Сотрудники пожарной охраны МЧС помогают посетителям выбраться из торгового центра «Зимняя вишня» в Кемерово, где произошел пожар.

Ажал оозунан кайтып... Тажикстандыктар Кемероводогу өрттөн кишилерди куткарып калган

848
(жаңыланган 11:24 30.03.2018)
Махмуд Ходжаев менен Фарзон Салилов кырсыкка чейин эки жума мурда бут кийим саткан дүкөнгө ишке орношушкан

БИШКЕК, 29-мар. — Sputnik. Тажикстандык Махмуд Ходжаев менен Фарзон Салимов Кемероводогу "Зимняя вишня" соода борборунда чыккан өрттөн 50гө жакын адамды куткарып калган. Бул тууралуу Sputnik Тажикстан россиялык басылмаларга шилтеме берип жазып чыкты.

Фарзон сатуучу болуп иштеп жүргөн болсо, Махмуд бут кийим саткан дүкөндө кароолчу болуп эмгектенген. Алар бул жакка эки жума мурда ишке орношушкан. Соода үйүндө өрт чыкканда алар башка адамдарга сыртка чыгууга жардам көрсөтүшкөн.

"Эл ызы-чууга түшүп экинчи кабатта чуркап жүрүшкөнүн көрүп калдык. Анан биздин бөлүмдө жайгашкан кошумча эшикти ачтык. Имаратты толугу менен түтүн каптап кеткенде өзүбүз дагы сыртка чыктык", — деп Фарзон эскерди.

Махмуд Ходжаев күйүп жаткан борбордун ичинен элди куткарганын тастыктап, бирок окуяны кайра эстөө ал үчүн оор болуп жатканын билдирди.

Белгилей кетсек, 25-мартта Кемерово шаарындагы "Зимняя вишня" деп аталган төрт кабаттуу соода борборунда өрт чыккан. Өрт кантип башталганы видео байкоого түшүп калган.

Бул трагедия Россиядагы эң чоң төрт өрт кырсыктын бири катары эсептелүүдө. 1999-жылы Самарада Ички иштер башкармалыгында тилсиз жоо 57 өмүрдү алып кеткен. 2007-жылы Краснодар аймагындагы карылар үйүндө чыккан өрттөн 63 киши каза тапкан. 2009-жылы Пермь шаарындагы "Хромая лошадь" клубунда чыккан өрттөн 153 адам өмүрү менен коштошкон.

848
Белгилер:
кырсык, өрт, Тажикстан, Кемерово
Тема:
Кемерово шаарындагы соода-комплексиндеги өрт (20)
Тема боюнча
Кемероводогу кырсыктан көз жумган маркумдардын баарынын сөөгү табылды
Кемероводогу өрттөн жүздөгөн адам өлдү деген кабарды ким таратканы аныкталды
Кемеровонун вице-губернатору элден тизелеп кечирим сурады. Видео
Саргарган дарактар. Архив

Бейшембиге карата аба ырайы

31
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

31
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

224
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

224
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
АКШлык UFC мушкери Жастин Гэтжи. Архив

Гэтжи бел куруна алымсынбай... Нурмагомедов атаандашы менен тиктешкен видео

0
(жаңыланган 22:49 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Бирок аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөмөкчү.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот