Шабдан баатыр көчөсү. Архив

Шабдан баатыр көчөсү болбой эле 7-Апрель деп өзгөртүлмөй болду

209
(жаңыланган 10:08 06.04.2018)
Көчөнүн атын өзгөртүү боюнча чечимди шаардык кеңештин депутаттары кабыл алды

БИШКЕК, 5-апр. — Sputnik. Шабдан баатыр көчөсү 7-Апрель деп өзгөртүлдү. Тийиштүү чечим Бишкек шаардык кеңешинин депутаттары тарабынан кабыл алынды.

Депутат Канат Музуралиев көчөнүн атын өзгөртүүгө "макул" деген добушун 31 өкүл бергенин айтты. Эки депутат "каршы" болсо, дагы экөө добуш берүүдөн карманган. Калган эл өкүлдөрү (жалпы 45 депутат) шаардык кеңештин жыйынына катышкан эмес.

Шабдан баатыр көчөсүнүн Чүйдөн калаанын түштүк тарабындагы чегине чейинки бөлүгү 7-Апрель болуп өзгөрдү. Ал эми Чүй проспектисинин Ауэзов көчөсүнөн Курманжан даткага чейинки бөлүгү Шабдан баатыр проспектиси болуп өзгөрмөй болду.

Депутаттар мындай жол менен 2010-жылдагы 7-Апрель окуяларын түбөлүккө эсте калтырууну максат кылышкан.

209
Белгилер:
депутат, көчө, Апрель окуялары
Тема боюнча
Бишкектеги коомдук транспорт жаңы багыт боюнча каттайт. Карта
Бишкекте эл көп жүргөн эки көчө оңдоо үчүн жабылат
Президент Сооронбай Жээнбеков. Архив

Кеткендерди кайра кайтаруу керек. Жээнбеков айылдарды өнүктүрүү туурасында

6
(жаңыланган 19:43 09.08.2020)
Маек учурунда Жээнбеков аймактарда көп иштеп келгенин, ал жактагы кыйынчылыктардын баарын жакшы билерин белгилеген.

БИШКЕК, 9-авг. — Sputnik. Айылдарды өнүктүрүү үчүн мамлекетте болгон каражатты ошол жактарга буруу керек. Бул тууралуу өлкө башчы Сооронбай Жээнбеков "Биринчи радиого" (КТРК) маек берип жатып билдирген.

Жээнбеков маек учурунда аймактарда көп иштеп келгенин, ал жактагы кыйынчылыктардын баарын жакшы билерин белгилеген.

"Аймактарда ыңгайлуу жашоо үчүн шарттарды жана жумуш орундарын түзүүгө жергиликтүү бийликтин каражаты да, мүмкүнчүлүгү да жок. Ошондуктан жергиликтүү тургундар өлкөнүн чоң шаарлары менен облус борборлоруна жана чет өлкөлөргө чыгып кетип жатат", — деди Жээнбеков.

Мамлекет башчы премьер-министр болуп турганда жыйырма шаардын тегерегинде өнөр жай ишканаларын куруу боюнча өкмөт программа кабыл алганын да айтып кетти.

Жээнбеков: аймактарда ооруканалар эски, аны оңдоодо каржылоо маселеси жаралбасын

"Калкыбыздын 70 пайызы айыл жеринде жашаарын дайыма айтып келебиз. Бирок чындап келгенде, айылдардан көбү кетти. Аларды кайра кайтаруу керек. Баарын алып келе албасак дагы өсүп келе жаткан муунга, балдарыбызга ошол жерде жумуш орундарын түзүшүбүз шарт. Ал үчүн мамлекетте болгон каражатты ошол жактарга буруу керек. Бүгүнкү күндө мамлекеттеги болгон мүмкүнчүлүктөр анын ичинде бюджет, сырттан тартылган каражаттар аймактарга багытталат", — деди президент.

Мындан сырткары, мамлекет башчы таза суу темасына да токтолуп, бул маселе 2024-жылга чейин чечилип бүтүп каларын убадалады.

6
Белгилер:
өнүктүрүү, айыл, Сооронбай Жээнбеков, Кыргызстан
Тема боюнча
Жээнбеков: ооруканалардын курулушуна 100 млн доллар салчу адамдар бар

Гигиенаны сактаган чычкан элди күлкүгө салды. Видео

134
(жаңыланган 18:28 09.08.2020)
Жамгыр алдында жуунуп жаткан чычкан социалдык тармактын колдонуучуларын жылмайтты. Жагымдуу ролик Вьетнамда тартылган.

Күбөнүн видеосу ViralHog YouTube каналына жүктөлгөн. Кадрдан көрүнүп тургандай, чычкан бутка туруп алып кадимкидей жаандын суусуна жуунуп жатат.

Индияда ээси менен обон созгон ит интернетти жарды. Видео

Видеонун авторунун айтымында, бул окуя 6-августта Хошимин көчөсүндө болгон. Суу алдындагы кемирүүчү жандыкты ал кафенин жанынан көргөн.

"Досторубуз менен көчөдөгү кафеде отурганбыз. Бир маалда чычкандын бул жоругун байкап калып чөнтөк телефондун камерасына тартып алгам", — деди видеонун автору.

Вьетнамдагы соцтармак колдонуучулары аны "эң таза чычкан" деп атап коюшкан.

134
Белгилер:
видео, Суу, жамгыр, чычкан, Вьетнам
Тема боюнча
Өлүмүш болуп арстандардын азуусунан кутулган иттин видеосу