии города Ош
  • Мэр города Ош Таалайбек Сарыбашов участвует в праздничном айт намазе в центральной мечети Оша по случаю окончания священного месяца Рамазан
    Иш-чарага Таалайбек Сарыбашов, өкмөттүн Ош облусундагы өкүлүнүн орун басары Ахмаджан Махаммадов, дин кызматкерлери, аксакалдар жана жашоочулар катышкан
    © Фото / пресс-служба мэрии города Ош
  • Мэр города Ош Таалайбек Сарыбашов участвует в праздничном айт намазе в центральной мечети Оша по случаю окончания священного месяца Рамазан
    Калаа башчысы бардык жарандарды Орозо айт майрамы менен куттуктап, ар бир үй-бүлөгө жакшылыктарды жана ийгиликтерде каалаган
    © Фото / пресс-служба мэрии города Ош
  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Мэр ооз ачыруу иш-чаралары түрдүү улуттардын өз ара пикир алышуу аянтчасына айланып, шаардагы диний абалдын туруктуулугу сакталып, этностор аралык мамилелердин мындан ары да чыңдалышына өбөлгө түзгөнүн кошумчалаган
    © Фото / пресс-служба мэрии города Ош
  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Мэриянын маалымат кызматынан 43 мечитте майрамдык айт намаз окулгандыгын билдиришти.
    © Фото / пресс-служба мэрии города Ош
1 / 5
© Фото / пресс-служба мэрии города Ош
Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду

Иш-чарага Таалайбек Сарыбашов, өкмөттүн Ош облусундагы өкүлүнүн орун басары Ахмаджан Махаммадов, дин кызматкерлери, аксакалдар жана жашоочулар катышкан.

Калаа башчысы бардык жарандарды Орозо айт майрамы менен куттуктап, ар бир үй-бүлөгө жакшылыктарды жана ийгиликтерде каалаган.

"Бул ай араздашкандар элдешкен, оорулуулардан, жетим-жесирлерден жана момун мусулмандардан кабар алынган мезгил. Бүгүн да битир-садагалар жана кайрымдуулук иштери уюштурулуп жатат. Бир ай ичинде ооз ачыруунун алкагында бири-бирибизге жакшы каалоо-тилектер айтылды", — деген Сарыбашов.

Мэр ооз ачыруу иш-чаралары түрдүү улуттардын өз ара пикир алышуу аянтчасына айланып, шаардагы диний абалдын туруктуулугу сакталып, этностор аралык мамилелердин мындан ары да чыңдалышына өбөлгө түзгөнүн кошумчалаган.

Мындан сырткары, ал санитардык-эпидемиологиялык кырдаалга түшүнүү менен мамиле жасап, эрежелерди так сактап жаткан элге ыраазычылыгын айткан.

Мэриянын маалымат кызматынан 43 мечитте майрамдык айт намаз окулгандыгын билдиришти.

13
Белгилер:
орозо, Ош мэриясы, Айт намаз, Таалайбек Сарыбашев, Ош
Тема:
Орозо-2021
Тема боюнча
Жараткандан жакшылык сурап таң заарда чогулган эл. Айт намаздагы 15 ирмем
Ыраазылык жана кызматташуу. Жапаров Токаев менен телефон аркылуу сүйлөштү
Рахмон куттуктоосунда Жапаровго ден соолук, кыргыз элине тынчтык тиледи
Тамчы аэропортунда учактан түшүп жаткан жүргүнчүлөр. Архив

Дүйшөмбүдө Алматыдан Ысык-Көлгө күн сайын уча турган авиакаттам ачылат

45
Жаңы ачылган авиакаттамдар санитардык-эпидемиологиялык талаптарды дыкат сактоо менен жүргүзүлөрү айтылды.

БИШКЕК, 13-май — Sputnik. Казакстан Ысык-Көлгө жаңы авиакаттам ача турганын Sputnik Казакстан агенттиги кабарлады.

Ростов-на-Дону шаарынан Ошко авиакаттам ачылышы
© Фото / пресс-служба ОАО "Международный аэропорт "Манас"
Маалыматка ылайык, 15-майдан тарта Алматы — Тамчы — Алматы багыты ишке киргизилип, жумасына жети жолу, башкача айтканда, күн сайын бирден учак каттап турат.

Коңшу өлкөнүн Өзбекстан, Черногория, Нидерландия менен да жаңы каттамдарды ачып, андан сырткары Бириккен Араб Эмираты багытын мурдагыдан активдештире турганы кабарланды.

Авиакаттамдар санитардык-эпидемиологиялык талаптарды дыкат сактоо менен жүргүзүлөрүн баса белгилешкен.

45
Белгилер:
Алматы, Ысык-Көл, авиакаттам, Казакстан, Кыргызстан
Тема боюнча
Министрликте Бишкек — Тегеран авиакаттамын жандантуу талкууланды
Бишкектен кайсы авиакаттамдар токтотулуп, канчасы калды. Тизме
Кумтөрдөн алтын казган Centerra Gold Inc. компаниясынын кызматкери. Архив

Centerra директорлор кеңешин алмаштырды. Кыргызстандын атынан кимдер мүчө болду

0
(жаңыланган 14:12 13.05.2021)
Ишкананын директорлор кеңешинин 11 мүчөсү бар, ага Кыргызстандын үч жараны кире алат. Кеңеш жыл сайын май айында жаңыланат.

БИШКЕК, 13-май — Sputnik. Кумтөрдөн алтын казган Centerra Gold Inc. компаниясынын директорлор кеңеши алмашып, Кыргызстандын атынан Дүйшөн Касенов, Максат Көбөнов жана Тенгиз Бөлтүрүк шайланды. Бул тууралуу аталган компаниянын сайтында жазылган.

Centerra Gold Inc. ишканасынын директорлор кеңешинин 11 мүчөсү бар, ага Кыргызстандын үч жараны мүчө болуп кире алат.

2021-жылдын 11-майында акционерлердин жылдык жыйыны өтүп, директорлор кеңеши алмашканы жазылган.

Жыйында Centerra Gold Inc. компаниясынын чыгарылган жана жүгүртүүдөгү акциясынын 56,59 пайыз же 168 096 447 акциясы көрсөтүлгөн.

Белгилей кетсек, компаниянын директорлор кеңеши жыл сайын май айында шайланып турат. Дүйшөн Касенов, Максат Көбөнов жана Тенгиз Бөлтүрүк буга чейин да мүчө болчу.

0
Белгилер:
алмашуу, директорлор кеңеши, Centerra Gold Inc, Кыргызстан
Тема:
"Кумтөргө" 3 миллиард доллар айып салынышы
Тема боюнча
"Кумтөрдүн" тагдырын чечкен комиссияга кимдер кирген. Тизме
Жапаров: Centerra Кыргызстандын саясатына кийлигишип, шайлоого таасир эткен