Соода борборундагы балдар аянтчасы. Архивдик сүрөт

Депутат соода үйлөрүндөгү балдар аянтчасын ылдыйкы кабатка түшүрүү маселесин козгоду

175
(жаңыланган 16:40 28.03.2018)
Эл өкүлү кооптуулуктун алдын алуу боюнча Мамэкотехинспекциянын кызматкерлери кандай текшерип жатат деген суроо маанилүү экендигине басым жасады.

БИШКЕК, 28-мар. — Sputnik. Кыргызстандагы соода борборлорундагы балдар ойной турган жайларды ылдыйкы, коопсуз кабаттарга түшүрүү зарыл. Керек болсо муну мыйзамга, атайын токтомго киргизүү керек. Мындай пикирин Жогорку Кеңештин КСДП фракциясынын депутаты Аида Касымалиева Sputnik Кыргызстан агенттигине билдирди.

"Россиянын Кемерово шаарындагы трагедия жүрөктү түшүрдү. Соода борборлору, айрыкча, Бишкек менен Ош шаарларында көп жайгашкан. Андагы балдар ойногон, чогулган жер соода борборунун акыркы кабатында эмес, эң коопсуз деген аймагында, ылдый жакта жайгашуусу керек", — деди Касымалиева.

Парламентарий бул жайларды астыңкы кабаттарга түшүрүү боюнча документтерди карап чыгууга камынганын, эгерде андай учурлар каралбаса, тиешелүү мыйзамдар менен киргизүүгө ниеттенип жаткандыгын белгиледи.

"Бул маселени парламенттеги тийиштүү комитеттерде көтөрүү зарылдыгы турат. Жалаң соода борборлору боюнча абалды көчмө жыйын болобу, айтор, талкуулоо керек. Мыйзамда жогорку кабатта боло берсин деп чектөө коюлбаган болсо, анда токтомгобу, мыйзамгабы өзгөртүү киргизүүгө жардам берет элем. Бул учурда мени түйшөлткөн маселенин бири болууда", — деди эл өкүлү.

Ал кооптуулуктун алдын алуу боюнча Экологиялык жана техникалык коопсуздук боюнча мамлекеттик инспекциянын кызматкерлери кандай текшерип жатат деген суроо маанилүү экендигине басым жасады.

"Мамэкотехинспекциянын кызматкерлери канчалык жакшы, сапаттуу текшерет, ушул маанилүү. Колуна акча берип койсо эле иш бүтүп калбайбы? Бул жерде чоң бизнес бар. Соода борборлорун текшерген инспекторлор коопсуздук боюнча чын эле катасын тапса, жаап коюшабы же адам өмүрүнө забын боло турган кемчилик чын эле оңдолобу деген маселе болуп жатат", — деди ал.

Эске салсак, Россиянын Кемерово шаарындагы "Зимняя вишня" деп аталган төрт кабаттуу соода борборунда жекшемби күнү өрт чыккан. Анда жалындын бир нече кинозал менен балдар аянтчалары иштеген жогорку кабатта чыкканы айтылган. Анын кесепетинен 64 адам каза тапса, анын 41и — балдар экени айтылды.

175
Белгилер:
соода борбору, трагедия, коопсуздук, өрт, бала, өлүм, Аида Касымалиева, Кемерово
Тема боюнча
Кайдан деп болобу... Кемероводогу каргаша Кыргызстанда кайталанбайбы?
Кемероводогу кырсыктан көз жумган маркумдардын баарынын сөөгү табылды
Кемеровонун вице-губернатору элден тизелеп кечирим сурады. Видео
Кемероводогу өрт кандай башталган. Видео
Электр линиялары. Архив

Түндүкэлектр: Бишкекте жарыктын массалык өчүшүнө биздин кабелдер себепчи эмес

38
(жаңыланган 23:48 30.10.2020)
ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын текшерип көрүшкөн.

БИШКЕК, 30-окт. — Sputnik. 110 жогорку киловольттук кабель чубалгысы бузулган эмес. Бул тууралуу "Түндүкэлектр" ишканасынын маалымат кызматы кабарлады. 

Эске салсак, кечээ, 29-октябрда, Бишкектин бир топ бөлүгүндө электр жарыгы өчүп, ЖЭБден буу чыккан.

