Премьер-министр Сапар Исаков Ош базарында 13-апрелдин таңында товары күйүп кеткен сатуучулар менен жолукту

Товары күйүп кеткен ишкерлердин насыясынын шарты кайра каралып чыгат

147
(жаңыланган 11:21 17.04.2018)
"Ош" базардын аймагындагы "Берекет" майда дүң соода борборунда 13-апрелдин таңында өрт чыгып, жалын 5400 чарчы метр жерди жалмаган.

БИШКЕК, 16-апр. — Sputnik. Премьер-министр Сапар Исаков "Ош" базарында 13-апрелдин таңында товары күйүп кеткен сатуучулар менен жолукканын өкмөттүн маалымат кызматы билдирди.

Белгилей кетсек, бүгүн эртең менен өкмөт имаратынын алдында өрттөн жабыркаган соодагерлер митингге чыккан болчу.

  • Встреча премьер-министра Сапара Исакова с предпринимателями пострадавшими в результате пожара на Ошском рынке Бишкека
    Премьер-министр Сапар Исаков "Ош" базарында 13-апрелдин таңында товары күйүп кеткен сатуучулар менен жолукту
    © Пресс-служба правительства / Сабыр Аильчиев
  • Встреча премьер-министра Сапара Исакова с предпринимателями пострадавшими в результате пожара на Ошском рынке Бишкека
    Белгилей кетсек, бүгүн эртең менен өкмөт имаратынын алдында өрттөн жабыркаган соодагерлер митингге чыккан болчу.
    © Пресс-служба правительства / Сабыр Аильчиев
1 / 2
© Пресс-служба правительства / Сабыр Аильчиев
Премьер-министр Сапар Исаков "Ош" базарында 13-апрелдин таңында товары күйүп кеткен сатуучулар менен жолукту

Жолугушууда премьер келтирилген чыгымды эсептеп чыгуу үчүн атайын комиссия түзүлгөнүн айтып, алар жабыркаган ишкерлердин тизмесин аныктап жатканын белгиледи.

Исаков экономика министрине жабыркаган ишкерлерден документтерди чогултуу, Салык кызматына салык төлөөдө мөөнөтүн узартуу жана Социалдык фондго камсыздандыруу төлөмдөрүн төлөөнүн мөөнөтүн узартып берүүнү тапшырды.

Өкмөт башчы ошондой эле жабыркаган ишкерлердин коммерциялык банктарга болгон насыяларын реструктуризациялоо боюнча сүйлөшүүлөр болорун айтып, кырсыктын себептерин изилдөө анын жеке көзөмөлүндө экенин кошумчалады.

"Премьер-министр базардын ээлери менен сатуучулар үчүн бардык шарты бар соода жайын куруу, ошондой эле ишкерлерге ижара акысын убактылуу төмөндөтүү боюнча базар ээлери менен сүйлөшүүлөр болорун белгиледи", — деп айтылат маалыматта.

Эскерте кетсек, кырсык 13-апрелге караган түнү болгон. Өрттүн очогу Киев менен Кулиев көчөлөрүнүн кесилишине жакын "Берекет" базарында жайгашкан. ӨКМ базар атайылап өрттөлгөнүн айтып, милиция кылмыш ишин козгоду. 5200 чарчы метр аянтты жалмаган өрт 16 сааттан кийин толук өчүрүлгөн

147
Белгилер:
ишкер, соодагер, базар, өрт, премьер-министр, Сапар Исаков, Бишкек
Тема:
"Ош" базарындагы үчүнчү өрт (26)
Тема боюнча
"Ош" базарынын соодагерлери өкмөт үйүнүн алдына митингге чыкты. Коюлган талаптар
"Ош" базарындагы өрттөн жабыркагандар өкмөт үйүнө кирип кетишти
"Ош" базарындагы өрт 16 сааттан кийин толугу менен өчүрүлдү
Сборка автобусов и электробусов в Камском автомобильном заводе (КамАЗ)

Министрлик: КамАЗ Кыргызстанда автобус чогултуу мүмкүнчүлүгүн карап жатат

18
(жаңыланган 18:36 24.06.2021)
Үч тараптуу келишимге россиялык ишкананын жетекчиси, кыргызстандык компания, энергетика жана өнөр жай министри кол койду.

