Кош бойлуу келин. Архив

Аялдардын согончогу эмне үчүн канабайт? 6 себеп

(жаңыланган 11:43 18.03.2018)
Бул дүйнөдө балалуу болууну каалабаган адам болбосо керек. Бирок аялуу жандын түрдүү себептер менен наристе жытын искей албай калган учуру көп.

Бишкектеги №1 үй-бүлөлүк медициналык борбордун дарыгер гинеколог-эндокринологу Нуржамал Керимбаева аялдардын балалуу болбой калышынын бир нече себебин айтып берди.

Гинеколог-эндокринолог ЦСМ №1 в Бишкеке Нуржамал Керимбаева в кабинете
© Sputnik / Табылды Кадырбеков
Бишкектеги №1 үй-бүлөлүк медициналык борбордун дарыгер гинеколог-эндокринологу Нуржамал Керимбаева

Тукумсуздук деген эмне?

Жубайлар жыл бою жыныстык катнашта жүрүп, бирок балалуу боло албаса тукумсуздук деген жыйынтык чыгат. Аял 35 жаштан өткөндө жарым жыл ичинде боюна бүтпөсө балалуу боло албай жатыптыр деген бүтүмгө келебиз. Бул болгону медициналык жыйынтык. Андан соң себебин аныктап, дарылоого өтөбүз.

Келиндерди тукумсуздукка алып келген 6 жагдай

1. Жатындын туура эмес өрчүшү, шишиктин пайда болушу, түтүкчөлөрдүн бүтөлүп калышы түйүлдүк жарата албайт. Буга жыныстык катнаш аркылуу жуккан инфекциялар себеп.

2. Бойдон алдыруу же түшүп калуу. Аялдын боюна бүткөндө организм ошого жараша даярданат. Түйүлдүк алынгандан кийин дене көп убакыт стресске кабылат. Бойдон алдыруунун өзү кооптуу. Заманбап ыкма вакуум же дары-дармектин жардамы менен түйүлдүктү алдыруу жеңил деп айтылганы менен кийин кесепетин тийгизбей койбойт.

3. Урук клеткаларынын азайышы. 36 жаштагы келин балалуу болбой жатам деп келди. Ден соолугун текшерип көрсөк урук клеткалары түгөнүп калыптыр. Кыз бала төрөлгөндө урук клеткасынын ченелүү саны менен жарыкка келет. Маселен үч миллион болсо, ал үй-бүлө курганга чейин айыз циклинен, жыныстык катнаштан кийин же өзүнөн өзү корой берет. Урук клеткасынын резерви адамдын тукумунан, организминен көз каранды. Чет өлкөдө урук сактоо иштери кеңири жүргүзүлөт. Бизде бир гана клиника мындай иш менен алектенет.

Кресло для пациентов в кабинете гинеколога в ЦСМ №1 в Бишкеке
© Sputnik / Табылды Кадырбеков
Эгер дары-дармек, операциялык жол тукумсуздук менен алышууга жардам бербесе, жасалма уруктандыруу сунушталат. Мындай ыкмалар учурда Кыргызстанда өнүгүүдө

4. Биологиялык дал келбестик. Жакында Алматыдан жубайлар келди. Алар сегиз жылдан бери балалуу боло албай, какпаган эшиги, барбаган клиникасы, кайрылбаган бүбү-бакшысы калбаптыр. Балалуу болбой жатканда адатта аялды күнөөлөшөт. Жубайлардын саламаттыгын текшерсек баары жайында экен. Биологиялык дал келбестик деген бар. Башкача айтканда, аялдын организми эркектин уругун кабыл албайт. Ошол эле аял башка күйөөгө чыкса балалуу болуп кетет. Бул оору эмес, табияттын бергени.

5. Вагинизм. Жакында эле жаш кыз келип, жолдошу менен 2,5 жылдан бери жыныстык катнашсыз эле жашап жүргөнүн айтты. Ал вагинизм оорусуна кабылыптыр. Вагинизм — аялдын жыныс кынынын ачылбай калышы. Башкача айтканда, дене чочуп калат. Мында гинеколог психолог менен чогуу иштеш керек. Буга көбүнчө төшөк жаатында тажрыйбасы жок жаш жубайлар, зордуктоого дуушар болгон кыз-келиндер кабылат.

6. Эндокриндик (адамдын ички бөлүгү — ред.) тукумсуздук. Мында гормондордун иштеши бузулат. Ага урук клеткаларынын өрчүбөй калышы, айыз циклинин бузулушу, мээдеги пролактин гормонунун туура эмес иштеши себеп. Пролактин гормонунун көп иштелип чыгышы урук клеткаларынын санын азайтат.

Гинеколог-эндокринолог ЦСМ №1 в Бишкеке Нуржамал Керимбаева в кабинете
© Sputnik / Табылды Кадырбеков
Дарыгер Керимбаева: кыз бала төрөлгөндө урук клеткасынын ченелүү саны менен жарыкка келет. Маселен үч миллион болсо, ал үй-бүлө курганга чейин айыз циклинен, жыныстык катнаштан кийин же өзүнөн өзү корой берет.

Жасалма инсеминация, ЭКУ жолдору аркылуу балалуу болуу

Эгер дары-дармек, операциялык жол тукумсуздук менен алышууга жардам бербесе, жасалма уруктандыруу сунушталат. Мындай ыкмалар учурда Кыргызстанда өнүгүүдө.

Жасалма инсеминация — эркектин уругун аялдын жатынына жайгаштыруу менен бойго бүтүрүү. Алгач эркектин уругу лабораторияда тазаланып, тоңдурулат. Аялдын жумуртка клеткасы сперма менен кошулууга даяр болгон учурда тоңдурулган урук аялдын жатынына атайын катетер шприцтин жардамы менен киргизилет.

Ал эми экстракорпоралдык уруктандыруунун (ЭКУ) ыкмасында аялдын бышып жетилген урук безин, ошол эле учурда эркектин да спермасын алып лабораторияда экөөнү бир пробиркага жайгаштырат. Пробиркада түйүлдүк пайда болгондон кийин ал аялдын жатынына салынат.

Биз буга чейин эркектерди тукумсуздукка жеткирген ооруларды тизмектегенбиз.

Белгилер:
аял, төрөт, тукумсуздук, оору, ден соолук, бала, Нуржамал Керимбаева
Тема боюнча
Балага зар болдум... Эркектерди тукумсуздукка жеткирген 7 оору
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ошто балдардын жугуштуу илдеттер ооруканасынын жаңы имараты эшигин ачты. Сүрөт

(жаңыланган 21:43 19.04.2021)
100 орунга ылайыкташкан жаңы оорукананын курулушу бир жыл ичинде бүткөн. Ал эми эски имараты толугу менен оңдолгон.

БИШКЕК, 19-апр.— Sputnik. Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди. Бул тууралуу мэриянын маалымат кызматы кабарлады.

Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан. Иш-чарада министр дарыгерлердин айлык акылары көтөрүлө тургандыгын белгилеген.

  • Новая городская детская инфекционная больница на 100 мест в городе Ош
    Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан.
    © Фото / пресс-служба мэрии города Ош
  • Министр здравоохранения Алымкадыр Бейшеналиев и руководители городской мэрии Оша осматривают новую детскую инфекционную больницу
    Иш-чарада министр дарыгерлердин айлык акылары көтөрүлө тургандыгын белгилеген.
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.
    © Фото / пресс-служба мэрии города Ош
1 / 4
© Фото / пресс-служба мэрии города Ош
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.

100 орунга ылайыкташкан оорукананын курулушу бир жыл ичинде бүткөнү айтылды. Ал эми медициналык мекеменин эски имараты толугу менен капиталдык оңдоп-түзөөдөн өткөнү маалым болду.

Белгилер:
азем, ачылыш, министр, оорукана, Ош, Кыргызстан
Тема боюнча
Алай районунда 60 орундуу жугуштуу илдеттер ооруканасы ачылды. Сүрөт