"Түндүкэлектр" ишканасынын маалымат кызматы билдиргендей, ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын оңдош үчүн чыгарып кетишкен.

"Адистер кабель чубалгыларын комплекстүү лабораториялык текшерүүдөн өткөрүшкөн. Жыйынтыгында анын техникалык талаптарга жооп бере турганы аныкталган. 30-октябрда кабелдик чубалгылардын өзүн эле иштетип көрүшкөн, андан соң көмөк чордонго кошуп текшеришкен. Бул иш-чаралардын жыйынтыгында 110 киловольттуу кабель чубалгылары бузулбаганы далилденген", — деп айтылат маалыматта.

Ишкана ЖЭБдин "системалык авариянын келип чыгышына 110 киловольттуу кабель линиясынын ("Түндүкэлектр" ишканасына тиешелүү) зымдары тийишип кеткени себеп болгон" деген маалыматы тастыкталбаганын кошумчалады.

Шаардыктар жарыксыз калганда. ТЭЦтеги кырдаалды асмандан көрсөткөн видео

Эске салсак, калаада жарык жапырт өчкөндөн кийин "Түндүкэлектр" ишканасы ТЭЦте авария болуп, жогорку вольттогу подстанция чыңалуусуз калганын кабарлаган.

Кийинчерээк ТЭЦтин директору Андрей Воропаев ЖЭБде авария болбогонун, жөн гана авариялык коргонуучу система иштеп кеткендиктен ТЭЦтен буу чыкканын билдирген.

38
Тема боюнча
Бишкекте митингге чыккан энергетиктер эмнеге нааразы? Видео
Кызыл Жарым Ай коомдун мобилдик бригадасы

COVID-19га кабылган бейтаптарга Кызыл жарым ай коому жардам берүүдө

37
(жаңыланган 21:22 30.10.2020)
Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат.

БИШКЕК, 30-окт. – Sputnik. Бишкектеги Кызыл жарым ай коому COVID-19га кабылгандарга тез жардам көрсөтүүгө көмөктөшүүдө. Бул тууралуу Республикалык штабдан кабарлашты.

Билдирмеге ылайык, Кызыл жарым ай коомунун бригадасына окуудан өткөн ыктыярчылар, медициналык академиянын дарыгерлери жана студенттери тартылган.

"Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат", — деп айтылат маалыматта.

Дарыгер коронавируска кабылган балдарды дарылоонун өзгөчөлүктөрүн айтты

Бишкек шаарынын тургундары оорунун белгилери байкалган учурда 0502 300 190 номерине (мобилдик бригада) чалып, кайрыла алышат.

37
Белгилер:
жардам, бейтап, коронавирус, Кызыл жарым ай коому
Тема:
Коронавируска байланыштуу Кыргызстандагы кырдаал
Тема боюнча
Өткөн суткада COVID 596 кишиден табылды. 90 бейтаптын абалы өтө оор
Коронавирустан үч киши каза болду
Сейсмаограф маалыматтары. Архив

Түркияда экинчи ирет күчү 5 баллдан ашкан жер титиреди

0
(жаңыланган 00:00 31.10.2020)
Жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан.

БИШКЕК, 30-окт. — Sputnik. Түркиянын Эгей деңизинин жээгинде күчү 5,1 баллга жеткен дагы бир жер силкинүү катталды. Бул тууралуу Anadolu агенттигинин маалыматына таянып РИА Новости билдирди.

Ага ылайык, жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан. Анын кесепети боюнча азырынча маалымат жок.

Бул бүгүнкү күндүн эсебинен Түркиядагы экинчи жер титирөө. Биринчисинин күчү 6,6 баллга жетип, зилзаланын очогу Измирдеги Сеферлихисар шаарындагы райондо жайгашкан. Жер титирөөнүн очогунун тереңдиги 16,5 чакырымды түзгөн.

Ураган имарат, кафеден чыга качкан эл. Түркиядагы зилзаланын видеосу

Акыркы маалыматтар боюнча, Измирдеги жер титирөөдөн көп кабаттуу үйлөр урап, 400дөн ашык киши жабыркап, 12 киши көз жумган.

0
Белгилер:
жаратылыш кырсыгы, жер титирөө, Түркия