Унаа күтүп жаткан шаар турундары

УКМК маршрутка айдоочуларынын иш таштоо жагдайын иликтөөдө

(жаңыланган 09:46 04.04.2018)
Дүйшөмбү күнү премьер-министр Сапар Исаков маршрутка айдоочуларынан мамлекеттик жана муниципалдык органдар пара алары тууралуу айткан

БИШКЕК, 3-апр. — Sputnik. Улуттук коопсуздук мамлекеттик комитети Бишкектеги маршрутка айдоочуларынын иш таштаган жагдайын текшере баштаганын аталган комитеттин маалымат кызматы билдирди.

Белгилей кетсек, 2-апрелде шаардагы маршрутка айдоочулар жол кирени жогорулатып, милдеттүү камсыздандырууну жокко чыгаруу талабын коюп ишке чыккан эмес. Анын айынан эл бара турчу жерине жете албай, шаарда коллапс жаралган.

Люди садятся в маршрутку на остановке по улице Киевской в Бишкеке
© фото очевидца, отправленное по Telegram-каналу
Дүйшөмбү күнү премьер-министр Сапар Исаков маршрутка айдоочуларынан мамлекеттик жана муниципалдык органдар пара алары тууралуу айткан. Ошондой эле УКМК менен экономикалык кылмыштуулукка каршы күрөшүү мамлекеттик кызматка маалыматтарды текшерип, эгер аныкталса тийиштүү адамдарды кызматтан алууну тапшырган.

УКМКнын маалымат кызматы ИИМ менен биргеликте текшерүүнү баштаганын айтты.

Sputnik Кыргызстан агенттигинин Telegram-тайпасына билдирген жарандардын маалыматы боюнча бүгүн ишке 100, 101, 103, 110, 114, 117, 118, 129, 130, 131, 132, 136, 138, 145, 147, 152, 162, 164, 166, 167, 172, 175, 179, 199, 200, 202, 211, 212, 214, 215, 223, 226, 243, 252, 269, 285, 333, 344 жана 305 номерлүү маршруткалардын айдоочулары чыккан.

Иш таштаган айдоочулардын айланасында эмне болуп жатканын Sputnik агенттигинин тексттик трансляциясынан окуңуздар.

Белгилер:
маршрутка, иш таштоо, УКМК
Тема:
Бишкектеги маршруттук таксинин айдоочулары иш таштады (25)
Тема боюнча
Маршрутка айдоочуларынын иш ташташы. Экинчи күн
Бишкектин маршруткалары бүгүн ишке чыкты
Исаков маршрутка айдоочуларынын иш таштоосуна эмне себеп болгонун айтты
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты