Легендарлуу актер Советбек Жумадыловдун архивдик сүрөтү

Тасмада залим, жашоодо ак көңүл. Легендарлуу Советбек Жумадылов тууралуу 7 факты

2207
(жаңыланган 08:56 26.03.2018)
Аткарган ролдору аркылуу кыргыз кино жана театрынын тарыхында өчпөс из калтырган легендарлуу актер Советбек Жумадылов 17 жыл мурда, 2001-жылы 24-мартта, о дүйнөгө узаган. Гениалдуу актер кыргыз элинин элесинде экрандагы уникалдуу образдары аркылуу сакталып кала бермекчи.

Sputnik Кыргызстан агенттиги театр жана кинодо драма, трагедия же комедия дебей ролдорунун баарын ийине жеткире аткарган кыргыз эл артисти Советбек Жумадылов тууралуу кызыктуу фактыларды сунуштайт.

Мугалим болууну самаган. Советбек Жумадылов 1932-жылы 5-декабрда Ысык-Көл облусунун Түп районундагы Тепке айылында туулуп, балалык чагы Каракол шаарында өткөн. Кыялы мугалимдик кесип болгондуктан, алгач чыгармачылыкка аралашууну ойлогон эмес. Мектепте 7-классты аяктаган соң Пржевальск (азыркы Каракол шаары) шаарындагы педагогикалык окуу жайына тапшырып жашоосун билим берүүгө арноону чечет. 

Народный артист Советбек Джумадылов в роли Каимбая
© Фото / Александр Федоров
Эл артисти Советбек Жумадылов "Биринчи мугалим" тасмасында Каимбийдин ролун ойногон

Ташкентке жеткирген талант. Советбек Жумадылов 1948-жылы педагогикалык окуу жайды аяктап жаткан учурда таланттуу балдарды издеген атайын комиссия шаарга келип калат. Өз күчүн сынап көргөн жаш талантты комиссия жактырып, ал Ташкент шаарындагы А.Н.Островский атындагы мамлекеттик театр өнөрү институтуна кабыл алынат. Ушинтип мугалим болууну самаган Советбек Жумадылов артисттик өнөрдү аркалап, чыгармачылыкка карай алгачкы кадамын таштайт.

Бир театрга арналган өмүр. Жаш актер беш жылдан соң театр өнөрү институтун ийгиликтүү аяктайт. 1953-жылы Кыргызстанга келип Мамлекеттик драма театрына (азыркы Т.Абдумомунов атындагы Кыргыз улуттук академиялык драма театры) кабыл алынат. Cоветбек Жумадылов бул театрда өмүрүнүн аягына чейин дээрлик жарым кылымга жакын эмгектенип, 1988-1990-жылдары театрдын көркөм жетекчиси кызматын да аркалайт. 

На съемках фильма Каныбек
© Фото / Александр Федоров
"Каныбек" тасмасын тартуу учуру

Отеллодон Бакайга чейин… Жумадылов театрда да, тасмада да ар тараптуу ролдорду чеберчилик менен аткарып, унутулгус образдарды жараткан. Семетей, Бакай, Отелло, Ричард, Мырзакул, Омар Хаям, Эдигей, Танабай, Эзоп сыяктуу образдары кыргыз театр өнөрүндөгү өзгөчө көрүнүш болгон. Советбек Жумадылов актердук өнөрү менен Москвадагы театр сүйүүчүлөрүн да таң калтырган. 1986-жылы "Ричард III" жана 1988-жылы "Кылым карытар бир күн" спектаклдери менен Союздун борборуна барып, Ричард жана Эдигейдин образдары үчүн москвалык сынчы жана көрүүчүлөрдүн жогорку баасына татыган.

Тасмада залим, жашоодо ак көңүл. Советбек Жумадыловдун азыркы көрүүчүлөрдүн эсинде экрандагы ролдору менен да калды. "Тайгак кечүүдө" Болотбекти, "Биринчи мугалимде" Каимбайдын, "Бакайдын жайытында" Алымдын, "Ак мөөрдө" Баякенин, "Ак баранын көз жашында" Бостондун, "Махабат дастанында" Абдилхандын, "Караш-караш окуясында" Жарасбай манаптын ролун аткарган. Актердук карьерасында терс каармандардын образын мыкты жаратса да санаалаштары анын жашоодо ак көңүл, баарына бирдей мамиле кылган жөнөкөй адам болгонун айтышат.

Япон режиссерунун баасына татыган талант. Көпчүлүк Советбек Жумадыловдун дүйнөгө белгилүү япон режиссеру Акира Куросаванын тасмасында роль ойногонун биле бербейт. Куросава 1975-жылы орус жазуучусу Владимир Арсеньевдин чыгармасынын негизинде "Дерсу Узала" тасмасын тартат. Советбек Жумадылов башка жүздөгөн советтик актерлор менен бирге Дерсу Узала ролу үчүн ат салышып, бирок башкы каарман үчүн тувалык актер Максим Мунзук тандалат. Акира Куросава кыргыз актерунун талантына баа берип, ага тасмадагы тери сатуучунун ролун берген. Фильмдеги башкы ролдордун бирин Сүймөнкул Чокморов ойногон. 

Советбек Джумадылов с  Айтурган Темировой и Гульсарой Аджибековой
© Фото / Александр Федоров
Советбек Жумадылов Айтурган Темирова жана Гүлсара Ажибекова менен

Төш толо наам. Кыргыз ССРинин Эл артисти Советбек Жумадылов Эмгек Кызыл Туу ордени, "Даңк" медалы, Эл аралык "Алтын копир" сыйлыгы, Кыргыз ССРинин Жогорку Президиумунун ардактуу грамотасы менен сыйланган.

Улуу актер 2001-жылы 24-мартта Бишкек шаарында каза болгон.

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндап келет. Советбек Жумадыловдун "Караш-караш окуясында" жараткан Жарасбай манап образын жана улуу таланттын белгисиз сүрөттөрүн көрсөңүз болот.

Советбек Жумадылов тартылган тасмаларды жазбай тааныйсызбы? Анда гениалдуу актер тартылган кинолор боюнча даярдалган тестти тартуулайбыз.

2207
Белгилер:
Советбек Жумадылов, кино, театр
Тема:
Кыргыздын көркөм өнөрү, белгилүү инсандары жөнүндө фактылар (401)
Тема боюнча
Кыргыз киносунун алптарынын бири Советбек Жумадыловдун белгисиз сүрөттөрү
Кинону чаксаңыз, Жумадыловдун тасмаларын таанып бериңизчи. Тест
Нандын даамын беш жашымда таткам. Дарика Жалгасынова тууралуу 6 факты
Өз үйүн күрөөгө коюп кино тарткан Эрнест Абдыжапаров. Режиссер тууралуу 6 факты
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!