БИШКЕК, 24-июн. — Sputnik. Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт. Бул тууралуу Энергетика жана өнөр жай министрлигинен билдиришти.

Министр Доскул Бекмурзаев башында турган делегация россиялык компаниянын ишмердүүлүгү менен таанышкан. Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.

  • Сборка автобусов и электробусов в Камском автомобильном заводе (КамАЗ)
    Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
    © Фото / пресс-служба Минэнергопром
  • Делегация во главе с министром энергетики и промышленности Кыргызской Республики Доскулом Бекмурзаевым ознакомилась с деятельностью российской компании «КамАЗ»
    Министр Доскул Бекмурзаев башында турган делегация россиялык компаниянын ишмердүүлүгү менен таанышкан.
    © Фото / пресс-служба Минэнергопром
  • Сборка автобусов и электробусов в Камском автомобильном заводе (КамАЗ)
    Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.
    © Фото / пресс-служба Минэнергопром
  • Автобусы и электробусы в Камском автомобильном заводе (КамАЗ)
    Кийин тараптар келишип калса автобустарды чогултуу боюнча келишимге кол коюлат.
    © Фото / пресс-служба Минэнергопром
1 / 4
© Фото / пресс-служба Минэнергопром
Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
"Келишимге ылайык тараптар Кыргызстандын аймагында эл ташый турган газ менен жүргөн автобус жана электробустарды чыгаруу боюнча изилдөөлөрдү биргеликте жүргүзүшөт", — дешти министрликтен.

Кийин тараптар келишип калса автобустарды чогултуу боюнча келишимге кол коюлат.

18
Белгилер:
келишим, Кыргызстан, автобус, "КамАЗ"
Тема боюнча
Бишкекке жаңы алып келинген автобустар кайсы жактарга каттайт? Маршрут
Лампа. Архив

Эртең Бишкектин 39 жеринде электр кубаты өчүрүлөт. Тизме

7
Түндүк электр" ишканасынын бригадалары трансформаторлордун подстанцияларын оңдоп, өткөргүчтөрдү орнотуп, дагы башка иштерди жасайт.

БИШКЕК, 24-июн. — Sputnik. Жума күнү, 25-июнда, Бишкектин бир топ жеринде электр кубаты өчүрүлөрүн "Түндүк электр" ишканасынан кабарлашты.

Бригадалар трансформатордун подстанцияларын оңдоп, өткөргүчтөрдү орнотуп, дагы башка иштерди жасайт.

Электр энергиясы убактылуу өчүрүлө турган аймактар:

  • 9:00дөн 18:00гө чейин — Ала-Тоо, Арча-Бешик (Чортеков, Бердибаев, Садыбакасов, Ойсул-Ата көчөлөрү), Ак-Ордо (Ара-Көл, Улуу-Тоо, Улук-Тоо, Макмал, Бештектир, Терек-Сай көчөлөрү), Орок (Кочкор-Ата көчөсү) жана Ак-Босого (Архитектор, Түлөбердиев, Саадаев, Ынтымак, Манас жана Чүй (№17, 21 үйлөр) көчөлөрү) конуштарында болбойт;
  • 9:30-12:00 — Тунгуч кичи районундагы №1, 3, 12, 4, 17,17/2 үйлөрдө;
  • 9:30-18:00 — Сельсовет, Жамгырчинов, Месарош, Ильменская, Серпухов, Волков, Бөкөнбаев көчөлөрүнүн тилкелеринде жана Манас проспектисинде өчүрүлөт. Орто-Сай айылындагы Рысмендиев, Кумар жана Иманалиев көчөлөрүнүн жашоочулары электр кубатысыз калат;
  • 9:30-19:00 — Кийизбаева, Каменная, Токтоналиев, Ахунбаев, Орозбеков, Васильев, Элебесов көчөлөрүнүн тилкелеринде жана Ботаника кууш көчөсүндө;
  • 10:00-15:00 — Көк-Жар конушунда (Куйручук, Санжыра көчөлөрү);
  • 11:00-14:00 — №88 мектепте өчүрүлөт.
7
Белгилер:
эскертүү, өчүрүү, электр кубаты, Бишкек
Тема боюнча
Шашылыш билдирүү! Эртең-бүрсүгүнү айрым аймактарда сел жүрөт